سَجـين قلبـي -

بـارت 3

.
.
.
قراءة ممتعه
.
.
.

يبوس جبينها بحنيه : يا اجملل اخت بدنيا
ترجع تضمه وتدفن نفسها بحضنه وتصيح ...
جاد يمرر ايده ع شعرها ويهمس لها : ريوف خلاص هذا انـا جيت لعندك
المربيه نرمين وهي واقفه ابتسمت من شافت جاد بعد رجوعه واهم ريوف
حست ب امان اكثر ووجود جاد حولها يخليها تعيش مرتاحه وبدفا وامان

جاد ناظر المربيه نرمين : شكراً على اهتمامك ف ريوف مدة غيابي
قاطعته)بسرعه تكلمت نرمين : ولوو هذا واجبي استاذ جاد
ريوف ترفع فيسها ل وجهه وتطالع عيونه : اوعدني ما تخليني ثاني مرا
جاد يطالع عيونها بحنيه : وعد ما اخليج
المربيه نرمين : استئذنكم ..
جاد حاب يكافئها على طول فترة وجودها واهتمامها فيها طول السنتين لي طافت (ابتسم): تقدرين تطلعين اليوم ... واعتبريها اجازه
المربيه نرمين تفاجئت : اجازه !
جاد : ايه اجازه لا وبخليهم شهربعد واذا ودك اكثر.؟
المربيه نرمين مو مصدقه طارت من الفرحه : هه لا كثير استاذ يكفيي سـ سبعه ايام
جاد : لاه وش سبع ايام اقول شهر وقليل بحقك
المربيه نرمين من فرحه تلعثم لسانها : مم مـ مـ مشكـ ورر ءءءاسـتـ اذ شكـ رراً .. من فرحه راحت لغرفتها تجهز شنطتها لحتى تروح ل اهلها
.
.
ريوف بحمــاس : راح اجيب كل شبسات بغرفتي ونلعب ونسهر ونطالع فـلم زي زمــانن
جاد تذكر انه مواعد شوق تردد  : ريوف لحظــه !
ريوف رجعت صوبه بعد م كانت بتصعد الدرج : ايوا !
جاد وهو متردد يبـــي يكون مع اخته لكن بنفس الوقت مواعد شوق احتار بينهم قرب منها حط ايده يمسح ع شعرها : ريوف نامي بدري وبكره نسهر سوا !
ريوف اختفت ابتسامتهـا: ليه ؟
جاد يبـــي يخلق عذر : لانن .. اي لأَنِّي نعسـان ومرهق وابي انام زيـن
وبكره من الصبح لحد المسا بكون فاضي لك بس تامرين امر نسهر ونلعب ونط...
قطعت كلامـه : ولحيين ؟؟
جاد : مو قلت لج نعسـان
ريوف ما صدقته لان مبين عليه نشيط : بس مو واضح عليك
جاد يأشر ع عيونـه : مو واضح علي لانن حاس بصداع وصداع سببه اني ما نمت ؟
ريوف دارت ظهرها بكسرة خاطر حزنت مرا اختفى صوتها وراحت تصعد الدرج ببطء كانت منتظرته خلال مدة غيابه ومن وصل صار يخلق اعذار كانت تبيه يكون معها مثل قبل يسترجعون ذكرياتهم سنتين كفيله انها تغير ريوف فـ اشياء كثيره واولها ما عادت الطفله لي يخبرها مثل قبل ..

.
.
.
انزلت ... 
ريم ودعتها : باي
لوحت لها بيدها وبعدها مشت قلبها يدق اكثر كل ما اقتربت من باب القصر خطواتها كانت جداً بطيئه رغم المسافه قصيره أنفاسها صارت عميقه اكثر لحد م وصلت باب القصر ..صوت الجرس ..
قرر هوا بنفسه يفتح لها من بعد م تأكد الخدم نامــو
واخيراً. هالحظه الـي كان يفصلهم هالباب بس .. شوق حدها متوتره ونبضات قلبها تزيد وحالتها حالـه!
ما تعرف شنو هالشعور لي تملكها فجاءه ضمت ايدها ببعض وما حست بحالها الا وهي قدّامه
ناظرها لثواني وبعدها مد ايده بمعنى ..تفضلـي
شوق جاها خفقـان لدرجة ما قدرت تطالع فيه وما حست بحالها الا وهي داخل القصر
جاد يأشر لها : جناحي بذا الصوب .. وهو يمشي معها ..عم الهدوء بينهم فجاءه
جاد ضاغط ع ايده ويكلم روحه ..تحمل امسك نفسك خليك عادي وطبيعي ..
عكس شوق الي لحظتها استوعبت وهي منزله راسها وتكلم نفسها طول م يمشون .. دقيقه ششلون ما ضمني وشلون ما ضميته ؟؟ ااه يمكن لبسي ما أعجبه ؟ ءء اوو يمكن حاطه فل ميكب ونا مو حاسه بنفسي اه شلون امسح هالحفله لي بوجهي اخ كله من ريموو وش سويتي حتى يستقبلني ببرود بموت والله بجنن ...  سمعت صوت تسكيرة الباب
فـزت وقتها وتوقف سرحانها .. كانت واقفه بمنتصف مرر طويل اناراته خافته حيل وبرودة المكان رغم انها كانت بنفس المكان قبل سنتـين !
لكن تغير الأثاث ولون السرير وشوي من ديكور خلاها تستشعر انها اول مرا تدخله ..!