Unicode Version
ရှူတင်သွားခါနီးအိမ်တံခါးဝကလှမ်းပြောလာသော
ဂျီဆူးရဲ့ခိုင်းစေမှုစကားလေးတစ်ခွန်းကြောင့်
ဂျန်းနီပါမကျန် တစ်အိမ်လုံးနီးပါးမှာလည်း
ပါးစပ်အဟောင်းသားဖြင့်အံ့သြခဲ့ကြလေပြီ။
" ဒီနေ့ကစပြီး ခြံထဲမှာနှင်းဆီပန်းတွေ
အပြည့်ဖွေးနေတာ မြင်တွေ့ချင်တယ်
ဒါကြောင့် ပန်းအိုးထဲ နှင်းဆီပန်းတွေ
ထည့်စိုက်ဖို့အစီအစဥ်ကို ဒီနေ့စလုပ်ပါ "
" မမ !!! "
ဂျန်းနီရဲ့အံ့သြတကြီးအော်ခေါ်သံကြောင့်
ဂျီဆူးရဲ့မျက်ခုံးများ တွန့်တက်သွားရတယ်။
ဂျန်းနီ အံ့သြနေတာလည်းအဆန်းတော့မဟုတ်
အဆန်းဟုတ်နေသည်မှာ ဂျီဆူးလိုမိန်းမက
ပန်းစိုက်ပျိုးခိုင်းခြင်းပင် ဖြစ်လေသည် ။
ဂျီဆူးလိုမိန်းမက ပန်းတွေကိုမချစ်တတ်တာ
မပြုစုမယုယတတ်တာ အနုအရွတွေကို
မနှစ်သက်တာ ဂျန်းနီကအသိဆုံးဖြစ်သော
ကြောင့် ယခုလိုမျိုး အာမေဋိတ်အသံဖြင့်။
အဒေါ်ကြီးနဲ့အိမ်စေမလေးတွေကလည်း
ဂျန်းနီလို အာမေဋိတ်အသံမထွက်ရုံတမယ်ပဲ
မျက်နှာပေါ်မှာ အံ့သြခြင်းအငွေ့အသက်တွေနဲ့။
" ဘာဖြစ်လို့လဲ ! နီနီ
ကျောင်းသွားတော့လေ
ဘာလုပ်နေတာလဲ "
" ကျောင်းကသွားမှာပါ မမပန်းစိုက်ခိုင်းလို့
နီနီကအံ့သြနေတာ မမပြောတော့ပန်းတွေကို
မချစ်တတ်ဘူး ဒါမျိုးတွေဝါသနာမပါဘူးဆို
ခုကျတော့မှ ဘယ်လိုလုပ် မမက "
တစ်ဖက်က တအံ့တသြပြောနေသော်လည်း
ဂျီဆူးကတော့ပုံမှန်အတိုင်းခပ်ပြုံးပြုံးလေးနဲ့ပဲ။
" ဒါကတော့ ဒီလိုရှိတယ်လေ နီနီရဲ့
လူဆိုတာ ပြောင်းလဲတတ်တယ်မလား
အရင်တုန်းကတော့ ပန်းတွေကို
တို့မကြိုက်ဘူး ဒါပေမယ့်
တို့အခုတော့ အရမ်းကြိုက်သွားပြီ
အထူးသဖြင့် နှင်းဆီပန်းအနီကိုပေါ့ "
ပြုံးပြုံးလေးနဲ့ဂျီဆူးဘက်ကတုံ့ပြန်နေပေမယ့်
ခေါင်းလေးတကုတ်ကုတ်နဲ့ နားမလည်နိုင်
ဖြစ်နေရှာသူကတော့ နီနီလေးသာဖြစ်တယ်။
ESTÁS LEYENDO
I bought Love But
Fanfiction" မင်းသာမသိခဲ့တာ တို့ မင်းကို အသေအချာ ချစ်ခဲ့ဖူးတယ် 💔 တို့ အချစ်တွေ မင်းကို ပေးခဲ့ဖူးတယ် ❣️ " ZawGyi Version " မင္းသာမသိခဲ့တာ တို႔ မင္းကို အေသအခ်ာ ခ်စ္ခဲ့ဖူးတယ္ 💔 တို႔ အခ်စ္ေတြ မင္းကို ေပးခဲ့ဖူးတယ္ ❣️ "
