اكتفت كارمن بالصمت ودموعها تهبط وبعد قليل قالت: انت جيت ليه وعرفت ازاي.
مروان بهدوء: عرفت عشان مخلي جارد يحميكي.
كارمن بغيظ: ازاي يعني.
مروان: انتي دايما مش بتاخدي جارد وعشان اطمن عليكي اكتر بس.
جففت دموعها وقالت بضيق: وانت تطمن عليا ليه مش فاهمه.
مروان: عارف انه مش وقته بس لازم اقولك.
كارمن بملل: ممم اتفضل.
مروان: انا بحبك.
كادت ان تتحدث بغضب ولكن قاطعها وهو يقول: اتاكدت من حبي ليكي لما عرفت انك عملتي حادثه كنت حاسس ان قلبي هيقف.... مشيت في اختصار الطريق من غير سواق حتي تصوري مروان الحديدي يمشي من غير سواق؟؟
ابتسمت رغما عنها لجملته تلك وقالت بعدما عادت لبرودها: وانا مبحبكش.
مروان: نعمم؟
كارمن: مبحبكش.
مروان: انتي اعترفتي.
كارمن بتبرير كاذب: كنت وقتها مش في وعيي وانت عارف.
مروان: بس انا بحبك.... ومتاكد انك بتحبيني.
هبطت دموع كارمن مره اخري وقالت بغضب: اففف بقا قلتلك مش بحبك... مش عايزه اشوفك تاني انا بجد تعبت والله تعبت.
ظلت تبكي وهو ينظر لها بصمت.
كارمن ببكاء: سيبني في حالي بقا انا بجد دلوقتي مش انتقمت ورجعت حق بابا وكل ده بسبب باباك.... تعبت.... مطلوب مني دايما اكون قويه بس في الحقيقه انا تعبانه وبتظاهر باني كويسه... كل يوم بحلم بالحادثه...... شعور بيوجعني لما احلم بيهم هما الاتنين ماتو قدام عيني مش ده صعب؟؟؟ وبكل بساطه جاي بتقولي بحبك وعايزيني اقول انا كمان؟؟
مروان بصراخ: ليه بتحاسبيني انا وبابا هو المسئول انا مش فاهمك بجد ليه بتنتقمي مني... وانا مليش اي ذنب فالموضوع.
كارمن ببكاء: انا منتقمتش لحد دلوقتي وربنا يعلم انا كنت ناويه اقتل الشخص السبب في كل ده..... بس انا غبيه ومنتقمتش صح.... لان مليكه ملهاش ذنب في كل ده.... وانت كمان ملكش ذنب.... ف ابعد عني لو سمحت لو بتحبني فعلا ابعد عني وسيبني في حالي.
نظر مروان لعينيها بقوه: مش هبعد عنك عارفه ليه عشان بحبك وعندي استعداد افضل كل شويه اقولها.
جففت دموعها بهدوء وتوجه للخارج وبعد ثواني وجدته يدلف ومعه الطبيب الخاص بحالتها.
الدكتور ببسمه: شرف لينا يا فندم ان. حضرتك هنا وكمان استاذ مروان... الف سلامه علي حضرتك.
كارمن: الله يسلمك.
اعطي لها ما يسمي بالعجاز لتستند عليه واعطي لها التعليمات التي يجب عليها اتباعها ووتوجهو خارج المشفي وتوجه مروان وهو يسند كارمن لسيارته.
كارمن بالم بعض الشى: انا هكلم جارد يجيبولي عربيتي شكرا.
مروان: بطلي هبل اركبي.
لم تعاند فهي غير قادره علي الوقوف حتي.
صعدو للسياره وقالت كارمن: ممكن اروح المقابر.
مروان: ليه.
كارمن: متعوده علطول اروح وبالذات النهارده معلش هتعبك.
مروان: لا مفيش تعب ولا حاجه.
وبالفعل وصلو.
دلفت كارمن بمساعده مروان وتركها بمفردها وخرج للخارج
«بالداخل»
كارمن ببكاء: اسفه اني مش انتقمت زي ما وعدتكو بس بجد مش قدرت عشان هو ملوش ذنب لا هو ولا مليكه وفي نفس الوقت انا بحبه والي بيحب حد مش بيعرف يأذيه اكيد..... مش هعترف وهحتفظ بالشعور ده لنفسي.
نهضت من مكانها بصعوبه ووجدت مروان خلفها.
كارمن بقلق: انت سمعت حاجه.
ابتسم مروان:ممم شويه.
_سمعت ايه.
_نتكلم في العربيه.
قالها وهو يسندها تجاه السياره.
ركبو وانطلق بهدوء وقالت هي: سمعت ايه.
ابتسم مروان: انا بحبه والي بيحب حد مش بيعرف يأذيه اكيد..... مش هعترف وهحتفظ بالشعور ده لنفسي.
وضعت كارمن يدها علي فمها من الصدمه وتحلت بالصمت.
مروان بضحك شديد: سرك في بير في اي.
لاحظت كارمن ان هذا ليس طريق منزلها وقالت: انت هتخطفني ولا اي..... احنا رايحين فين.
مروان ببسمه عريضه؛ بيتي... هو انا مقولتلكيش.
كارمن ببلاهه: لا مقولتش خير.
مروان وهو ينظر لها: انتي هتعيشي معايا لحد ما الجبس يتفك.
كارمن: نعمممم.
#########
_يا بنت الناس ارحميني.
قالها رامي وهو يحمل اكياس كثيره وامامه تسير فيروز.
فيروز: الله جوزي حبيبي اكيد هتشتريلي كل حاجه انا عايزاها صح.
رامي: عايزاها ايه بس انتي اشتريتي كتير اوي.
فيروز بتافف: سديت نفسي يلا نحاسب.
رامي وهو يتجه للكاشير: والله انا خايف فلوسي متقضيش الحساب.
########
مروان: اه بجد مش مصدقه ولا اي.
كارمن: لا مش هاجي معاك روحني.
مروان: هتيجي ومش هروحك.
لم تكمل حديثها بسبب وقوف السياره امام فيلا كلمه فاخره لا تأتي شى لوصفها.
هبط مروان وفتح باب كارمن وحملها بينما ظلت كارمن تصرخ به.
كارمن بصراخ: نزلناااي اعععععا يا متخلف انت.
مروان: كلمه كمان وهرزعك فالارض ولا يتهزلي شعره ومبرجعش فكلامي.
وضعت يديها السليمه علي فمها وصمتت.
توحه لها لغرفه ووضعها علي الفراش بهدوء وقال ببسمه: دي اوضتك وهيجيلك لبس عشان المده الي هتقعديها.
كادت ان تتحدث بغضب ولكن قال هو: مفيش كلام ولو اتكلمتي هتزعلي.
كارمن بصراخ: انت بتهددني يا جدع انت.
مروان ببرود: اه... ارتاحي ومتتحركيش من مكانك.. اكلك وكل حاجه هتجيلك لحد عندك.
كارمن بغيظ: انا مش مكسحه اوي كده يعني قادره اتحرك.
مروان: اسمعي الكلام.
كارمن: اففف حاضر.
ذهب مروان وبالفعل كارمن غفت بأقل من ثواني.
بعد مرور ساعتين.
دلف مروان وجدها نائمه بملائكيه حقا اراد ان يحفر شكلها بقلبه فكان شكلها هادئ ومرهق للغايه ولكن زادها جمال فوق جمالها.
توجه اليه وهبط علي ركبتيه ونظر لوجهها الملاكي اللطيف واعاد خصلاتها التي كانت علي عينيها بهدوء وقبل رأسها ورحل بهدوء.
«بعد ساعه»
اتت مليكه من المدرسه الخاصه بها وعندما علمت بوجود كارمن توجهت لغرفتها سريعا.
ابتسمت كارمن عندما رأتها: كوكي... وحشتيني.
احتضنتها مليكه: وانتي كمان.
جلسو مع بعضهم بمرح واكلو معا بسعاده.
في اليل
اصرت مليكه علي النوم مع كارمن وبالفعل ونامو بتعب.
«في الثالثه صباحا»
استيقظ مروان عندما شعر بالظمأ وتوجه للمطبخ وشرب. وتوجه لغرفه كارمن ليطمان عليهم.
وجد كارمن محتضنه مليكه بيدها السليمه وكذلك مليكه وغافلين بهدوء.
نظر لهم ببسمه ثم عاد بغرفته ونام هو الاخر.
في الصباح.
استيقظت كارمن وفعلت روتينها بصعوبه وجلست تتحدث مع فيروز علي تطبيق (واتس اب) واخبرتها ما حدث.
وجدت الباب يدق.
كارمن: اتفضل.
دلف مروان ومعه الخادمه بالطعام وقال هو: سبيه هنا.
تركته الخادمه ورحلت بهدوء.
اعتدلت كارمن بهدوء علي الفراش: نعم.
جلس مروان بجانبها مراعي المسافه: هتاكلي.
كارمن برفض: شكرا مش جعانه.... مليكه فين.
مروان: هتاكلي غصب عنك مش دي تعليمات الدكتور ولا اي.... مليكه فالمدرسه.
كارمن: مش عايزه هاكل غصب عني.
مروان: اه.
ثم بدأ يطعمها بيديه لعدم قدرتها كارمن علي الاكل ف يديها اليمني ماذالت بالجبس.
كارمن بغيظ: هتفضل تأكلني كده كتير.... سيبني اكل انا.
مروان وهو يضع الطعام بفمها حتي امتلئ: لا.
انتهت من الطعام وتناولت ادويتها وقالت بتأفف: انا زهقت من القعود فالاوضه.
مروان: لازم ترتاحي.
كارمن: انا كده هتعب اكتر.... مش هتحرك كتير وبعدين انا قادره امشي يعني.
مروان:ماشي يستي.
حملها فجأه وصرخت هي:نزلنااي.
مروان: لو مسكتيش هرميكي من بلكونه السلم.
صمتت كارمن وبعد ثواني وضعها علي الاريكه وتوجه لغرفته.
ثواني وهبط وكان يرتدي ملابس كاجوال تتكون من بنطال كحلي اللون وتيشرت اسود وحذاء رياضي ابيض ونظاره فخمه.
كارمن: اي ده انت ماشي.
مروان: اه في حاجه.
كارمن ببسمه عريضه: لا مفيش حاجه خالص اتفضل.
توحه للخارج بضحك علي تلك المجنونه.
بعد مرور شهر ونصف.
ازالت كارمن الجبس الذي كان يحاوط زراعها وقدمها وعادت لمنزلها.
#######
مروان وهو يتحدث بالهاتف بخبث: رامي.... فيروز.... سامعني.
رامي وفيروز: سامعينك.
قص لهم خطه بخبث.
فيروز: الله عليك.
رامي: جامده.
مروان: والباقي عليا انا بقا وانتو كلموها وقولوها كده.
اغلقو معا وبدأت الخطه ماذا سيحدث يا تري؟؟
######
في شركه عز الدين
كانت تجلس تنظر بتركيز بالملف الذي امامها وقامت بالرد علي الاتصال الذي اتاها: الو.
فيروز وهي تدعي القلق: كارمن الحقي.
كارمن: في ايه.
فيروز:مروان تعبان اوي وهو فالفيلا لوحده الحقيه بسرعه.
هبت واقفه بقلق كارمن: طيب. طيب انا رايحه حالا.
ثم اغلقت وتوجهت للفيلا بسرعه شديده.
رامي بتمثيل: اه يا اخويا اااه.
فيروز: اوفر اوي.
#########
وصلت للفيلا ودلفت من الباب الخلفي وركضت بقلق لغرفه مروان ووجدته يرتشف قهوته بهدوء.
كارمن بصراخ: ايه الجناان دههه.
اتجه مروان نحوها: قلتلك انا متأكد من حبك ليا.
جلست كارمن وانفاسها تعلو وتهبط بسرعه شديده: مبحبكش.
مروان:طيب لما عرفتي اني تعبان عملتي ايه جيتي علطول ده اول اثبات.... اعترافك واحنا في المقابر ده تاني اثبات.... اعترافك وقت خطفك لمليكه ده ثالث اثبات.
كارمن:ليه مش قادر تفهمني.
نظر لها: افهمك ازاي... بتحبيني وبحبك اي المانع.
صمت قليلا: انا فهمتك خلاص طالما ده هيريحك.
كارمن:فهمت ايه.
مروان: عشان انا متجوز قبل كده ومعايا بنت ف ده الاعتراض وانا بقولك اهو هعمل الي انتي عايزاه هبعد عنك.
كارمن بسرعه: لا انت فهمت غلط انا بحب مليكه زي بنتي بالظبط بس المشكله انت عارفها.
مروان: انا مليش ذنب تعاقبيني انا مليش دعوه... ليه مدخلاني معاه فلموضوع ليه... انا اصلا اول مره اعرف منك.
كارمن: غصب عني مش قادره.
مروان: طيب انا هنقل فروعي في النرويج وهروح ل اخويا وهبعد عنك فعلا ومش هتشوفيني تاني.
اندفعت نحوه بسرعه: لا.
مروان: لا ايه.
كارمن: متمشيش انا بعد ما قعدت عرفت اني ظلمتك فعلا وانك ملكش ذنب اسفه.... بحبك.
صدم مروان من اعترافها هذا وضع يديه علي جبهتها يتحسس حرارتها.
كارمن بضحك: في اي.
مروان: بشوفك سخنه ولا حاجه.
كارمن بضحك: لا انا مش سخنه.
بعد مرور اسبوع.
فيروز: ماشاء الله بجد شكلك تحفه.
كارمن: بجد.
فيروز: اه والله.
هبطو للاسفل
وكان واقف مروان في انتظار كارمن وبجانبه كل من مليكه ورامي.
وقفت بجانب مروان وتمت الخطبه وعقد القرآن بسعاده.
ادمعت عين كارمن عندما تذكرت والديها الذين كانت تتمني ان يروها مع الشخص الذي احبته ويسعدو لفرحتها.
جففت دموعها سريعا.
مروان بهمس: هما مبسوطين دلوقتي علفكره.
كارمن ببسمه: ربنا يرحمهم.
مروان: امين.
«بعد مرور 5اشهر»
اتي اليوم المنشود وهو زفاف كل من رامي وفيروز ومروان وكارمن.
هبط كل من رامي وفيروز ومروان وكارمن الممسكه بيد مليكه.
توجه الجميع لساحه الرقص ورقصو بفرح وسعاده.
انخفضت المسيقي تدريجا وصعد كل من رامي ومروان وهما ممسكين بالمايك وغنو اغنيه عمرو دياب(معاك قلبي).
بعد الانتهاء من الغناء صرخو بكلمه(بحببببك)
ثم ركضو ل فيروز وكارمن واحتضنوهم وظلو يدورو بهم بفرح وسعاده.
♡♡♡♡♡
♡النهايه♡
اتمني تكون النوفيلا عجبتكو واتمني تقولولنا رايكو مهم جدا بالنسبالنا💕
♡♡♡♡♡♡
فاصل بسيط 😂
انا ك ملك بقولكو استنوني لان في خبر هينزل بعد ده في بارت لوحده النهارده وملوش دعوه ب صحبتي الخبر ده عني انا ♥
دمتم سالمين
#بقلم المبدعه ملك احمد♥
#بقلم اسراء يحيي♥
أنت تقرأ
ما بين الحب والمنافسه بقلم المبدعه ملك احمد واسراء يحيي
Short Storyهاديه بطبعها وهو يتحلي بقناع البرود. لدي كل منهم حياه وماضي... منهم اليم ومنهم طبيعي ولم يوفقه النصيب. ولكن عزيزتي القارئه تلك الاحداث التي ستحدث احداث مختلفه عن اي حدث من اي من رواياتي السابقه واتمني ان تلك الروايه تدخل اعماق قلوبكم. تلك الروايه با...
