نهار خرجت نشري توفيتة*
⚡بقلم انصاف وشاجع
خرجات عطات رجليها ل الريح بسروال دلبيجامة نصو عامر بالتصفيرة.. وتيشورت خفيف سوالف مطلوقة وفرجليها كلاكيطة كتجر فيها وهي كضحك مهم زومبي غادي وصاف..موقفات تالعند هشام مول لحانوت لقاتو ساد
منال:واااوحلا دلكلاب هادي..خاص نجبدها تالسيكتور لاخر وزيد خاصني تا روشارج فاك ولمقودة معرفت تا شحال ساعة..
مجات فين تكمل هضرتها تاقشعات واحد الدري دايز كتافو عراض مكضر وصحيح شعرو رطب رادو لور بطريقة رجولية لابس لكحل من راسو تالرجليه عاقد غوباشتو ومكيشوف فحد..ملقات مدير من غير تسولو هو
منال:خويا واااخويا والكحل وااخوويا
شافتو متكلمش ليها خملات سروالها وطلقاتها بجرية تالعندو جراتو من تيشورت ديالو كتنهج..ضار كيشوفيها متعجب..دارت ليه سطوب بيديه وشدات ركابيها كتنهج
منال:هوووف..هاه...شوف..هووف..من قبيلة من قبيلة ونا نجري هووف وتا تجري خطوتك تساوي ربعا من ديالي..مخليت تعياط مخليت مخليت غوات يحلفو عليا تاكنتحرش بيك..مهم ماعلينا طلق ختك عايشك اخويا شحال الساعا سربي راسطافيط دروك تجمعني نصدق لاطوفيطا لاروشارج لا راجعا لدار
هو(بقا واقف مصمر معرف باش تبلا منين طاحت عليه هادي بقا غامربع يديه وكيشوفيها كفاش كتحيد الشعر الرطيطب من علا وجها وكتشهق وتهضر وتعبر بيديها حنيكاتها حمرين بالجرا):بلات اختي غابشوية عليك(ضرب طلة على الساعة لي فيدو لقاها 17:50)بقاتليك عشرة دقايق هادي الستة قلعشرة
منال(شدات راسها):ويلي ويلي صاافي كملات ولكن طوفيطتي هي لولة شكرا اخويا باي
هو:ااجي اجي(حيد الساعة من يدو وعطاها ليها)..هاكي باش ميمشيش عليك لحال متبعديش بزاف باش تلقاي الوقت لي ترجعي فيه
بقات غامبلقة عينيها نسات تامتشكرو علقات وكل همها توفيتة وروشارج تشد بيها الليل
أنت تقرأ
نهار خرجت نشري توفيتة 🦋مكتملة 🦋
Romansa💎مكتملة💎 ❌حصرية على الواتباد ❌ جالسة جالسة ضارت ليا فلخوا على شي قصة كورونية تفجج عليكم وبدييت نكتب..هوف مكنعرفش لهاد لمقدمات ولخوا لخاوي ندخلو ديريكت❌القصة بعنوان*نهار خرجت نشري طوفيطة* ❌بكلافي انا إنصاف وشاجع ❌طابع القصة:كوميديا رمنسية(قصيرة)
