مساء الخير متابعيني الاعزاء
قدرنا معاً
للكاتبه:جونير juoner 🌿
🌹🌹🌹🌹🌹🌹🌹🌹
حور: كعدت الصبح سبحت وبدلت لبست فستان قصير لونه جويتي وخليت مكياج خفيف وشعري خليته على طوله بس شسورته ونزلت صبحت عل كل
حور:صباح الخير
الكل: صباح النور
زينب: يله يمه تعاي اكلي ورانه طريق
حور: اي يمه كعدت يمهم اكلت وشربت جاي اجه مهيمن كاللنه يله ورانه طريق صعدنه كلنه صارن تلث سيارات عمر وزوجته واطفالهم وساره بسياره ومهيمن وبابا واني وماما بسياره وحسن وزوجته ومصطفى وغنى مشت بينه السياره الطريق كلشش متعب من بغداد للعماره بنص الطريق نزلنه لمطعم ناكل كعدنه نتبهت لولد مانزل عينه عني اكلني اكل بنضراته نتبهلة مهيمن جان يكومله صارت مشاحنة بينهم ومانشوف بس مهيمن كامش الولد وموته كتل عزاا دمى للولد والناس كلها لتمت خابرو الشرطه بس طلعلهم مهيمن هويته دكوله تحيه واخذو الولد وراحو اجانه مهيمن كال اذا كملتو خلنتوكل كمنه غسلنه وصعدنه بلسياره كملنه الطريق طبعا خلصته نايمه اني 😅 فزيت على صوت امي
زينب:يلا يمه مابقه شي وصلنه
حور: اباوع للطريق كله اشجار وبساتين ولهوى يخبل وصلنه لبيت كلشش جبير وكدامه كومة زلم وبلباب نسوان هواي نزلنه ونزلو الولد الجنط شفت بابا راح لاخوانه ويبجون الله وكيلكم صار فلم هههههه اني صافنه وهمه يسلمون سمعت واحد يكلي تفضلي يبه ليش واكفه مانتبهتله بس صوته خشن رحت تقدمت يمهم اكو منهن يباوعلي بنضرات مدري شونها واكو لا طبيعيات سلمت عليهن هلكت بس يبوسن بيه وعشيرة كامله وكلهن اصيحلهن عمه ماعرف عمتي من بيبيتي ههههههه
دخلنه لجوه البيت كلش فخم اثاثه وتصميمه واكو ممر يودي على ديوان جبير كلش مفصول عن البيت اجتني بنيه كلش حلوه
ساره:هلو انتي حور مو
حور: هلا بيج حبيبي اي اني حور
ساره:انه بت عمج اجود تعالي وياي ادليج علغرفه بدلي ورتاحي
حور: مشيت وراها دخلت للغرفه جنت كلش تعبانه راسن سبحت ومشطت ونمت ماحسيت بروحي لحد ماكعدوني علعشه حييل شكد نمت ولله عيب غسلت ولبست برموده وكيمونه ونزلت توجهت الانضار علية يباوعولي بنضرات ولله حسيت روحي مالابسه شي ذولي شبيهم عزا اجتني ساره بنت عمي طبعا صار عدنه ثنين ساره اختي وبنت عمي
ساره:حبيبتي حور لبسي شي فوك ملابسج لان تعرفين هنا مايقبلون بهيج لبس ردت ارد قاطعنه صوت
بيبي زمرد:تعاي يمه ليش واكفه تعاي حدري(يمي) ولج سويره عوفي بنيت عمج بعدين تشبعين منها تعاي يمه بنيت الغالي
حور:ابتسمت رحت كعدت يمها ضلت تبوس بيه تكول بعد بيتي بنيت الغالي ضلو يسولفون وبدت تعرفني علموجودين
زمرد :يمه انه جديتج وجدج بالغرفه تعبان سوده عليه
وهذي عمتج ام احمد سهير شفت الي اشرتلي عليها مره متوسطة العمر وجها نوراني سبحان الله اول ماشفتها حبيتها واشرتلي على ثانيه هم عمتي اسمها زهره بس هاي عكس عمتي سهير تباوعلي بطرف عينها اني وماما عوذه هاي شبيها انوب اشرتلي على وحده هم متوسطة العمر مبينه حبابه كلتلي هاي مريت عمج الجبير اسعد نوريه عدها مهره ٣٧ مزوجه ومصطفى٣٥ هم مزوج وسجاد ٢٧مامزوج وذيج اشرتلي على مره هم حبابه بس تباوع لملابسي مدري شبيها كلتلي هاي مريت عمج اجود ام شاهين علاهن عدها شاهين ٣٠سنه ضابط مامزوج وصكر٢٧ سنه دكتور مزوج نهى ٢٦ سنه وفهد مامزوج ورنا مزوجه وبزر الكعده ساره ١٩ سنه وهاي مريت عمج الزغير خالد نصره عدها سيف ٢٧ سنه مامزوج وزهراء ٢٥ سنه مامزوجه وقاسم ٢٣ سنه مامزوج ماشاء الله كلهم مامزوجين وعمامج بلديوان بس يجون تتعرفين عليهم بتسمت وهزيتلها راسي واني مسطوره عددهم جبير هسه شون احفض ذولي كلهم ضلن يسولفن منهن الحبابات وسوالفهن حلوه ومنهن العكارب مثل عمتي زهره كلساعه ذابتلها حجايه تسم واحنه نغلس عليها لشويه سمعنه صوت خشن كال السلام عليكم رفعت راسي شفت ......
...... وللحكايه بقيه
ملاحضه:حبايبي الاحداث تبدي بلبارتات الجايه ذني البارتات تعريفيه فقط
تحية مني لكم من القلب الى القلب
دمتم في امان الله وحفظه
الكاتبه:جونير juoner 🌿
أنت تقرأ
قدرنا معاً
ChickLitهي عفويه لاتتصنع طيبة القلب و تحب نفسها كثيرا.... هو متعجرف قاسي القلب عصبي ومتحكم.... فكيف سوف يجمعهما القدر وهم مختلفين تماماً قدرنا معاً حب اشتياق فراق خذلان عشق رومانسيه
