#أفاعي 🐍 5 (حقيقية)
#ibrahim_qurji
عمر:ما قدرش يمسك رووحه من امتى انت وياها
مجد:شن تقصد
عمر:كلامي واضح ... من امتى انت و مرت عمك مع بعض
مجد:سكت بخوووف ... 😨😨 اءء انت شن تقوول
عمر:كلامي واضح يا مجد ... من امتى و انت ع علاقة مع علياء الزفت
مجد:مسكه من سوريته ... انت عارف شن تقوول و لا
عمر:اي عارف ... و شفتكم بعيووني يا خووي ... انت كيف ادير شي زي هذا مع عمي ... اللي وثق فيك و خلاك تفوت لحوشه
مجد:فات عليه شريط فلاش باك ... لما شاف السيارة ... انت كنت تراقب فيا معناه
عمر:ما تغيرش الموضووع يا مجد ... خلينا في موضوعنا
مجد:انت شكلك شارب شي ... كان هذا ما تحكيش مع اللي اكبر منك هك
عمر:اني واعي ع كل كلمة قلتها ... بس شكلك انت تبي تودر رووحك ... بس اني ما نقدرش نشوفك تنحرق في نار انت اللي ولعتها بروحك
مجد:شن ناوي ادير
عمر:تو تعرف مع الاياام ... بس ما تلومنيش ... و طلع من جنبه
مجد:بدي يفكر كيف رح يطلع من المشكلة اللي فيها 🤦♂️
__________________
ورد:وصل قدام المربوعة وصله مسج ( افتح نت ضروري في موضووع يهمك عرفنا من اللي قتل الولد) صكر المسج و قدم شوي و سمع ...
اسلام:اهو تو خووك رجع ... شن ناوي ادير
مصعب:اللي هوو
اسلام:موضوع سما ... مش ع اساس تبي تتزوجها
مصعب:صكرلنا ع الموضووع يا اسلام مش وقته ... و بعدين سما مش مفكرة انها تتزوج من بعد مووت اهلها
اسلام:بس الباين انك تموت فيها مصعب
مصعب:بعيوون يلمعوا ... اي حبيتها من لما كنا صغار ... و حتى لما كبرنا ... بس الغربة خدتها مني و رجعتها لعندي من جديد
اسلام:بس ما تنساش ان مراد حبها اكثر منك و حتى هي حباته لما كانوا صغار
مصعب:انت بروحك قلتها لما كانوا صغار ... بس توا كل شي تغير ... و مش رح نخليها تبعد من قدام عيوني
اسلام:بس انتم هك رح تسببوا مشاكل لبعض
مصعب:ما فيش حد رح يدير شي لحد ... لو اني استعجلت في قراري
اسلام:اللي هو قرارك
مصعب:لازم نبين حبي لسما و نخليها توافق عليا
اسلام:صدقني يا مصعب حبك هذا رح يحرقك في النهاية ... و خاصصة انك تعرف ان البنت مش ليك و لا عمرها رح تكون ليك ... هيا شايفتك كيف خووها بس
مصعب:خليه يحرقني و يحرقها و يحرق اي شخص يحاول يأخدها مني ... حتى لو ....
اسلام:حتى لو شن
مصعب:حتى لوو كان خووي مراد رح نحرقه بحبي لسما ... و الايام تشهد ع الشي هذا 😈
ورد:كان الكلام اللي سمعه زي الصدمه... تو نشوفوا نار حب من تحرق الثاني يا خووي 🔥
________________
ثاني يووم ⛈⛈
جو مصقع و حلووو و مطر خيط من السماء ... و ع صفرة الفطوور
سما:صباح الخير
كلهم:صباح النووور
خيرية:به الحمد لله يا بنتي شفت ضحكت من بعد كل هالشي اللي صارلك
سما:الحمد لله يا حناي ... الدنيا ما توقفش ع مووت حد ... و اهلي تو في مكان احسن بكثير من هنايا 😊
ورد:شفتي يا حناي و لا كيف وجهها تفتح
مصعب:سما باش تجهزي رووحك
ورد:وين ان شاء الله
سما:اي وين يا مصعب
مصعب:ما تبيش تشوفي خووك و لا شن
سما:فرحت من كل قلبها ... اءء اكيد نبي نمشي يا مصعب
ورد:خلاص امالا حتى اني بنمشي نشوفه
سما:اي اي اكيد ... رح يفرح بيك لما تجي
ورد:و انتي يا حناي حتى هو باش تمشي معانا ... و لا شن يا مصعب
مصعب:شبحله 👀 ... اءء اي اكيد
.
.
.
اسراء:تأكل و تتفرج عليهم بغلللللل و تهز في رجلها من تحت الطاولة
لمياء:مسكت رجلها ... اهدي يا اسراء انتي هك رح تفضحي رووحك
وداد:شن توشوشن انتي وياها ... مش عارفتيه عيب و لا 🙄
لمياء:نحكوا بخصوص الجامعه قريب بتبدأ ... و نبوا نعرفوا شن التخصص اللي بنخشوله
وداد:امممم رغم اني مش مصدقتكم بس نقول به و خلاص 🤷♀️
لمياء:هذي حاجة ترجعلك حبيبتي
فتحية:خلاص انتي وياها عاد ... نوضوا ضمن السفره ...
لمياء:به ماما ... هي اوقفي يا اسراء
سما:خليني نساعدكم حتى اني 😊
اسراء:بصووت عالي ... لالا خلي عنك تو نقيموهم احني ... و انتي برا جهزي رووحك باش تمشي
لمياء:مسكتها من ايدها ... هي امشي يا اسراء
أنت تقرأ
أفاعي 🐍
Action#إعلان_روايتي_الجديدة ❤🔥 أول رواية ليا مش رح نقول عليها و لا تلميح لانها حقيقة و لازم نحط النقاط ع الحروف في المواضيع اللي تخصها الرواية سمعتها لما قالت ما نبيش نتزوجه و نجي ع ضره و كان بإمكاني نوقف اللي قاعد يصير ... بس ما قدرتش عليهم لانهم أفا...
