ملكني عاشق 2

البارت 3

# ملكني عاشق
# عسل صفاء

باسل :كاعدين ع الشط اني سلام صافن وهوة يرطن مدري شيحجي بالي ولا يمه اصلا صافن واتذكر المكان الي جنه نكعد بيه اني واياها اتذكر ضحكها وسوالفها وشقاها ولمعه عيونها تذكرت بعيد الحب من فاجئتها الصبح بالدب شلون فرحت وتونست تذكرت العقد وبدلتها وركصها وخجلها ...

سلام :موو باسل شنو رائيك... باسل .باسل يمعود وين بالك

-هاا وياك وياك

- اي لا واضح بله جنت اكول

- بشرفك لا تكعد تتلوك شسوي سوي معليه اني

- اهووو وبعدين من اتصرف من كيفي يلعب بيه خلقه يمعود جاي اكول خلي نرمم المحل مال كيك صار هوايه هامليه

-اي هم صدك الباجر ان شاء الله نروح نشوفه وناخذ الوارد من الولد ونتفق ع يوم يفرغو ونبدي بيه

- باسل

- كول سلام

- احجي شمضوجك بعدها البنيه بالك

- ليش اني اكدر اطلعها من بالي

- اييي والله حلو الحب من يصير من طريفين بس محلو شخص يستغلك ويستغل حبك بجذب بس حتى يملي فراغ بيومه

- هههههههههههههههههههههههههههههههههههه ولك هاي ياهو ضاربك بوري واني مادري اشو محاجيلي

- لا والله اني الضربتها ونهتميتلها مع العلم سويت كلشي بس حته اوكعها ومن صرنه بعلاقه هملتها محسيت ع روحي اله من فقدتها وراحت لابن عمها

- هاي منيه ولك

- صديقتها لناز من جنت ادزني اراقب ناز اشوفها

- ها ها ها ذكرتها اي سولفتلي ناز هم ع علاقتكم انته جنت طايح حظ صراحه كل يوم ويه وحده وهسه جاي تسولفلي ع علاقه قديمه وانته تريد اختي

- انته كلتها علاقه قديمه ما الك اي حق تحاسبني

- ولعد شبيك تجر حسرات

- لان ضيعت هيج بنيه من ايدي

- هااا لعد من اكلك اريد ناز مو تكول انساها

- اي لان ناز بنفسها رافضتك وانته جاي تقلل من قيمتك لذالك دا اكلك ابتعد عنها

- ما ابتعد وما اعوفها لا شوفني هل فترة مداوصل يمها لو ما اسئال عليها ترة حاط ع مراقبين بكل مكان وتوصلني اخبارها اول باول

- هلا يابه هلا واني اكول ليش خانس هل فتره فد مرة

- شنسوي حب هاذا حب

- زين انته شعجب محبيت حنين يعني هيه بت عمتك ومرتك وصار بينكم علاقه وطفل وهيه حلوة شعجب مجذبتك مثل ناز

- ابو تمام يكول ( نقل الفؤاد حيث شئت من الهوى  ما الحب الا للحبيب الاولي)

- ههههه صاير شاعر يولي