#احفاد الشيخ عجاج
للكاتبة ضوء القمر
Zahraa Hussain
اخاف اعشگ!
يضل مشغول دوم البال
وجفوني متطبگ..
اخاف اعشگ!
اخاف اسمع هذاك الدگ
اخاف گليبي يتمزگ
اخاف خدودي تَّجرح
واشوف الدمع شگ الخد
اخاف اعشگ!
......
ذهب.بعد شهر نايمه بحضن ابو الاكبر ودك جهازه اشو كمز من مكانه ويحجي بسرعة
ابو الاكبر :لا لا جااايك مااتأخر مسافة طريق
.ايي لا اطمن
ذهب :شكوو شصاير شي
ابو الاكبر : بعدين جهزيلي ملابسي بسرعة
غسلت بسرعة وطلعت هي تحجي تريد بس تفهم
..ذهبب بعدين اكلج مستعجل اسمعني ترحين ويه محمد الصبح يجي ياخذج واياج اطلعين او تخلين جوود يطلع ساامعه جوود مايطلع وبعد شغلة الي يسألج تكليلي صار عنده شغل
ذهب :عفيه بس كلي شكو والله كلبي راح يوكف
ابو الاكبر.بستها بشفتها حيل كأن استمد منها القوة :دبري ببالج على نفسج وعلى جود مااتأخر
ذهب.طلع واحسه اخذ كلبي وياه مدري ليش احس اكو شي صاير مو مطمنه
.قبل يومين
ابو الاكبر :ادهم بشرني اكو شي جديد
ادهم :لا لحد هسه ماكو جديد
ابو الاكبر :اشلون نظل هيج
ادهم :لا طبعا بس خلي اشوف الوضع وليش هيج هدوى وانطيك خبر
ابو الاكبر :خير ان شاء الله ادهم انتبه على نفسك ماشي مااريد يصير عليك شي
ادهم :ههه اني متعود انت مالك شغل المهم لا تشغل بالك
ابو الاكبر :اشلون مااشغل بالي بالسالفة مو اشويه
ادهم :اطمن مراح يصير شي
ابو الاكبر :أتمنى يله انتبه على نفسك
ادهم :إن شاء الله
.
ابو الاكبر .سديته بس بالي مشغول مجاي اكدر ارتاح من ذلك اليوم واني احاول الكه حل بس ماكو المشكلة متعرف شي عنهم ومنو الي يدز هالرسائل مرات افكر واكول هاي لعبة ومرات اكول وشنو الغاية ومنو اصلا يعرف بالسالفة حتى يلعب هيج لعبة قذرة.
.جنت نايم ذهب اليوم رجعت ومرتاح بوجودها بس وين ارتاح والمشاكل تزخ عليه اتصال ادهم وترني وخلاني اعصب همزين مازمخت بوجها المسكينة هي شذنبها. طلعت سيارتي ومباشرتا طلعت لبغداد واتصلت بمحمد يجي ياخذهم جود وذهب جان الوكت توه طالع الفجر ماانطيت أي خبر لاحد مااريد تصير سالفة واني مو ناقص ابد الشيخ مراح يعدي السالفة على خير ابد وخاصه هو من يوم رجعنه من الفاو حس اكو شي
..بعد ساعات وصلت بغداد اتصلت بادهم
..الوو صباح الخير
ادهم :صباح النور
ابو الاكبر :شنو نايم
ادهم :أي و الله غفيت قبل اشويه انت وين
ابو الاكبر :توني عبرت سيطرة بغداد
ادهم :خوش لعد روح قبلي للبيت واني جايك
ابو الاكبر :تمام
وصلت لمنطقة الي كاعد بيها ادهم اني عندي نسخة من المفتاح بالسيارة دخلت للبيت وكعدت بالحديقة انتظره اتصلت بذهب
..الوو هلا بويه
ذهب :الوو هلا يعمري طمني عندك
ابو الاكبر :على كيفج بويه ماكو شي اني بخير اشبيج تلهثين
ذهب :هو بقى على كيف بالي يمك وكلبي نار
ابو الاكبر :اوويلي اشتعلو كلهم سلامت كلبج يبعد روحي وكلبي اطمني يالغالية ماكو شي بس عندي كم شغلة
ذهب :ابو الاكبر اني مو طفلة كلي شصاير ترا كلبي مو مرتاح
ابو الاكبر :ريحي بالج مو زين عليج وهم مااريد احد يحس اكو شي اذا بقيتي هيج راح يحسون اكو شي
أنت تقرأ
احفاد الشيخ عجاج
Mistério / Suspenseعندما يفني رجلُ حياته في سبيل ان يبقي المبادئ والقيم التي تربى عليها يكون قد اتسم بالحكمة ورزانة العقل وقوة القلب فإنه يلد رجالٌ عند الصعاب يكونوا العصا التي يتوكأ عليها
