احفاد الشيخ عجاج

البارت الثامن والعشرين

#احفاد الشيخ عجاج
للكاتبة ضوء القمر
Zahraa Hussain

أخاف أترّز بيك حد گطع النفسْ
وأزهَگ واضرّك
وخاف تتطشَر ولك وشلون ألمَك

.....
ذهب.كاعدة.وماادري اشلون راح تكون حياتي الف مرة فكرت قبل لا انطي رأي. ماادري اذا قراري صح ام لا
قبل ست اشهر

ذهب.بعد ما جدي قرر محد حجه بالموضوع رغم اخوتي وبابا عرفو وجانت امي بين الموافقة وبين لا من ناحية ابو الاكبر ماكو مثله أي بس ناحية على انو جان متزوج اني ميهمني كلامهم لان اعرفه وخاصه بعد ماحجه يمكن مو كلشي بس الي يخص جود.بس رغم هذا ماعندي أشكال بس مااريد اربط نفسي بشخص بسبب شخص ثاني هذا مو منطق

نضال :شوفي ذهب امي اني حياتج ماادخل بيها وانتي مو صغيرة وتعرفين تميزين ياهو يفيدج وياهو لا ابو الاكبر تعرفيني اعتبره مثل ادهم خوش ولد ماعليه أي غبار بس يابنتي خلي شغلة ببالج وهي ابنه جود لا تفرقين بيوم بين وبين اخوته خوش

ذهب :إن شاء الله
اما ابوي كان رايه مختلف
سعد :بابا ذهب انتي راح تتزوجين مو أي واحد من ولد عمامج لا راح تتزوجين الشيخ من بعد جدج وهاي ليش هو من بعد جدج لان من الصغر هو تعلم على سوالف المشيخه واحنه مالنه حيل الها ومرت الشيخ مو أي مرة لازم تكون كد هالحمل تكون وياه بالحلوة والمرة والمرة الحوك تعرف اشلون تحتوي زوجها رغم جدج من حجه وياي بالموضوع اني مدخلت وخليج على راحتج واخوج ادهم من جان يدخل لان هو اعرف بيج وبي وابنه هذا اهم شغلة اني مااعرف مرته او اشلون واشوكت تزوج بس الي يهمني هو يخلي الله بين عيونه وياج ويعرف حك الله

عمار :حجي ابوي كله صح صح اني اعرف ابو الاكبر بس الرجال يختلف بتعامله بالخارج شي وبداخل الغرفه شي ثاني وان شاء الله تكون حياتج سعيدة

ادهم :خلوها على راحتها لا تزيدون التفكير عليها
سعد :هاي حياتها وهي اعرف بيها

ذهب.كلها تحجي وصارت سالفتنه معروفه لان انحجه بيها كدام الكل وصارت كلها تعرف انخطبت لابو الاكبر اكو الي فرح واكو لا كل أي يهمني هو جود الي جان طاير من الفرح قبل عقدنه والعقد مو اقل العرس شيوخ اهواي الخوف يقرا الف عندي. رغم الجو حار بس اني ميته برد واحس جسمي كله يرجف حتى طلبت يسدوون التبريد
ليالي :شسالفة شنو بردانه
ذهب :ايي لج جسمي احسه ثلج
ليالي :ههه هذا من الخوف عيني وانتي ماشاء الله العين باردة يا رب
ذهب.كلها تبارك وفرحانه اباوع بالوجوه الي يضحك ويسولف وناس تحجي بناس اني اما صراع بداخلي اشلون راح تكون حياتي قراري صح ام لا وهم دوامي اشلون راح اخلصه لازم نتفق على هالموضوع .بعد دقائق وتم عقد قراني من الشيخ أبو الاكبر متوقعت يدخل بس دخل ماركزت اهواي لان جنت خجلانه بس جان كلش أنيق بالزي العربي دشداشة بيضة مطرزه بخيط ذهبي والشماغ الابيض المطرز هم عطره الي طغه على المكان كله وصل يمي واني كمت صار كلش قريب مني لزم راسي بين اديه وباسني هنا الخجل لا قليل اصلا