اني رأيت من العيون عجائباً
واراكِ اعجبَ من رأيت عيوناً
ما كنت احسب ان طرفاً ناعساً
قد يورث العقل السليم جنوناً
'' '' '' '' '' '' '' '' '' '' '' ''
كرم : لچ شنو هذا الجمال ما اگدر اشيل عيني منچ
...ابتسمت ودنگت بخجل
كرم : اروح فدوة للخجلان
...ابتسمت وسكتت صار يتأمل ملامحي وعيونة تتنقل بتفاصيل وجهي صارت عيني بعينة همس وهو يتأملني اكثر
كرم : قمر
...هاا
كرم : احبچ
...انصدمت گلبي زادت نبضاتة اطرافي بردت توترت وبجزء من الرقصة فرني حول نفسي ورجعني وهو ايدة ع خصري گال هو متأمل ملامحي وعيونة تتنقل ع كل تفاصيل وجهي
كرم : روحچ؛ عيونچ؛ شعرچ؛ وجهچ؛ اني هايم بيچ
...هو يحچي واني كل جسمي يرجف توتر وخجل وماعرف شنو ارد احس لساني انربط وعقلي وگف عن التفكير بس گلبي يشتغل ويدگ بسرعة مو طبيعية
كرم : الهوى اذا مر منچ احترگ
...استمع لكلماتة ؛ وكأنما لحن تمر ع مسامعي بهذه اللحظة حبيت نفسي وماعرفت مشاعري تجاهة
كرم : من ١٠ سنوات منتظر هذا اليوم حبچ تعبني وشيبني قمر
...من نطق كلمة ١٠ سنوات باوعت عليه بصدمة وهمست
...كلامك بالحديقةة؟؟؟؟
كرم : انتِ قمر انتِ لتتوقعين بيوم غيرچ دخلت گلبي وگدرت تاخد معزتچ مني شگد حاولت ابتعد شگد حاولت احب غيرچ بس گلبي قفل عليچ گلت كررم اختك انتَ مربيها حاولت اقنع عقلي بس گلبي شيقنعة؟
...جسمي رجف رغم برودة المكان حسيت بحرارة ايدي ع صدرة واضحة بيها الرجفة وعيوني بعيونة حسيت بحبة من خلالهن واني اتذكر تصرفاتة وكلامة چنت اتوقع كلشي بينة كـ أخوان اليوم يلا فهمت كُلشي
...كملت الرقصة واني مو واعية لكلشي حوالية رجعت لمكاني وگعدت واني عقلي نسى اني وين ومنو يمي بقى بس يكرر كلمة " احبچ" احس صداها يتكرر براسي
...اني ليش ما رفضتة؟ اني ليش سكتت؟ ليش اجاني شعور راحة؟ وشعور فرح هم؟
...كل هذه الأسئلة تتردد براسي ومالگة الها اي جواب مقنع
...العرس اوشك ع الانتهاء الكل يتحضر حتة يطلعون للزفة
...واني ما اتذكر شوكت طلعوا من القاعة منو اجة يمي ومنو حچة وياي مادري كل هذا ما اتذكرة اتذكر بس كلمة" احبچ " وابتسم
...ليش دابتسم ليش مرتاحة للموضوع وعاجبني ليش وليش وليش......
...كل هذه الاسئلة تدور براسي وكلما افكر بيها مالها اي جووواب
أنت تقرأ
عروسة لـ من رباني
General Fictionروايتي.... تتحدث عن فتاة جميلة تمتلك من الجمال احسنهُ عينان كالبحر... شعر كالشمس... شفتان كالكرز.... لتكون الفتاة الوحيدة لعائلتها والاخت الوحيدة لاربعة اخوة تدور الدنيا لتجتمع مع الظروف وتجعلها عروسة بفستانها الابيض لمن رباها... ف كونوا معي احبتي...
