ملكني عاشق 2

البارت7

# ملكني عاشق
# عسل صفاء

باسل : اول مسمعت بيها باجيه تخبلت جانن باقي خيط بعقلي وطارر اريد بس افتهم منو مندك بيها ومبجيها منوووو طفرت اخذت غراضي لميتها شلون مجان اني بنفسي مادري شحطيت بجنطه لميت المستمسكات وطلعت ركض علي ومحمود يصيحون ورايه بالاخير علي مدري شحجه ويه محمود وسكته شغلت السيارة وبوجهي لبغداد خاف جان الطريق ٤ ساعات سويته ساعتين بس وصلت اتصلت ع غيث
جاوبني بسرعه

غيث: الوو

- الوو غيث وينك انته

- بالشغل ليش

- اريد منك خدمه

- اااا حاضر اني بس اذا الموضوع يخص ناز فسمحلي

- غغغغيييث كللها ربع سسساعه والكككاك بالبيت

- ييييممعوود اختتتيي هايي ابووويه حاطهاا يمي اممانه اكككعد ارتيلك وياها موواعيد غراميه

- شششوففف لللك والقران اذااا ملكيتتتك كبببالي لا اكتتب بيك تقرررير اوديك وراا الشمسسس ... صرخت بعلو حسي وضليت اضرب ع الستيرن فقدت لدرجه اتمنى هسه اطير واوصل الها

- صار صاررر يمعوددد هوة انننته كدددرتك عللينه

مجاوبته سديت الخط بوجها وكملت الطريق واني افور تلفوني بس يدك اجه ع بالي اشمرة بالشارع بس حرامات تروح الارقام

مدري شلون وصلتت اي سيطرة اوكف يمها بس اطلع الهويه يدخلوني

طبكت ببابهم ونزلت اتصلت عليه طلع فتحلي الباب دخلت كبل لصاله فات ورايه باوعت عليه كتله بسرعه صيحها طلع وسمعت صوت صياحها متقبل تنزل شويه وسمعت غيث صعدلها بسرعه عطت عليه ينزل خفت ياذيها ضل واكف كبالي دكيت عليها بتلفون مغلق وكف يم الباب عطت بعلو حسي عليها حتى تنزل ومقبلت ضليت احوص بصاله اروح وارجع اريدها بس تنزل وهاذا واكف كبالي يكلي بس احجيلي شسوت هل مرة اني اكسرلك راسها ميدري بعد ثواني اكسرله راسه باوعت عليه

- غيث بعد ماعندددي صبر سويلي مجال خل اصعد الها

- مو لهل دررجهه باسل كتلك خل اصعد اني انزلها احسن

- لا اله الا الله روووح روووح بس ديرر باللك تلزم شعرة وحده من راسها
صعد ثواني واجاني صوتها ع الدرج رافضه تنزل وغيث يزمخ بيها بالكوة دخلها لصاله بس دخللت وشافتني انهارت من البجي تقربت منها واشرت لغيث يطلع هوة هم عافني وراح اخذتها بحضني بسرعه دفعتني وابتعدت وهيه تصيح

ناز: وخررر عوفنيي لاتلزمنيي عوفن....

- ولج بابا شبيج شنو هل بجي هاذا

لارد

- ناززز لا تفوريلييي دمي اكثررر فهميني ليش تبجين