اصدق حــب؛
عندما تحب انسـانـاً...
لـا تـعـرف لـمـاذا احـبـبـتـه.
"""""""""""""""""""""
قمر
...صددگ كرم شلون طلعتوني من المكان بوقت ما احمد خطفني!!
كرم : بمساعدة شخص متتوقعي نهائياً
...عقدت حواجبي بتسائل وگلت
...منووو؟
...رفع تك حاجب وگال
كرم : ما اگول
...لا لا عليك الحُسين منووو؟
كرم : صدگيني ما اگول
...ليش
كرم : مو هيَ گلتلي لتگول
...يعني بنية ساعدتك
كرم : اييي
...بنية واني ماتوقعها تساعدك منووو منووو
...عطت وضربت الميز بأيدي وگلت
...عررررفتهاااا والله
كرم : منووو
...هيَ ساعدتك واني ماتوقعها ماكو غير رقية لان رقية تعرف كُل تحركات أهلها وهيَ تكرهني زين ليش ساعدتك هيَ شوفتي متتحملها
...گال
كرم : مادري ماطولت وياها بالكلام بوقتها بس ردت اوصلچ
...امممم والله اني طلعت ذكية
كرم : لتجيبن طاريها لاحد بيني وبينچ بس
...ليش
كرم : احسن
...ماشي
كرم : هسة ارتاحيتي
...نوعاً ما ايي
كرم : ليش
...لان بعد ابالي هواي تساؤلات بس نسيتها من اتذكرها اجي اسألك
كرم : خووش المهم راحتچ
...ابتسمت وگلت
...والله كرم لو ما انتَ ماعرف شنو ممكن يصيرلي جد اشكر ربي ع وجودك وياي صرتلي كُلشي بوقت ما چان احد فاهمني حتة امي
...قرب ايدة ولزم ايدي وباوعلي وابتسامة ع وجهة وگال
كرم : اذا ما تعبت حتة اشوف الضحكة بوجهچ شنو فائدة التعب
...ابتسمت وخليت ايدي ع ايدة وگلتلة
...ماعرف شلون اعوض تعبك علية
كرم : ما تعبت عليچ حتة تعوضيني عن تعبي بس تبقين يمي هذه احلى عوض
...ابتسمت وهو باوع ع الساعة وگال
كرم : تأخررنا كُلش يلا حتة نرجع
...ايي ماعندي شي يلا
... هوَ راح حاسب ورجع انطاني ايدة وگمت طلعنا من المطعم ارتاحيت لان عرفت كلشي وضجت من شغلات ماچنت متوقعتها بس ارجع واگول الحمد لله على كل حال
أنت تقرأ
عروسة لـ من رباني
General Fictionروايتي.... تتحدث عن فتاة جميلة تمتلك من الجمال احسنهُ عينان كالبحر... شعر كالشمس... شفتان كالكرز.... لتكون الفتاة الوحيدة لعائلتها والاخت الوحيدة لاربعة اخوة تدور الدنيا لتجتمع مع الظروف وتجعلها عروسة بفستانها الابيض لمن رباها... ف كونوا معي احبتي...
