نهار خرجت نشري توفيتة*
⚡بقلم انصاف وشاجع
فاطمة:هههه سيري ليمسخك
مشات کدردگ لبيتها طلات علا لمراية هي هديك هزات كمامة جديدة دارتها وطلقات شعرها يخبي وجها باش ميعرفها حد وهبطات
باليها من بعيد..تزير قلبها حسات بلفراشات كينقزو فمعدتها..مشات عندو حتا وقفات عليه كان لابس حوايجو ديال قبيلة سروال وتشورت فلكحل وكويرة من لفوق
منال:ياسين
سمع سميتو بصوتها قلبو تهز ضار كيشوفيها حتا سحا وعقد حجبانو كيشوفيها عاد فهمات راسها
منال:منال سميتي منال
يلاه بغا يجاوبها حتا جراتو من يدو كتجري وهو وراها معرف باش تبلا..موقفات حتا لواحد زنيقة خاوية معنقاه باش تخبا وكتشوف من وراه خايفة..مباليها حد عاد عاقت براسها وبعدات منو
منال(مكتشوفش فيه حشمانة من راسها):بب..بباا.باا كان غير با لهيه
بقا كيشوفيها وكيضحك:وانتي علاام هدشي لاش جراني هكا هههه وزايداها معنقاني
منال(بحرج):ووووراه كون يحصلني براهيم معاك يكويني..ءءء ييييدبحني زعما
ياسين(صغر عينو فيها): همممم يدبحك ههه وااينييي تعنييييقة هادي عندك
منال:ليمسخك(جبدات 50درهم من صدرها وكمشاتها ليه فيدو)
ياسين(حل يدو كيشوفيها معجب):شنو هادي
منال:سيفطيليا 50 درهم وهاني جبتها لك بلحق رد ليا 5 دراهم ديالي
ياسين:منين مصنوعة نتي باش مقادينك باش
منال:ومالك كطنز عليا دبا شد لمرض وسكتنا
ياسين:غاتشدي زبلك ولا غانرضو لك بيدي لبلاصة منين جبدتيه
منال(حلات عينيها علا جهد):كون تحشم..(نتراتها ليه من يدو)..صاف نيت هادي نعمرو بيها لبوطة ونشري بيها توفيت وزيد وزيد
ياسين(بجدية):مهم منال راه دويت مع باك
أنت تقرأ
نهار خرجت نشري توفيتة 🦋مكتملة 🦋
Romansa💎مكتملة💎 ❌حصرية على الواتباد ❌ جالسة جالسة ضارت ليا فلخوا على شي قصة كورونية تفجج عليكم وبدييت نكتب..هوف مكنعرفش لهاد لمقدمات ولخوا لخاوي ندخلو ديريكت❌القصة بعنوان*نهار خرجت نشري طوفيطة* ❌بكلافي انا إنصاف وشاجع ❌طابع القصة:كوميديا رمنسية(قصيرة)
