احفاد الشيخ عجاج

البارت الاول

#احفاد الشيخ عجاج
للكاتبة ضوء القمر
..

حلاة الدنيآ بعيونك
يــمآ تِــدري
اطيح وي الدمع
كلمآ يذكرونك
  مِن شفتك عرفت الناس
مايسوون مِن دونك ...
.......
محسن :انت صدك تحجي مقدام

مقدام :أي و الله يخوي جم مرة كتلك محسن دير بالك لا بسرعة تصدك بالناس وهاي تاليتها هيج احسلك بله

محسن :انت اشبيك اشو مدري اشلونك شنو متعرف ششتغل لو جديدة عليك

مقدام :والله اسأل روحك هالسوالف جديدة عليك حيل بيك حتى مرة ثانيه تنتبه أكثر
محسن :وهسه اشوكت اطلع

مقدام :الوالد كال راح يبقى بضيافتنه اربع اشهر

محسن :شنهيي العباس عليك صدك تحجي

مقدام :أي لعد لعب هو هذا الي يلعب بالنار

محسن :لا بالله مو صاحين اربع اشهر شكو شمسوي يمعودين ترا اني ما أول مرة اتعامل ويه هيج وهم معروف بالسوك نزاهتي يعني شنو

مقدام :خليني ساكت لا اكسر راسك خووش هالسالفة بلوه وحدها الله اعلم شيصير

محسن :اخيك شوفلي دبره اريد اطلع

مقدام :مااكدر الوالد متشدد اهوواي وهم متحامل اهواي عليك تحمل هالفترة وبعدها نشوف

محسن :خرب اشلون ويه حظي المصخم اااخ يابه دومي متعذب

مقدام :الله كريم هذا درس الك المهم اني هسه أتوكل محتاج شي
محسن :اووف لا متكدر الله وياك 
.رجعت لمكاني واني ماادري شسوي جاي اخسر وكل هذا تعب عليه اني ماصدكت كبرت الشركة وصار الها سمعتها هاي البلوه منين اجتي هو اني ناقص ماادري حظي مدري لعبة هاي بس منو يكدر ينفذ هيج مخطط عليه ولو الكل حاليا متهم. اووف
..
مقدام.طلعت من المركز واني حاير اشلون اعوض هالخسارة السالفة مو سهلة ابد بس لازم اكو ايد وره هذا كله بس منو لازم اعرف

..الوو هلا ابو جود

ابو الاكبر :هاا يخوي بشر شنو الاخبار
مقدام :متفيد الشركة جاي تخسر اسهمها

ابو الاكبر :لا حول ولا قوة الا بالله ماعرفتو منو وره هالسالفة
مقدام :بعده التحقيق جاري المشكلة ماكو أي دليل
ابو الاكبر :الي منفذ هالسالفة مخططها عدل بحيث ممخلي عليه غلطة

مقدام :اااخ لو الكه غلطة وحدة مايخلص مني هسه اني جاي اشتغل على امور صار قبل فترة بلكي الكه شي يفيدني

ابو الاكبر :الله كريم ومحسن شوضعه

مقدام :تعبان كلش وابوي ميقبل يطلعه يكول مااكدر السالفة مو اشويه

ابو الاكبر :هذا هم حظه خطية تعب اهواي بيها وهو مخلي كلشي بيها البورصه اشلون

مقدام :اكو كم مساهمين طلعو وهم الشركة وصلت حد صعب تفرج ان شاء الله ماتضل على حالها