ملكني عاشق 2

البارت 13

# ملكني عاشق
# عسل صفاء

كاسرت عمري ع عمرك

كطعت ليش

وحركتك جويه مني

وجويه منك

وانتشيت استاهلك شهكه عوافي

ندى: مر يوم عادي جنت بايته يم اهلي وكلنه ملتمين يم امي وابويه وونسه اني واخوتي نضحك ونشاقه وكل شي طبيعي وابني جان طالع ويه ابوه يشتريله ورجعو ابوي وامي كاعدين و علي ومحمود يداهرون بيهم ابوي شويه نفسيته اتغيرت من شافنه ملتمين حوليه يضحك ويانه يعني كلشي طبيعي

لحد مندكت الباب وكام محمد فتحه ودخلت ام حنين تبجي وتلعلع ابوي بس شافها ضاج فد مرة اشر ع علي اجه سنده ودخله للغرفه الولد كلهم كامو

كرهنا هاي العائله كد ما تئذينه منهم ولا عبالك ولد عم كعدنه اني وخواتي يمهم وكلنا كالبين خلقتنه وهيه اجتي كعدت يم رجل امي تبجي وتصيح وينننه باسل جيبووو باسل وامي تهدي بيها عبالك منعرف تمثيلها

ودكاتها الناقصه بينه من صغرنا وهيه تحرض اطفالها علينا وتزرع الحقد والكرة بكلبهم اتجاهنا حتى عمي مسلم من اذيتها بس لان ابوي استلم المشيخه وهوة اصغر من عمي راضي زرعت الحقد والكرة والنفاق بين عائلتين عمود ماده و تباهي وهما حالتهم كلش زينه واراضيهم واملاكهم بكل مكان

يعني مو نكول محتاجين بس مرات الجشع والطمع يعمي بصيرة الانسان ... بناتها من صغرهم ع امهم واكثر وحده اتاذيت منها هيه بتول لان حنين جانت محجوزة الباسل فمندكت بيه غير بس من تشهد الاختها جذب
ع افعالها الشينه اما بتول فجانت شيطان بنسبه الي

حتى بيني وبين بلال جانت تسوي مشاكل لان هيه تريده وسمعت من وحده كرايبنا انو من خطبني ضلت تحجي عليه وتخرب بسمعتي كدام الناس وضلت تنصحني منها واني منطيتها اذن الطرشه

و مهتميت الحجي المرة كلت هيه غريبه يعني مو اقاربنه كلش وبنفس الوقت بتول بت عمي والمثل يكلك انته وابن عمك ع الغريب فمنطيت للموضوع اهميه لحد ورا خطبتي بشهر اجتني بتول زياره جان تكول سمعت بلال عنده وحده ببغداد مصادقها

ويحبها وتركتها مدري هوة تركها و هوة اجه خطبج حتى يكسر عينها فا انتي مؤقت ورفضي وهاي لعبه منه

ضلت تحرضني ع رجلي فرت دماغي فر بوكتها كلش حز بخاطري من بلال ورا كم يوم هوة اجانه واني دخلت لصاله شفته كاعد بحده وهاي جانت اول زياره بيني وبينه بدال ما اجذب حجيها وكول السلام عليكم بالاول استلمت الرجال اكس مربع

مخليت ع حاله حال وهوة بس صافن وساكت لحد مهدئني وسولفلي كلشي بيومها رغم غلطي بس ضليت مصرة ع انو اني الصح وهوة الغلط ضليت اجذبه بكل الطرق والدمعه بطارف عيني