كلما حدثتها ازدادت جمالاً
إلى أن نطق الجمال تفنناً
محتالة أنت لا أمان لك
منْ قال إنك من جنسنا
منْ قال إنك مثلنا
ملك سقطتي ها هنا
مرسولة أنت لتفتني
يا للكمال فتنتنا
¢¢¢¢¢¢¢¢¢¢¢¢¢¢¢¢¢¢¢
مسار
... in the bast
...مشيت شوية وانسحبت ايدي بقوة باوعت عاقدة حاجبي بأستغراب
... هو هم مستغرب مثلي باوعت ع ايدي اسوارتي متداخلة مع ساعتة
...حاولت اطلعها ماطلعت رجع هو حاول يطلعها وماكوو صار وجهي بوجهة رفعت راسي وصارت عيني بعينة بعد ماعرف شسووي حاولت اتلافى الموقف وگلت
...اخوية مستعجلة اني
... نزعت الاسوارة وخليتها وي ساعتة يعني لو اني اخذ الاسوارة والساعة لو هو ياخذهن وگلتلة
... بالعافية عليك
_تعاالي انتي اخذيهن هذه اسوارتچ ذهب
... مو مشكلة گلتلك بالعافية عليك
_ميصيررر هيچ تعاالي
...تركتة واخذت زينب ومشينا للسيارة زينب صعدت بالصدر واني بمكان السايق شغلت السيارة ومشيت الطريق كلة بالي وي الموقف الي صار وصلت زينب لبيتها ورجعت للبيت الحارس فتحلي الباب ودخلت السيارة بالگراج
... دخلت لگيت افتخار بالمطبخ گلت
... السلام عليكم شلونچ عمري!
افتخار : اهلاً ست مسار الحمد لله
... ممكن بدون رسميات
... ابتسمت وگالت
افتخار : ادللي
... اني رايحة انام گوليلهم رجاءا بدون ازعاج كلش تعبانة لو تنگلب الدنيا لتخلين احد يگعدني
افتخار : ميخالف حبيبتي روحي ارتاحي
... صعدت لغرفتي شمرت غراضي وغيرت ملابسي ونمت گعدت الدنيا ضلمة اخذت الفون فتحتة شفت الساعة ٨ بالليل يعني شگد نايمة وشفت اشعار مسج من رقم غريب مكتوب
" السلام عليكم ست مسار شلونچ"
حضرتة ونزلت جوة افتخار سوتلي العشا وگعدت اكلت وگمت غسلت ورجعت نمت گعدت الصبح مابية حيل اداوم ضربت الدوام وبقيت بفراشي افكر بهوواي امور خطرت ع بالي واولهم الولد الي انضربت بي البارحة اول مرا اشوفة بالجامعة
(الحاضر)
ايمن : وينچ مسار صار ساعة احچي وياچ
...هاا شووكت اجيت ممنتبهة
أنت تقرأ
عروسة لـ من رباني
General Fictionروايتي.... تتحدث عن فتاة جميلة تمتلك من الجمال احسنهُ عينان كالبحر... شعر كالشمس... شفتان كالكرز.... لتكون الفتاة الوحيدة لعائلتها والاخت الوحيدة لاربعة اخوة تدور الدنيا لتجتمع مع الظروف وتجعلها عروسة بفستانها الابيض لمن رباها... ف كونوا معي احبتي...
