Unicode Version
ရိုက်ကွင်းဆီကင်ဂျီဆူးတစ်ယောက်ရောက်တာနဲ့
နေရာချထားပေးထားသော ထိုင်ခုံလေးပေါ်မှာ
ထိုင်ရင်းနဲ့လည်း ဒီနေ့ရိုက်ရမယ့်အခန်းထဲက
ပြောရမယ့် ဒိုင်ယာလော့စကားတွေကို
စာအုပ်လေးထဲ ဖွင့်ဖတ်နေမိလေတယ်။
မိတ်ကပ်တွေ ၊ ထိုးထားတဲ့မီးရောင်တွေကြောင့်
လူတစ်ကိုယ်လုံးနီးပါး ပူအိုက်နေပါတယ်ဆို
နားထဲရောက်လာသောညှောင််တိညှောင်တောင်
စကားသံတွေကြောင့် မျက်မှောင်တွေကိုကြုံ့
လိုက်မိပေမယ့် စာအုပ်ကိုတော့ငုံ့ဖတ်ဆဲပါပဲ။
" အစ်ကိုရယ် အစ်ကိုကအရမ်းချောတာပဲ
မင်းသားဖြစ်တာလည်း မပြောနဲ့
ညီမကိုလည်း လက်ထပ်သင်ပေးအုံးနော်
အစ်ကို နော် နော် နော်လို့ "
" ဒါရိုက်တာကြီး သမီး ဒီနေ့အတွက်
ပထမဆုံးပြင်လာတာ လှတယ်မလားဟင်
လှတယ်မလားလို့ ပြောအုံးလေ "
" အစ်ကို နော် မီးထိုးရင် သူများလှအောင်
ထိုးပေးနော် လှအောင်မထိုးပေးလို့ကတော့
တွေ့မယ် လုပ်မှာ ဟွန့် "
ဒီနေ့မှသူနဲ့စတွဲရိုက်ရမယ့်မင်းသမီးအသစ်ရဲ့
ပြာကလက်စိန်နေတဲ့ စကားသံတွေက
ဂျီဆူးရဲ့နားထဲမှာတော့ အတော်လေးကို
ကန့်လန့်ဖြစ်နေတာကြောင့် အဆင်မပြေပါ။
ဂျီဆူးဆိုတဲ့မိန်းမက သူ့ကိုယ်တိုင်လည်း
ယောက်ကျားတွေကို ပျစ်တီပျစ်ချွဲမပြော
တတ်သလို အဲ့လိုပြောဆိုဖို့ကိုလည်း
ဝါသနာမပါတဲ့သူတစ်ဦးဖြစ်လေတယ်။
ဒါပေမယ့်လည်း ကိုယ်နဲ့မဆိုင်ဘူးပဲဆိုပြီး
ဖက်လက်စစာအုပ်ကိုသာ အာရုံအပြည့်ထည့်
စိတ်နှစ်ထားနေစဥ်မှာပဲ ထိုမင်းသမီးအသစ်ရဲ့
အသံကနားထဲကိုနီးသထက်နီးကပ်လာသဖြင့်
ခေါင်းမော့ကာ အရှေ့တည့်တည့်ကိုကြည့်စဥ်။
မင်းသားရဲ့အင်္ကျီစကိုပါဆွဲဆောင့်နေသော
မင်းသမီးတက်သစ်စလေးကိုတွေ့လိုက်ရတာမို့။
ဘယ်လိုဟာလေးလဲ ဟ ?
အတင့်ရဲလိုက်တာလွန်ရော
အိန္ဒြေလေးဘာလေးလည်းထိန်းပါအုံး !
ဒီကောင်မလေးရဲ့ရည်းစားဖြစ်မယ့်သူကတော့
တော်တော်လေးကို လိုက်ထိန်းရမှာပဲ ။
KAMU SEDANG MEMBACA
I bought Love But
Fiksi Penggemar" မင်းသာမသိခဲ့တာ တို့ မင်းကို အသေအချာ ချစ်ခဲ့ဖူးတယ် 💔 တို့ အချစ်တွေ မင်းကို ပေးခဲ့ဖူးတယ် ❣️ " ZawGyi Version " မင္းသာမသိခဲ့တာ တို႔ မင္းကို အေသအခ်ာ ခ်စ္ခဲ့ဖူးတယ္ 💔 တို႔ အခ်စ္ေတြ မင္းကို ေပးခဲ့ဖူးတယ္ ❣️ "
