#احفاد الشيخ عجاج
للكاتبة ضوء القمر
..
يولفي شمالك على صار تطعن
بحجي واحداث من بعيد تطعن
ساكت واليذمني شعجب تطعن
شجنيت وهيج كام يصير بيه
.........
.كلنه واكفين وشايلين اسلحتنه وكلمن مصوب على الاخر اني بركان بداخلي مناوي اطلع احد سالم منها ابد من شفتهم بعد هذا هوو مابيهم أي فرصه سحبت اقسام وتونه نريد نرمي واجانه صوت يرعد
ابوووو الاكبررر موشش احنه الي نبدي
..شيييخي الي يتعده على حرمتنه مصيره الموت
..لاا يولدي نزلوو سلاحكم وخلوهم عليه
..اشكد ماجنت معصب وبركان كلام الشيخ شعلني اكثرر جنت اريد بس لو فرصة وحدة اااخ لو متأخر اشويه بعد كان مددتهم كلهم بالگاع
احس عيوني تلهب ناار وصدري جمره شيطفيها
..ابو الأكبر تهده وانه اخوك الشيخ گال چلمته والزوم نسمعله
..اااخ لوما الشيخ چان گتلتهم امشي ندخل ونشوف شتاليها
.....
..لسه اذكر ذلك اليوم مستحيل بيوم انساه جان وكت مغربيه وجدي جامعنه يوم جمعة متعودين كلنه نلتم ببيت الشيخ البيت الجبير على كعدتنه دخل اخوي الجبير ودخلته موش عاديه
دخل وهو شايل بيده حماله أطفال كلنه انصدمنه حجه جدي
..اسمعنك تحجه شني الي بيدك
..طفل
..اعرفنه جاهل چا مااعرفن لچن ابن من
..ملامح اخوي موش على بعضه احسه مهموم غمض عيونه وعاين على الجاهل ورفع راسه وحجاها وهو متاكد من حاله
..هذا ابني
...بقينه نعاين لبعض شنو ابنه مستحيل اخوي تطلع منه العيبه لچن شسالفته جدي ماحجه شي اما ابوي تعصب گلش وامي الي ماتعرف شتگول
.تحجه ابوي بصوت عالي
...شنو ابنك من اشوكت انت تسوي شي من ورانه مااتحجيي ليشش ساااكت شقصة هالجاهل
..ماكو داعي احجي هذا ابني وخلاص من رخصتكم اني تعبان طالع اريح ليالي لحگيني بعد اخوچ
#يسعد مساكم رجعتلكم بقصة جديدة وأحداث مختلفة انتظر ردودكم على هالمشهد
أنت تقرأ
احفاد الشيخ عجاج
Mystery / Thrillerعندما يفني رجلُ حياته في سبيل ان يبقي المبادئ والقيم التي تربى عليها يكون قد اتسم بالحكمة ورزانة العقل وقوة القلب فإنه يلد رجالٌ عند الصعاب يكونوا العصا التي يتوكأ عليها
