احفاد الشيخ عجاج

البارت الثالث والعشرين

#احفاد الشيخ عجاج
للكاتبة ضوء القمر
Zahraa Hussain

عَـسنّك
بـ أردى من هالحال
عسى جرحك يگلبي تزيد لچماته
يلن طبعك
طبع هاون
تجيه من ايده طـــگاته
.........
ابو الاكبر :فاقد الحنان شنو هالحجي ليش منو كلج احنه عايفي بدون حنان لو ماكو احد منطي اهتمام

ذهب :اني مقصدت هيج بس مو كل حنان حنان مرات حنان يفسر على انو انت تستخطي هالشخص وتنطي حنان ومرات تقدر الوضع الي عايشه وتنطي مرات هالشخص يحس نفسه جاي يتعاطفون وياه لذلك يحس هالحنان مجرد مشاعر بس مالها أي معنى ومرات يكله الحنان الي يدور عليه بكل الي حواليه بس شخص بدون ميعرفه وهالشخص بدون أي سابق إنذار تلكاه منطي كل الي بداخله من حنان وعاطفه وحالة جود نكدر نكول هيج .اني مجاي اكلك انت مقصر وياه او عميمه وليالي لا بس يحس نفسه عنده نقص واشكد ما يحصل حنان يشوف نفسه بعده محتاج لان مالكه حنان الأم

ابو الاكبر.رغم كلامها شبه قنعني بس بعدني مصر على رأي :وانتي شفرقج عنهن لا انت امه ولا أي مقربه منه

ذهب :خلي اوضح شي وهي جود هو الي يحس محد يحس غيره لا اني ولا انت يحس بشعوره اتجاه الشخص المقابل واذا شفته مهتم بشخص أكثر من غيره اعرف انو هو مرتاح وياه هسه انت اذا شخص ماعجبك تبقى وياه لو تعوفه اكيد راح تعوفه قلبك من ينبض نبضات مختلفه اتجاه هالشي سواء كانت إيجابية او سلبية راح يرسل محفز للعقل انو متخوف منه أو سعيد وكلشي والا قدره وجود بما انو طفل وبهالعمر وذكي شي اكيد يفكر بعقله وكلبه سوه

ابو الاكبر : انتي ادرسين طب نفس لو صيدلة
ذهب.ابتسمت ميدري اني ويه طب نفس عشرة عمر :لا صيدلة بس الطب النفسي هو صديقي الصدوق
ابو الاكبر :افهم منج حللتي شخصية جود على هالاساس وعرفتي شنو وضعه رغم جود لا يعاني من مشكلة نفسيه غير العصبية الي نسخه مني

ذهب :اني اتفاجئ من اشوف طفل مثل جود اصلا جود جسد طفل بس عقل ووعي رجل بالأربعين يعني يفهم

ابو الاكبر :اعرف هالشي وهذا اهواي متعبني
ذهب :لا بالعكس خلي على راحته وهو راح يسمع منك بكل هدوئ

ابو الاكبر.رجعت جسمي ليوره ورافع حاجبي وشابك ايديه سوه :تدرين جود حاله خاصه واخاف عليه من الهوى لو مسه وهاي أول مرة أرضه يتعلق بشي

ذهب : يعني شنو حاله خاصه
ابو الاكبر :سالفة مو لازم تنكشف بس الظاهر راح تنكشف الج بس مو الحين

ذهب :اني مجاي افهم عليك شتقصد
ابو الاكبر :بعدين احجيلج المهم هسه اريد اتاكد من شغلة واريدج تساعديني بيها

ذهب :ادلل بشنو اكدر اساعدك
ابو الاكبر.من طلبت منها متوقعت راح تساعدني وخاصه الي طلبته مو شي سهل...
......
ليالي :لبنى هذا مو حجي جاي احجي وياج اوكفي
لبنى :هاي وكفت شكو
ليالي :وضعج ابد ماعاجبني احجيلي شصاير وياج منو وياج
لبنى.حجيت بتعب بس اريد اخلص :محد وياي وماكو شي اطمني مجرد اشويه تعب هسه اوك يله للبيت
ليالي.عافتني وراحت كدامي احتار اشلون افهمها صايرة اهواي تضم بس متأكدة اكو شي بس شنو هذا الي مخلبني شنو وراها ماادري خلي احير بروحي اليوم ابو الاكبر يريدني وشنو السالفة ماادري .رحت وراها لكيت بالسيارة صاعدة واديها على خدها جن باجيه