ان نكون ودودين مع من يكرهوننا ،
وقساة مع من يحبوننا ،
تلك هي دونية المتعالي ،
وغطرسة الوضيع ،
ايها الماضي لا تغيرنا كلما ابتعدنا عنك،
ايها الحاضر تحملنا قليلا ،
فلسنا سوى عابري سبيل ثقلاء الظل .
محمود درويش
__________________________
بغداد
7:00Am
قمر
...كعدت الصبح نعسانة كلش احس نفسي بعدني ما شبعانة نوم
بس خطية ماماتي يبقن وحدهن لازم اني وياهن لان اليوم بابا عازم اختة واخوانة كلهم لان يحب يجتمعون دائما ف كل فترة هذه العزيمة تصير عند احد الاخوان...
...حضرت ملابسي ودخلت الحمام سبحت بسرعة وطلعت نشفت شعري ومشطتة بسررعة وخليت مكياج خفيف عبارة عن فونديشن مسكارا وكحل خفيف كلشش وحمرة هم خيفية مجرد ابرز ملامحي بيها وهم كرم ميقبل اخلي كثير مكياج باوعت لنفسي ع المراية
...عمي اخبل ماما شنو جانت تتنسى بية عسل يمكن
نزلت جوة وكالعادة مستحيل اكعد اول وحدة لكيت كرم كاعد قبلي
...صباح الخير
كرم : صباح النور ياهلا بالحلوة شعجب كاعدة من وقت
...مو كلت خطية ماماتي وحدهن ف كعدت وياهم من وقت
كرم : عفية بنيتي يلا اني طالع اجيب مسواك ماشاء الله القائمة بطولي
...خلي نتريك وروح
كرم : لا شربت جاي مااشتهي
...براحتك حبيبي اذا مالك خلك خلي الياس لو علي لو حسن يروحون بدالك
كرم : لا خطية خليهم نايمين اني رايح مااتأخر حتة تبلشون بالطبخ
...مااشي الله وياك
...طلع وسديت الباب ورا كعدت ماما
ام قمر : صباح الخير شعجب كاعدة
...والله تحيرون اكعد من وقت ياهو اليشوفني يكول شعجب اتأخر تكولون نايمة للظهر
ام قمر : يمة من لسانج شحجيت ولج ديلا عمي هو مو صوجج صوج اخوانج الدللوج زيادة
...شبي الحلو ضاج امزح
...ورحت بستها بخدها وكتلها
...ماما كرم راح يجيب المسواك كال مااتأخر حتة تبدون بالطبخ
ام قمر : خوش لعد خلي نتريك بسرعة
...ماشي
...بعدنة دنحضر بالريوك دخلت ماما ام كرم
ام كرم : شنو هل نشاط عمي لو هيج البنات لو ماكو
...صباح الخيررر يااحلى ام تعالي دنتريك تعالي ويانة
أنت تقرأ
عروسة لـ من رباني
General Fictionروايتي.... تتحدث عن فتاة جميلة تمتلك من الجمال احسنهُ عينان كالبحر... شعر كالشمس... شفتان كالكرز.... لتكون الفتاة الوحيدة لعائلتها والاخت الوحيدة لاربعة اخوة تدور الدنيا لتجتمع مع الظروف وتجعلها عروسة بفستانها الابيض لمن رباها... ف كونوا معي احبتي...
