يامساء الخير والعافيه عليكم جميعاً ♥️
اليوم متاخره بالنشر لذلك باجر الكم بارت هديه وتدللون
يله نبلش 🌼
الكاتبه :جونير Junior
قدرنا معاً
البارت ال٣
حور: بعد ما كمل بابا الاتصال واجانه وجهة اصفر وعيونه مدمعه كلنه ستغربنه وضعه وسالنا
محمد ابو حور:احنه لازم نروح للعماره
زينب ام حور:للعماره ليش ابو عمر شصاير
حسن:اي يابه شصاير شعدنه بلعماره
محمد ابو حور: جدكم مريض كلش بلفراش وطالب يشوفني
بانت الصدمه على وجوهنه بعد كل هاي السنين راح يرجع بابا يلتقي ويه اهله بعد ما تبرو منه اكيد الكل يسأل ليش تبرو منه
"" عوده الى الماضي ""
محمد:خلص لازم اليوم افتح الموضوع ويه اهلي انه احبها ومستحيل اتخله عنها رحت للديوان لكيت ابوي كاعد الله بالخير يابه
الشيخ جواد:الله بالخير والعافيه هلا بويه
محمد:يابه اليوم جاييك بموضوع
الشيخ جواد:كول يبه اسمعك
محمد:يابه انه قررت اتزوج
الشيخ جواد:اي يبه ليش لا بيها الخير هسه اكل لامك باجر تخطبلك فرح بنيت عمك هم صارلها هواي تنتضر خطيه
محمد:لايابه مو فرح الاريدها انه ابالي وحده وياي بلجامعه احبنها واريدها
الشيخ جواد:شلك بهلحجي حميد انته تعرف من زمان انه حاجزلك بنيت عمك والبنيه لسه تنتضرك شنهي ابالك وحده ماكو هيج حجي باجر ادز امك تخطبلكياها وهاي البالك تنساها
محمد:يابه لو هيه لو مازوج اعذرني
الشيخ جواد:تكسرر جلمتي ولك علمود مره اسمعني ولك لو بنيت عمك اسعد لو اتبره منك
محمد:بس يابه...
الشيخ جواد:قاطعه_بدون بس كتلك لو بنيت عمك اسعد لو اتبره منك وجلمتي وحده واليوم بليل تردلي خبر
محمد:طلعت من الديوان واحس روحي تريد تطلع الاحبها من جهة ومن جهة ابوي شون اعوفها رويحتي هاي ورد الباجله جنت امشي وافكر اخذتني رجليه للبستان لكيت رفيج دربي ساهر
ساهر:شجرالك حمدان اليوم موش على بعضك وانه اخوك
محمد:اخخ ياساهر شسولفلك هم بثكل الجبال على صدري
ساهر:انه اخوك يحمدان هم على كلبك وانه موجود افاا سولفلي وتلكاها محلوله
محمد:سولفتله كل الكلته لابوي ورده اليه
ساهر:سالفتك مليوصه يخوي بس اذا تريد نصيحتي لاتخسر التحبنها لان اذا خسرتها بعد ماتلكاها اذا علا ابوك الشيخ جواد كلبه رهيف تبقه انته ابنه حتلو زعل يزعل كم يوم ويردن يحاجيك
محمد:ماعرف ماعرف حاير ساهر حاير
ساهر:هونها وتهون يخوي
محمد: الله كريم بقيت اسولف ويا شويه ورجعت دخلت ضليت ادخن وافكر بكلام ساهر صدك ورد الباجله اذا ضيعتها وين احصلها بعد ابوي يبقه ابوي ومستحيل يتحمل فراكي قررت اختار الاحبنها وماجنت ادري بابوي راح يسويها صدك صار الليل ورحتله
الشيخ جواد: هاا يابه فكرت بلموضوع اكيد ماراح تكسر كلمتي وتزوج بنيت عمك
محمد:كلامه خله كلبي يتكطع هذا ابوي ولله صعبه ياناس اكسر جلمته بس بنفس الوقت ورد الباجله ماكدر اعوفنها جريت نفس وكتله يابه انه فكرت بلموضوع خلص قررت ازوج الاحبنها
الشيخ جواد:هاي تاليتك يمحمد تكسر جلمتي ويهون زعلي علمود مره هذا جزاي روح محمد من هلحضه انه متبري منك دنيا واخره كوم اطلع بره
محمد:يحجي بعصبيه وقهر كرهت روحي حيل بذيج الساعه بس مو بيدي شي احبنها ماكدر اعوفها حاولت احجي ويا وقنعه ماكو فايده مرت الايام وانه ورحت خطبت زينب ومن سمعت بلصار كامت تبجي وتكول بسببي هديتها وكتلها ماعليج انتي انه السبب تزوجت ورد الباجله ونتقلنه لبغداد كونه عائله وجانت حياتي وياها مبنيه علتفاهم والحب عشت وياها احلى ايام عمري وكل يوم احمد ربي رزقني بهيج مره بس طبعا مانسيت ابوي ابد كل يوم اتذكره واشتاقله اخخخ يابويه روحي لايبه عليك
"" عوده الى الحاضر ""
حور:جان بابا يذكر ايامه قبل والدموع تلالي بعينه كلنه نقهرنه علي وقرر انو باجر من الصبح نطلع للعماره بدينه نحضر جنطنه واخذنه اجازات من الشغل والمدارس طبعا لتين ومينا ماراح يرحن ويانه يرجعن لبيتهن كملت تجهيز جنطتي وتوجهت لسريري افكر لباجر شنو الراح يصير وشون راح التقي بعمامي وبنات عمي وولد عمي وشنو شكلهم وحبابين لو لا اووو افكار هواي اخر شي ستسلمت للنوم....
🌹🌹🌹🌹🌹🌹
... يتبع
ملاحضه الى كل متابعيني الاعزاء تحيه لكم من القلب إلى القلب
اهل العماره عذروني عل لهجه اعرف مو صحيحه بس غلسو 😅
دمتم في امان الله وحفظه
جونير🌼
تصويتكم يسعدني
أنت تقرأ
قدرنا معاً
أدب نسائيهي عفويه لاتتصنع طيبة القلب و تحب نفسها كثيرا.... هو متعجرف قاسي القلب عصبي ومتحكم.... فكيف سوف يجمعهما القدر وهم مختلفين تماماً قدرنا معاً حب اشتياق فراق خذلان عشق رومانسيه
