" ဦးရီးတော်ဆုံးပြီ ဟုတ်လား "
" ပြောရမှာစိတ်တော့မကောင်းဘူး ဆော့ဂျင်..သူဆုံးတာသွေးရိုးသားရိုးမဟုတ်ဘူး အသတ်ခံရတာ "
" အမှန်ပဲလား! "
" ဟုတ်တယ် ရုပ်ပျက်ဆင်းပျက်ဖြစ်နေတဲ့သူ့ရဲ့ရုပ်အလောင်းကို ချောင်းထဲကနေရှာတွေ့ခဲ့ကြတာ "
လူကြီးမင်းနိုရဲ့စကားကြောင့် ရင်ထဲမှာစူးအောင့်နာကျင်သွားရသလိုပင်။ ကိုယ့်အပေါ်မှာတစ်ခါလေးတောင်မှမေတ္တာစစ်မပေးခဲ့ဖူးပေမယ့် အဖေဆိုသောအသိကြောင့် စိတ်ထဲတော့မကောင်းနိုင်ပါ။
" ဆော့ဂျင်..ထူးဆန်းတာက မင်းဦးရီးတော်ကိုသတ်တဲ့သူနဲ့ လူကြီးမင်းဂျီကိုသတ်တဲ့သူက တစ်ယောက်တည်းပဲလို့ယူဆရတယ် "
" ဟုတ်လား ရုံးတော်မှာစစ်ဆေးမှုတွေ စလုပ်နေကြပြီလား "
" အင်းလုပ်နေကြပြီ..ဒီကိစ္စကိုခဏထား ငါလာရင်းကိစ္စက မင်းအရေးကိုပြောမလို့ "
" ဟုတ်ကဲ့ လူကြီးမင်း "
" မင်းကြီးကအခုလူသတ်မှုတွေကြောင့် မင်းကိစ္စအပေါ်အာရုံသိပ်မရှိတော့ဘူး.. မင်းအပေါ်တိုင်တန်းမှုတွေက တကယ်တမ်းစစ်ဆေးကြည့်တော့ သက်သေလည်းခိုင်ခိုင်လုံလုံမရှိတဲ့အကြောင်း မင်းကြီးကို တင်ပြပေးလိုက်တော့ ပြန်လွှတ်ပေးဖို့ကို သဘောတူလိုက်ပြီ "
" တကယ်လားလူကြီးမင်း..ဝမ်းသာလိုက်တာ "
လွတ်မြောက်တော့မယ်ဆိုတော့ ကလေးငယ်ကိုသာအရင်ဆုံးပြေးမြင်မိသည်။ ကိုယ့်စီလာတိုင်း တက်တက်ကြွကြွနဲ့သန်မာပြနေသောကလေးငယ်က မမြင်ကွယ်ရာမှာတော့ အနည်းနဲ့အများ ပြိုလဲနေရမယ်ဆိုတာ ခံစားကြည့်လို့ရပါသည်။
" မင်းရဲ့မူလရာထူးကိုပြန်ရဖို့လည်း ငါကြိုးစားပေးမယ် "
" ကျေးဇူးကြီးပါတယ်လူကြီးမင်း..ဒါပေမယ့် ကျနော်တစ်ခုပြောချင်တာရှိပါတယ်..ဒီတစ်ခေါက်အခွင့်အရေးမှာ ကျနော့်ရာထူးကို စွန့်လွှတ်လိုက်ပြီး ယွန်းဂီနဲ့ပဲ အေးချမ်းစွာနေတော့မလို့... "
" မဖြစ်ဘူး ဆော့ဂျင် "
ချက်ချင်းကြားဖြတ်တားမြစ်လာသည့် လူကြီးမင်းနိုရဲ့စေတနာကိုနားလည်ပါသည်။ ဘယ်သူမှကိုယ့်ဘက်မရှိသည့်အချိန်ကနေ အခုချိန်အထိ အင်အားတစ်ရပ်ဖြစ်ပေးခဲ့တဲ့ လူကြီးမင်းနိုက အခုလိုတားမြစ်ဖို့ရာအခွင့်အရေးရှိတဲ့သူပါ။
YOU ARE READING
All of my sins
Short StoryShort story of Yoonjin(sin). * Unicode + Zawgyi * From 20th Sep, 2021 to 29th Oct, 2021 ~
