#احفاد الشيخ عجاج
للكاتبة ضوء القمر
Zahraa Hussain
وانه بروجك خذتني الريح
تسيورة خلگ سفـان
يمتى الگـاك
تاخذني لضوى اعيونك
درب نجمـة وسوالف طيف
تفتح للصلح بيبان
..........
ذهب.هاي أول مرة جدي الشيخ يطلب منه نكون موجودين بس اني وابو الاكبر ماادري شنو يريد بس حاسه وره طلبه النه شي
ابو الاكبر :أمرنه شيخ
الشيخ عجاج :اسمعوني زين هي كلمة وحدة وماتصير اثنين وبعدها الي تسووه سووه
ابو الاكبر.مافهمت شنو يقصد اباوع عليها هي هم صافنه :شنو تقصد شيخي صاير شي
الشيخ عجاج :اني قررت وهاي أول مرة ادخل نفسي بكل مرة اكون ناصح بس هالمرة لا راح اني اقرر ومااظن راح الكه إعتراض
ذهب.الشيخ على شنو ناوي ليش احس بكلامه شي جبير اكو شي صاير بس شنهو ماادري بس اتمنى الشيخ مايستعجل ويخليني نندم على شي
ابو الاكبر :وشنو هالقرار شيخي
الشيخ عجاج :انه خطبتلك ذهب من عمك
ذهب.صدمت عمري معقولة الي جاي اسمعه خطبني ليش مكدرت احجي احس لساني مربط
ابو الاكبر.اني جنت اكول ماكو شي يجبرني كلام الشيخ صدمني :شنو شيخي
الشيخ عجاج :اظن كلامي واضح مابي شي غير مفهوم هذا الاسبوع بعد عقد اخيتك تعقدون وبدون نقاش
ابو الاكبر.بله اني عادي ماعندي مشكلة ارفض او احاول اتصرف بس هي شذنبها :شنو الي خلاك تأخذ هيج قرار
الشيخ عجاج :اخذت هالقرار وانته كلشي جود الي يهمني المهم جود يعيش وسطكم
ابو الاكبر :وهي شدخلها اني المسؤول عن جود باي صفة نجبرها على شي هي مراضيه عليه
الشيخ عجاج :الي صار راح يخليها تنجبر عليه ابنك اذى نفسه علمودها تريده يسوي أكثر خليكم انتو الاثنين وياه لا تحاول تغير قراري عمتك تزوجت وخيتك هم وامك ماهي بصحة زينه تربي ذهب أحسن قرار
ابو الاكبر :شيخي الزواج مو جبر
الشيخ عجاج :وآنه قررت تعقد عليها المهم تكون حده
ابو الاكبر :شيخي خليها تروح ونتفاهم اني وياك
الشيخ عجاج :القرار يخصكم ليش تريد تحجي وحدك احجي بنيتي خلي نسمع رايج
ذهب.شحجي هو اني خلي استوعب الي اسمعه حتى احجي ماادري منو الي غلط حتى مااعرف بشنو ارد
..اكدر اطلع جدو
الشيخ عجاج :خلي اسمع رايج أول
ذهب :اسفه بس مجاي اكدر افكر
ابو الاكبر :شيخي اتوقع هذا كافي من رخصتك ذهب تكدرين ترحين
ذهب :من رخصتك شيخي
.طلعت بس اشلون ماادري امشي بلا وعي احس نفسي بمتاهه ليش جدو مالكيت غير هالقرار اعرف ابو الاكبر ماناقصه شي بس مو جبر مااريد احد ياخذني بهيج طريقة حتى وان كان علمود جود هذا شي وجود شي ثاني .همزين بسام جان موجود طلعنه حاول يعرف اشبيه ماحجيت وهو سكت من وصلنه للبيت التفت عليه
..بسام اذا حاجوك كلهم علمود جود خايف عليه ماكو شي
بسام :وضعج ماعاجبني شصار
ذهب :ماكوشي بس راد يطمن على جود وبس
.نزلت وصعدت مباشرتا لغرفتي وكضيتها كلها افكر اشلون اقبل بشخص انفرضت عليه لا اني ولا هو بينه شي اشلون جدي هيج قرر ماادري من كد التفكير خليت راسي ونمت .
....
ابو الاكبر :بويه هذا مو حجي
الشيخ عجاج :عليش وين تلكه أحسن من ذهب تهتم بجود من اختاريت ذهب مو عبث لا اعرف منو الي يناسبك ويناسبها وليدي انت مو صغيرة لازم تفكر بنفسك وقبلها بجود وشوفت عينك جود تعلق بذهب بسرعة وربك ستر ومراح الجاهل منه لو نفرض تزوجت بعيد جود راح يبقى نفسه ماهو راح يتعبك وما عندي الي يساعدك الي جنت معتمد عليهن راحن فكر
أنت تقرأ
احفاد الشيخ عجاج
Misteri / Thrillerعندما يفني رجلُ حياته في سبيل ان يبقي المبادئ والقيم التي تربى عليها يكون قد اتسم بالحكمة ورزانة العقل وقوة القلب فإنه يلد رجالٌ عند الصعاب يكونوا العصا التي يتوكأ عليها
