اريام
...همست
... لا مستحيل
... ماگدر اوگف بعد جسمي يرجف لزمت السيارة سندت نفسي بيها احس نفسي اختنگت بالگوة اجر النفس دموعي تنزل بدون ملامح توگع من عيني للگاع بسرعة متاخذ مسارها ع وجهي
...سمعت صوت گال
حسين : صعددددي بسررعة خلي ننقلة للمستشفى انيي راح اسوق
...وصاح ع شخص ثاني گال
حسين : فهدددد انت جيب سيارتي وراي
...ماجادلت بسرعة صعدت لان بهيچ حالة مستحيل اگدر اسوق ساعدني الولد ونيمنا بالسيارة وراسة بحضني ماما بالصدر وهو صعد بمكان السايق
... ساق السيارة بسرعة بحيث الطريق ماصار ربع سااعة حسيتة سنة دموعي ماوگفت لحضة احاول اخلي يگعد بس ماكو اي فائدة وجهة شااحب وشفايفة بيض اني اشوفة هيچ لو گلبي ينعصر عصر
...وصلنا للمستشفى والسيارة الثانية ورانا نزل منها ولد واثنيهم نزلو بابا وجابو سدية بسرعة نقلو دخلو لغرفة وماقبلو احد يدخل وياااه
...ستوني يلا استوعبت اني وين ومنو وياي
...باوعت ع ماما ورحت يمها مسحت دموعها وگعدتها ع الكراسي وگعدت يمها گلتلها
...ماكوو شي ماما ماكوو شي خلص لتبچين
... گالت وهي تبچي ودموعها عشرة عشرة
ام اريام : شلووون يووم ماشفتييي حالتةةةة؟
...حضنتها وبچينا سوا وگلت بصوت اقرب للهمس
...ماما انتي دائماً تگوليلي الله موجود وخلي املچ برب العالمين هلـ مرا اني اگُلچ خلي املچ برب العالمين كبير ميضيع حق احد
...ابتعدت عنها ورجعت مسحت دموعها وهي مسحت دموعي گلتلها
... ماما اني رايحة اغسل وارجع
... هزت راسها بـ ايي
... گمت من يمها طول الطريق دموعي مانشفت بس ماريد ابچي گدامها رحت للمغاسل دخلت فتحت المي وغسلت وجهي دموعي مو راضية توگف اختنگت ماگدرت اكتم اكثر بچيت وصوت شهگاتي ملت المكاان حطيت ايدي ع حلگي احاول اكتم الصووت لكن بدون فائدة صرت اشيل مي واشمر ع وجهي بشكل عشوائي بس اريد ارتاح اريد نار گلبي تبررد
...مستحيل النار البية تطفى بيوم مستحيل حقدت ع كل الي اسمهم اهلي عمااامي عمااتي بهيچ وقت المفروض الكل واگف يمي المفروض مو وحدي بالمستشفى المفروض اخوانة وخواتة موجودين
... بابا بسببهم وصل لهيچ حاااالة بسبب انانيتهم وحقدهم ع بابا مع العلم بابا شايل گلب ماكو اطيب منة
...غسلت وطلعت ردت اطلع اشتري العلاج اتذكرت جنطتي بالسيارة وسويچ السيارة مادري بي وين اصلاً من الخبصة الي انخبصتها ماعرف شصار بهذيچ الكم ساعة الي راحت
أنت تقرأ
عروسة لـ من رباني
General Fictionروايتي.... تتحدث عن فتاة جميلة تمتلك من الجمال احسنهُ عينان كالبحر... شعر كالشمس... شفتان كالكرز.... لتكون الفتاة الوحيدة لعائلتها والاخت الوحيدة لاربعة اخوة تدور الدنيا لتجتمع مع الظروف وتجعلها عروسة بفستانها الابيض لمن رباها... ف كونوا معي احبتي...
