My Story [✔✔]

• Part 2

A/N -: හියොන්ග් කියන්නෙ Yoongi ට හරිද 🙂 ජන්කුක්ට නෙවේ...

-----

මීට මාස දෙකකට වගේ කලින් මට debate තරගයක් තිබුණා. ඒකට අපේ college එකෙන් තේරුණේ මාව. මං ගොඩක් ආසාවෙන් හිටියෙ ඒ ගැන හියොන්ග්ට කියන්න. ගෙදර දුවගෙන ගිය මම ඔම්මටයි අප්පටයිත් කලින් හියොන්ග්ට ඒ ගැන  කිව්වා.

එයා..එයා කිව්වා එන්නං කියලා.

මට හිතා ගන්නත් බෑ. එයා කිව්වා PD Nim ට කියලා මං වෙනුවෙන් එයාගෙ schedule එක වෙනස් කර ගන්නං කියලා.

මං වෙනුවෙන්... ??

මං සතුටට හියොන්ග්ව තද කරලා බදා ගෙන උඩ පැන්නා.

සතුට වැඩිකමටද කොහෙද හියොන්ග් මාව අනිත් පැත්තට බදා ගත්තෙ නෑ කියලා මට දැණුනෙ නෑ.

එදා මුලු රෑම මං කල්පනා කලේ ඒ ගැන. මට හරියට නින්ද ගියෙත් නෑ. මං ඇදේ පෙරලි පෙරලි හිනා උනා. මං හිතුවා එකම එක පාරකට හරි මං එයාගෙ ආඩම්බරය උනා කියලා.

හියොන්ග් නිසාම මං debate ගොඩක් මහන්සි උනා. හැමදාම library ගානෙ ගිහින් දවසම පොත් කියව කියව රෑ නිදි මරාගෙන මං මහන්සි උනා.

අන්තිමට ඒ දවස ආවා...

හියොන්ග් පොරොන්දු උන විදිහටම ඇවිත් audience එකේ ඉදගෙන හිටියා. එයාගෙ එහා පැත්තෙ ඔම්මයි අප්පයිත් ඉන්නවා දැකලා මගෙ සතුට දෙගුණ තෙගුණ උනා. මං හිතට ගත්තා කොහොමහරි මේක දිනනවාමයි කියලා. කොහොමහරි මං ඔම්මවයි අප්පවයි හියොන්ග්වයි සතුටු කරවනවා කියලා.

ඒත් debate එක පටන් අරන් පැය භායගක් යන්නත් කලින් තුන් දෙනාම හිටියෙ ගොඩක් කම්මැලි කමෙන්. පටන් ගත්ත වෙලාවෙ ඉදන් විනාඩියෙන් විනාඩියට එයාලා දිහා බලපු මට ඒක තේරුම් ගන්න අමාරු උනේ නෑ.

එයාලා කාගේවත් අවධානය තිබුණෙ මටවත් debate එකටවත් නෙවෙයි. ඔම්මයි අප්පයි සැරෙන් සැරේ වටපිට බලනවා. හියොන්ග් සැරෙන් සැරේ ඔරලෝසුව දිහා බලනවා.

ඒ නිසා මං හිතුවා competition එකේ කම්මැලි කම නැතුව යන්න මොනා හරි කරන්න. එකම දේ නැවත නැවත කතා කර කර හිටපු නිසා මං වෙන මාතෘකාවක් ඇදලා ගත්තා.