قدرنا معاً

البارت الأول

مساء الخير ❤️
قدرنا معاً
بارت ١
🌼💫🌼💫🌼💫
اليوم الجو ممطر وريحت التراب ممزوج ويه قطرات المطر والهوى بارد منعش افييش شكد احب هذا الجو سديت الشباك لان بده المطر يدخل للغرفه رحت للسرير هستوي داتمدد وماحس غير الباب ندفر وصوت زيد يرعد من الغضب اجه بسرعه لزمني من شعري
زيد: لجج بت الكلببب منو شاهييييين احجييييي
.. ششششاهين مممنو ماعرف ماعرف اخخ بس عوف شعري
زيد:ولججج تضحكين عليةةة منووو شاهيييين التكلج امج بعدج تحبي منووو احجييي لا ادفنججج هنااا س......
.. بده يضرب بيه ماخله مكان صاحي بجسمي لو مادخلو اخوانه وجروني من ايده جان متت بين ادي
رائد اخو زيد:لك شبيييك تخبلت راح تموت البنيةة وخررر
.... كوه جروني من ايده ودخلوني غرفة مروه اخت زيد
كعدتني مرت رائد جسمي كله يون عليه من الالم اخخخ الله لايوفقك يازيد دنيا و اخره فوك مامتحملتك انته وسوالفك المسكره تضربني ولله لادفعك الثمن بس خليرجعون اهلي من السفر اني الك بس منو السامع اتصالي ويه ماما وكايله بوقت الاتصلت ماما جان البيت فارغ بس نور ومروه بي والبقيه هستوهم اجو معقوله مروه تسويها لا مروه حبابه اخخ اكيد نور الحيه كايلتلك يحجن علا واحد تحبه واسمه شاهين جنت احجي ويه روحي ودخلت مروه
مروه:حبيبتي حور ماعليج بزيد هذا مريض ولله مو صاحي كومي اكليلج لكمه وغسلي وجهج وتمددي علا سريري رتاحي شويه
حور:ماشتهي اكل شي ولله بس عوفيني انام شويه فدوه
مروه:خلص براحتج شوكت ماتشتهين اكلي بس رتاحي هسه
... عافتني مروه وطلعت كمت شغلت المروحه هاي العاده مابطلها رغم شته بس ماكدر انام بدون مروحه ابد رحت تمددت علسرير و عيوني تفتر ويه المروحه مر شبح ذكرى كدام عيني
"" عوده الى الماضي''''

شاهين:بنيتي حور وتالي وياج يبه طفيها للمروحه ولله بارده وتتمرضين
حور:شاهينو حبيبي ولله ماكدر انام بدون مروحه متعوده من اني زغيره اشغلها يلا اكدر انام
شاهين:اني شكم مره كايلج لاتكولين شاهينو يبه شيخ طول بعرض كلمتي وحده بلديوان تصيحيلي شاهينو
حور:اوك حياتي لعد راح اصيحلك شوشو
شاهين:ولج حووور
حور: ههههههه خلص خلص ماصيحلك
""الحاضر""
دموعي تنزل على خدي مثل النار شوكت اكدر انسا شوكت تعبت واني بكل شي اذكره شوكت كلبي يقتنع انو هوه تخله عني وخلص صار ماضي شوكت...غمضت عيوني اهرب من افكاري ومن كلبي اليريده ويصيح باسمه ويه كل دكه يبسن دموعي على خدي نمت والغصه بكلبي مثل كل ليله

حور:اعرفكم عن نفسي اكيد الكل يسائل شنو الجاي يصير منو شاهين ومنو زيد.. اني حور عمري ١٨ مواصفاتي بيضه عيوني كبار لونهن رصاصي و شعري طويل كلش يعني شكلي حلو طبعا اني كلش عفويه واشتماعية عائلتي متكونه من
بابا محمد ٥٥ سنه
ماما زينب ٥٠ سنه
اخواني
.. عمر ٣٠ سنه دكتور مزوج زهراء ٢٩ سنه صيدلانيه وعدهم كتاكيت تلاثه جود وسيف ومريم
.. حسن٢٧ سنه محامي مزوج خوله٢٦ سنه مدرسه وعدهم بنوتين غرام ومرام
.. مهيمن ٢٥ سنه ضابط ومامزوج
اخواتي
لتين ومينا توأم ٢٣ مهندسات مزوجات
لتين عدها بنوتات ثنين ندى ومنى
ومينا عدها امان ولارا ومنذر
.. ساره ٢٠ سنه مامزوجه وتدرس تحليلات مرضيه
واخر العنكود
غنى ومصطفى توأم عمرهم ١٥ سنه

يتبع....
للكاتبه:جونير🌼💫