أحبك جداً
وأعرف أني أعيش بمنفى
وأنتِ بمنفى
وبيني وبينك
ريحٌ
وغيمٌ
وبرقٌ
ورعدٌ
وثلجٌ
ونـار
وأعرف أن الوصول لعينيك وهمٌ
وأعرف أن الوصول إليك انتحـار
ويسعدني أن أمزّق نفسي لأجلك أيتها الغالية
ولو خيّروني لكرّرت حبّك للمرّة الثّانية
<><><><><><><><><><>
الياس
...گاعدين بالمطار منتظرين الرحلة وهي لازگة بية متريد تشوف احد ولا تسمع لاحد
...ايدي محوطة كتفهاا وهي راسها ع كتفي ومغمضة عيونها اتأملها وممصدگ هسة هية بحضني وحلالي هم
...يمكن مرضها چان بي صالح النا ما ناقصنا غير صحتها ترجع تمام
...انطلقت الرحلة وهيَ لازمة بأيدي بكل قوتها من قلعت الطيارة خافت
...اجت المضيفة قدمت الاكل گلتلها
...گعدي اكلي حبيبي
...جاوبت بهمس
نور : ماريد
...شلون متردين لازم تاكلين
نور : مو جوعانة
...حتلو مو جوعانة اني اوكلچ
...جاوبت بملل
نور : اوكِ
...بلشت اوكلها وهيَ ما عاجبها الوضع بس بگلبي فرحةةةة ما انطيها لاحد واني اباوع ع ملامحها الطفولية ومرضها زادها طفولة احبها بكل حالاتها عقلها خبالها طفولتها بكلشي حرفياً
...اكلت شوية وبعد ما قبلت تاكل گالت
نور : اگلك الياس
...گولي ياروح الياس
نور : نعست
...حضنتها وگلتلها
...يلا نامي
نور : وانتَ خطية شنو حـ تضل گاعد
...لا مو خطية نامي معليچ
نور : كيفك
...نامت وفصلت عن العالم واني صافن بوجهها وايدي تمسد بشعرها ما اگدر اتخيل شنو ممكن يصير لو فهد معاند اكثر ومموافق يمكن اخطفها واشرد بيها
...اضحي بحياتي كلها علمود تبقى مرتاحة ومتتأذة اذا تأذت مرة اني اتأذة اضعافها
...مرت ساعات ووصلنا وصرنا ع ارض بلاد غريبة بعيدة عن اهلنا ع امل تتعالج وترجع للعراق بصحتها
أنت تقرأ
عروسة لـ من رباني
General Fictionروايتي.... تتحدث عن فتاة جميلة تمتلك من الجمال احسنهُ عينان كالبحر... شعر كالشمس... شفتان كالكرز.... لتكون الفتاة الوحيدة لعائلتها والاخت الوحيدة لاربعة اخوة تدور الدنيا لتجتمع مع الظروف وتجعلها عروسة بفستانها الابيض لمن رباها... ف كونوا معي احبتي...
