ملكني عاشق 2

البارت 4

# ملكني عاشق
# عسل صفاء

ناز: كاعده بالحديقه ع المرجوحه وصافنه وجهال غيث يلنعبون كدامي الهوا الحار يضرب بوجهي والشمس تصكع صكع هاذا كله واني بغير عالم حسيت ع ندها حلا الي باوعت عليها

- شبيج حلا

- اوووو انتي وين بغير عالم تلفونج ديدك

- هاا اي .. الوو

تبارك: وينج يا حمارة مو متفقين اجيج اليوم

- اي مو كتلج كل الهلا بيج

- خوش لعد بعدكم نفس عنوانكم كدام المركز

- اي اي مغيرنه

- يله ان شاء الله ع 5 اني يمكم

- هلا بيج بكل وقت والله متحمسه اشوف بطنج

- ههههههه يمعودة واصلا لخشمي

- هههههههه يله تجين ونحكم

- يله اجه حمزة يردني سلام

- الله وياج حب

حلا: راح تجي اليوم موو

- اي راح تجي مشفتي حضرت الكيك

- انتي شبيج هل اسبوع معاجبتني وجهج شاحب وضعفانه اخاف بعده الموقف ببالج

- هه ليش هوة ينسي

- اي والله حقج .. وهسه شراح تسوين

- شسوي يعني هاي كاعده وساكته

- الله يعينج

- تدرين حلا البارحه قبل لا انام شذكرت

- تذكرت من رحنه نعقد محكمه ونكشفت الاوراق بيومها ما عرفت شلون سندت نفسي وطلعت والله بقدرة قادر نفذت منه

- تتوقعين جان راح ياذيج

- مادري لحد الان اتذكرة من انكلب عليه و ضربني بيومها شفت شخص ثاني مو نفسه الي جنت راسمته ببالي ... جريت حسرة وكملت

عيشني فوك سابع سمه وشمرني منها لتحت سابع ارض من مريت بهاي التجربه عرفت انو الشخص الي يحبج ويهتم بيج ابد لا تتوقعين راح ياذيج بالعكس اصلا راح يدمرج كليآ

- الله يساعدج يا ناز ع الشفتي

- بس لحد الان اشوفها احلى ايام بينه

- اريد اسئلج سؤال بله بس جوبي بالي تحسي

- جواب...

- كرهتي بعد الي سواة بيج

- ههههه لا .. لا ابدا اصلا لحد الان استحي احط عيني بعينه واخجل منه واحس روحي اتوتر من يصير قريب عليه لو يحجي ويايه

- ههههههههههههههههههه لعد وينها الي قبل يومين ميته بجي وكاعده تسبه بالصاله خليتي الرجال يشيل روحه ويركعها وعود هوة جاي يعتذر