# ملكني عاشق2
#عسل صفاء
بعد مرور 3 ايام
ناز : الوضع مشحون وابويه ومروان واكفين ع حيلهم بالمستشفى حاولنه نفتح تلفونه بس مكدرنه اخير شي واحد صديقه اتصل عليه وابويه جاوبه وبلغه بالموضوع وضلت الاتصالات تدك من اهلها بعد مدرو ...
رجعنا اني وامي للبيت وبقو بس مروان وابويه هناك حتى يطمنون ع صحتهم باسل صحى ورا يوم من خروجه من العمليات بس محد مجاب طاري ابنه ومرته حتى لا تتازم حالته وضال ع المغذي والمسكنات اما هما فبعدهم ممتعدين مرحله الخطر حاطيهم تحت المراقبه ....
فرشت السجاده وكعدت اصلي واندعي بالكي ربي يطلعهم من هل شده امي راحت تحضر اكل وشوربه الهم ولو هما باقين ع المغذيات فتحت قراني ع سورة يس لقضاء الحوائج وكعدت اقرة بهدوء بالكي تنقضي حاجتي
ع الاقل حتى ما احس بتانيب الضمير اتجاهم صاحتني امي حتى اكوم البس ونرد نرجع الهم
لبست العبايه وشلت الاكل و نزلنه بيومها وصلنه
ميار للمستشفى جان يباوعلي بخوف بسبب رجفه جسمي وشحوب وجهي ... دخلنه للمستشفى وسمعت ابويه يردد
لا اله الا الله انا لله وانا اليه راجعون
عرفت بهل لحظة انو فقدنا شخص متجرات احجي حتى واكول منوو سألته امي وكال بأنو مرته توفت
سمعتها وكمت اردد
لاحول ولاقوة اله بالله
كلبي انعصر فد مرة عليها كعدت اصلي واندعي الها ابويه اتصل ع اهلهم وخبرهم بخبر وفاتها . كالو بانو اخو باسل وابو وعمامه راح يجون للاردن باجر حتى يستلمون جثه حنين ويتابعون حاله باسل وابنه رحب بيهم ابويه وضل كاعدين يسولفون هوة وامي ع وفاتها بسبب عدم توقف النزيف في الدماغ
جنت منعزله عنهم وبس استمع ولازمه السبحه بيدي واسبح بهدوء سمعت صوت مروان وهة يصيح ع ابوي ..
مروان: يابه يابه هاذا باسل كعد وكاعد يسأل عليهم شكله
ابو ناز: لا تحجي شي عن موت مرته كله زينين وبس
مروان : صار .... راح يركض للغرفه
تبعته بهدوء مديت راسي من الجامه اباوع عليه وهوة متمدد بالسرير ويسال مروان عن حالهم بعدم تصديق ضليت صافنه ع شكلا بخوف وارتباك التفت ع الباب ولمحني صفن بعيني ثواني ودار وجهه
تراجعت بخطواتي ليورة محبيت أثرر عليه كعدت بمكاني واني اسبح واستغفر اجه عمو جليل والجيران الي بالعمارة وضلو يستفسرون ع حالته
لليل يله رجعنه بعد متطمنه عليه اما مروان فراح للمطار يستقبل اهله بسبب بعد المنطقه طلع من اليل رحت غسلت وبدلت وتمددت بفراشي ثواني وغمضت عيني بسبب الخوف مال اليوم
العودة الى الحاضر ....
باسل: طبكت السيارة ونزلت وسلام طبك ورايه سمعته صاح عليه وكفت اباوع عليه
سلام : ههه مو ع اساس انقلت لصلاح الدين
- بالقران ياسلام وداعه فهد اذا سمعتك موصل حرف واحد لا اشرب من.دمك
- روح ياوليي روح اني مو مثلك ابيع الخبز والملح والعشرة وانكت بصاحبي
- انته تعرف كلش زين ليش منطيتها الك
- بسبب شنو بله وحده بت حرام حبلت مني واجهضت من كيفها شسويلها
- كتلي اجهضت من كيفها مووو المهم انته حبلتها لو لااااا
- هااا حك راسه وعينه بالكاع ... اي حبلتها يعني هيه سفرة لشمال شتريدها متحبل يعني
- خلص لعد لا تسأليني ليش منطيتني اختك
- خلص يابه سد الموضوع
- بعد احسن .. المهم مثل موصيتك مو تروح تبرطها كدام ابويه لو تكله التقيت بيه بصلاح الدين ساعتها والله محد يخلصك من ايدي
- صار سيدي بعد تؤمر بشي
- اي روح جيبلي ملف القضيه مال ____ ودخلي هاذا المتهم
- صار .....
ضليت اشغل نفسي بشغل والقضايه راسي صار هل كبرة بس هم ماريد افكر بالي صار وصيت الولد ع غدا وعزمت المركز كله ع روح ابني وحنين .....
حنين صح خطات بحقي واني هم ما انكر اذيتها بسبب حبي لناز بس بنفس الوقت تبقى بنت عمي وماكو بشر ميخطئ بس المهم نعرف شلون نصحح اخطائنا ونتجنبها مرة ثانيه . شغلت الجكارة وفركت راسي فتحت تلفون وعيوني صار ع رقمها ضليت صافن عليه اخاف اتصل عليها وتقل قيمتي كدامها
كافي الي سويته الها رحت وركعت يم رجلها واعتذرت وتوسلت بس حتى ترضه وهم مسامحتني ادري اهلي اذوها بكلامهم وحملوها ذنب وفاتهم بس هيه هم محترمتني ومقدرت جيتي الها واني عايف فاتحه ابني حتى اراضيها ومتاخذ ع خاطرها وهيه قابلتني بسأئه ...
اخذت السويج وطلعت برة المركز لمحتها تسد الباب كل يوم بهيج وكت اطلع الكاها تسد الباب كثرت طلعاتها بعد مقدمت ماستر ببغداد جان عبالها تدرس بالاردن بس بسبب معارفي هناك و بالسفارة خليتهم يدكون منع الها ابوها واخوها راحو وبقت هيه يمه امها واخوها الثاني غييييث ايييه يغيث جان سبب بلقائنا الاول
بس الله يعلم منو راح يكون سبب بالثاني ....
سحبت نفس وصعدت بسيارة رحت لشقه مالتي
ارتاح من تعب اليوم شمرت هدومي بالكاع وكبل للفراش بعد محسيت باي شي لحد ما اجه سلام
للحكايه بقيه
# ملكني عاشق
# عسل صفاء
صوتو للبارت 🌟🌟🌟
أنت تقرأ
ملكني عاشق 2
Romansaجايج وخاضعلج وعايف كلشي ورا ضهري دفنت ابني وجيتلج ركض عايف اهلي وعشيرتي والعزة كله الخاطر عيونج راحتي يمج يعافيتي لا تكسرين بخاطري تعاي نرجع سوة مثل مجنه قبل ناز : واذا م ممم مقبلو باسل واذا مقبلو ووكفو بطريقنه مرة ثانيه لا تعلقني بيك وتعوفني لا تخ...
