#أفاعي 🐍 1 المقدمة (حقيقية)
#ibrahim_qurji
من بين كل القصص اللي سمعنا بيهم من اقاربنا و اصدقاءنا و من النت و من حتى الشارع ... قصص سحر و خطف و قتل و اعتداء و كل هذا الأذى من الاقارب و الاصدقاء ... بس علاش يصير هذا كله و عشان شن ... كله حقد و خبث و من كلها هذا مش من النساء بس لا حتى رجالة و اولاد و بنات ... بس لأمتى هك رح نعيشوا في سم و كره و حقد ... و لا لازم من انا نمشوا بمقولة ( اقطع الرأس ييبس العروق ) بس زعما حتى مع اقاربنا نمشوا بيها 💔😔
________________
حريق كبير في حوووش كان مليان دفء و حب
حوش كان يحوي عيلة مكونة من اب و ام و ولدين و بنت ... كان حوش اي شخص يتمنى عيلة بسيطة بعيد عن الخبث و الكره و الحقد 💔
سالمة:حريق حريق تعالوا يا ناس حريق حريق ... فاتت للحجرة توعي في بنتها ... سما سما فيقي فيقي يا بنتي
سما:بصعوبة و من غير ما تقدر تتنفس ... احو احو شن في يمااا
سالمة:اطلعي اطلعي بسرعه الحووش ينحرق اطلعي طوول
سما:احو احو ... وين بابا و خووتي
سالمه:ما قدرتش نوصل فيهم في المربوعة ... انتي اطلعي و اني تو نلحقك
سما:وقفت بكل تعب ... و سندت روحي و طلعت البرا طوول بحكم ان داري كانت تفتح ع الصالة و من الصالة للباب طووول ... طلعت و اني نشوف في نار حمراء تأكل كل شي قدامها ... طلعت و بديت نطق ع الجيران و نطلب فيهم يساعدوني 💔
_______________
مصعب:فات بسرعة للحوووش ... طق طق طق بووي بوووي افتح
مفتاح:فاق مخلووع ... و طلع ها شن في يا فرخ
مصعب:بصعوبة ... حووش حووش عمي مختار والعة فيه الناار
مفتاح:شن تقووول انت ... و شن صار فيهم
مصعب:اي زي ما سمعت يا بوووي ... و مش عارف عليهم ... كلمني اسامة و خبرني
مفتاح:خدي الجرد متاعه ... خلينا نمشوا نشوفوهم
مصعب:هي يا بوووي السيارة والعة ... و طلع مش عارف شن يدير 💔
________________
عليا:والعة شموع و موسيقى هادية و اضاءة خفيفة و اجواء رومانسية ... لابسة رووب احمر و فارده شعرها و مدايره ميك اب خفيف ❤ ... و تستنى فيه ... مسكت التلفوون و شافت للساعة ... كانت قريب 12 ... قعمزت ع الكنبة ... سمعت طق الباب وقفت و بدت تمشي بدلع لعند ما وصلت لقدام الباب فتحت الباب ... اه به اللي جيت ومن بكري و اني نستنى فيك
مجد:استنيت لعند ما منال رقدت و جيتك طووول
عليا:مسكاته من ايده ... ما تبيش تفوووت
مجد:فات للشقة ... و حول جاكيته ... شن عمي مهناش
عليا:اي عنده توكة اليوووم ... و الصغار عند امي بعتتهم ... و اليووم اني ليك انت و بس
مجد:اممممم ... حضنها و قامها في حضنه و فات للحجرة و طق الباب بالقوة
مجد:عمي .......
عليا:تشوف في عيونه و ساكته ...
مجد:انفضحنا
عليا:😨😨 #يتبع
هي عطوني رأيكم في المقدمة ... هذي البداية بس و الافاعي مزال ما طلعووش
و في هلبا شخصيات مزال ما حكيتش عليهم و هلبا فضايح ما طلعوووش ❤
أنت تقرأ
أفاعي 🐍
Action#إعلان_روايتي_الجديدة ❤🔥 أول رواية ليا مش رح نقول عليها و لا تلميح لانها حقيقة و لازم نحط النقاط ع الحروف في المواضيع اللي تخصها الرواية سمعتها لما قالت ما نبيش نتزوجه و نجي ع ضره و كان بإمكاني نوقف اللي قاعد يصير ... بس ما قدرتش عليهم لانهم أفا...
