وحيد ولكن

بارت 16:

ايان بصت لليل بصدمه ...
سمر اغمى عليها وسليم جرى خدها فى حضنه وقعد فى الارض بدموع فى عينيه
ليل قرب من ايان والدموع متحجره فى عينه ...
ايان برعشه وصوت منخفض ..ليل ماما كويسه صح ده بيكذب
ليل بدموع ..اهدى عشان خاطرى
ايان زقته بعنف وصرخت باعلى صوتها ...ماماااااا
ليل حضنه وقعد فى الارض وفضلوا يعيطوا هما الاتنين ...
ليل بيعيط على مامته التانيه الى خسرها..
ايان بتعيط على امها إلى راحت زى باباها وسابتهم..

وبدأت إجراءات الدفن والغسل ...
جوا المغسله...
ايان بدأت تغسل مامتها
ايان بصدمه لمامتها ودموع ....يعنى خلاص ياماما مش هشوفك تانى ياماما طب هتكلم مع مين طب مين هيخدنى فى حضنه ياماما ماما متسبنيش وحضنت جسم مامتها وانهارت عياط
ايان ..عشان خاطرى قومى عشان خاطرى ياماما بلاش توجعى قلبي عليكى ياماما يعنى اى طيب طب ليه تسبينى فى الحيره دى ياماما وفجاه صرخت صرخه وصلت ليليل بره ...اههههههه
ليل وسليم بصوا لبعض بقلق
ايان خرجت مدمره بشكل كلى واترمت فى الارض ...
سليم جرى عليها مسكها حضنها وفضل يهديها
سليم ...ايان ايان اهدى ياحبيبتى اهدى بصيلى طيب
ليل قرب من سليم حط ايده على كتفه ...
قوم انت شوف سمر وانا هشوف ايان
بص على سمر لقاها قاعده باصه فى نقطه غير محدده وحاطه أيدها على بطنها ...
السرير بتاع ماما ايان  خرج
سمر بصوت مخيف وهادى...استنوا
وقفوا ...
قامت وقفت قدام الترولى ...
مسكت ايد مامتها حطتها على بطنها
سمر بضحكه موجوعه ...ماما بصى بيتحركوا جوا ازاى ياحبيبتى بصي ياماما ..طب يلا مش قولتليلى هتفضلى جمبى حتى يوم الولاده صح ياحبيبتى صح مين هيفضل جمبى بقى قومى يالا يالا قومى فجاه ايد مامتها وقعت من على بطن سمر ....
سليم قرب منها بسرعه ...
سليم شدها ....خلاص ياحبيبتى خلاص
سمر بتوهان ...طب ونبى ونبى أودعها ونبى اروح معاها ونبى ها يا سليم اودعها بس
سليم بدموع فى عينه...وحدى الله وحدى الله يا سمر

تمت مراسم الدفن والعزاء ...

بعد مرور أسبوع ...

فى بيت مامت ايان ...
العزا خلص ..
سمر قاعده حاطه أيدها على بطنها والدموع منشفتش من على خدها وسليم وخدها فى حضنه وبيطبطب عليها بهدوء وسكوت ....

ايان قاعده سانده راسها لفوق والدموع فى عينها بس مش راضيه تخرج...
ليل قاعد جنبها بيبصلها بوجع على وجعها حط ايده على أيدها محسش باى استجابه منها خالص ....

وبكده البنتين اتكسروا وبقوا لوحدهم لوحدهم خالص ....

بعد شهر ...
بدوا يفوقوا من صدمتهم....
اجتمعوا سوا الاربعه فى بيت ام ايان ...
ليل لايان ..ايان انتى مينفعش تفضلى لوحدك دلوقتى خطر عليكى
ايان بصتله بروح خاليه ...اعمل اى
ليل بتردد...تيجى تعيشى عندى فى الفيلا يا ايان كلكم تيجوا الفيلا
سليم بمقاطعه ...انا اشتريت الفيلا إلى جمبك على طول وبحراسه كويسه لحد ما نعرف مين عمل كده ...
ليل تمام كده وبص لايان ...وانتى يا ايان ؟
ايان ...ليل انت مستعد تتجوزنى
التلاته فى صوت واحد ...ايه ؟
ايان بشرود ...ماما طلبت منى ده قبل ما تموت وانا هنفذ طلبها ده
Flash Back...
ايان حضنه مامتها
ماما حصل اى ماما ردى عليا
نعيمه بصوت متقطع ونفس لاهث .. ايان اتجوزى ليل عشان خاطرى ريحى قلبي وروحى قبل ما تتطلع
ايان ...ماما بعد الشر ماما
نعيمه بمقاطعه ..شش اوعدينى
ايان ...حاضر والله حاضر
نعيمه براحه ... أشهد أن لا إله إلا الله واشهد أن محمد رسول الله ...
وروحها صعدت لخالقها...
End flash back....

ليل بصدمه ....اكيد مستعد
ايان بتعجل ..سليم كلم المأذون وظبطوا الموضوع ده ....
سمر بصتلها بصوت خالى من المشاعر ...مبروك يا عروسه
ايان اترمت فى حضنها ..هموت ورا ماما يا سمر مش قادره
سمر ...لازم تبقى قويين ياحبيبتى
ايان هزت راسها
ليل ...اكيد مش هنعمل قاعه وفرح عشان مامتك
ايان بخزى ...فعلا
سمر وسليم ضحكوا بهم ...لا هنعملكم فرح ياجماعه
ايان وليل بصوا لبعض وسكتوا

بعد اسبوع فى القاعه ....
رجال أعمال وناس كتير جدا بيحضروا كتب كتاب رجل الأعمال ليل المشهور ودكتوره ايان النفسيه المشهوره اتنين مرموقين فى المجتمع.....

المأذون ...بارك الله لكما وبارك عليكما وجمع بينكما فى خير بالرفاء والبنين يارب

ليل وقف وآيان كمان وحضنوا بعض وشالها من على الأرض خالص واتنهد نهده فرحه اشتياق ...لهفه ...كل حاجه حس بيها وقتها ...
ايان عيطت من الفرحه مع أن فرحتها ناقصه
ليل نزلها وراحت حضنت سمر وهو حضن سليم

وعملوا الفرح فى قاعه دار مناسبات طبعا بدون اغانى مراعاه لشعورهم ومامتهم المتوفيه...

وايان وليل روحوا بيت ليل ...
حياه جديده .؟؟
ياترى القدر مخببلهم اى ...؟؟
هل هيعشوا سعداء ولا للقدر رأى اخر ؟,
توقعاتكم ؟؟
يتبع .....
فطومه ❤️❤️
بحبكم فى الله ❤️❤️