#أفاعي 🐍 4 (حقيقية)
#ibrahim_qurji
اسامة:موضووع يخصك انتي
سلمى:انيي 😨
اسامة:اي انتي ... من الاخير بنخش في الموضووع ... اني سمعت كل شي و اني مستعد نستر عليك و نطلع من المصيبة اللي انتي فيها
سلمى:من انت و كيف تحكي معاي هك 😡
اسامة:احني عارفين بعض ... و مش لازم الدسكة اللي اديري فيها ... لو مش موافقة براحتك ... بس ما نبيش مراد و مصعب ينحط وجووهم في الطين ... اني حبيت ندير شي انساني بس ... هي سلام
سلمى:اءء استنى ما تسكرش ... به لو وافقت شن رح يصير في ميس ... هيا الانتيم متاعي و ما نقدرش ندس عليها
اسامة:خليها عليا ميس ... و اكيد رح توافق
سلمى:اوووف بس ... و سكرت الخط
_______________
عمر:وصل للباب و شاف سيارة مجد مدرسة قدام الباب ... اووف يا عمي علاش تشحور فيا النم كان تقدر تكلم مجد ... فتح الباب و كان الجوو هدوء ... ركب الدرووج و فتح باب الدار و شاف خووه و مرت عمه في وضع بشع 😨😨 ... خدي بعضه و نزل بهدووء و طلع برا الحوووش و هو مصدووم و ركب سيارته و طلع 💔
.
.
.
مجد:سمع صووت سياره ... خدي فنيلته و لبسها ... و شاف من الرووشن و شاف سيارة مشت من قدام الحووش ... مادارش اهتمام ان في حد شافه 🤷♂️... هي شن واتية
علياء:اي حبيبي ... و حضناته بقوة ... شكرا لانك ما كسرتش بخاطري
مجد:بالله معادش تحطيني في موقف زي هذا ... جيبي حاجات هي و اني البرا
علياء:تنهدت ... به
________________
بعد يومين
ما صارش شي جديد في العيلة غير ان خيرية جابت صغارها جنبها في الفيلا ... و معادش خلت حد يطلع و كله حمايتهم بس ❤
منال:ترتب في حوايجها ... من وين طلع تو قرار حناك باش تجمعنا في الفيلا
مجد:ماسك بنته ... حتى اني مش موافق ... بس حناي هك تبي ...
منال:بس خلاص العزاء تم ... الحق نبي راحتي و خصوصياتي
مجد:اي خصوصيات بالله ترا ...
منال:خدت البنت ... ما تنساش اني مرتك يا مجد ... عندي خصوصيات مش لازم حد يعلم بيهم
مجد:شبحلها ... و طلع
_______________🔥رواياتي🔥______________
___________🔥ibrahim qurji🔥___________
في المربوعة
عمر:حاط ايده ع رأسه و يفكر بعمق
اسلام:تي خيرك يا راجل هك ... في شن تفكر
عمر:موضووع شاغل بالي بس
اسلام:شن هو بلك نحله معاك
عمر:خدي نفس عميق ... لو انك شفت شخص يعز عليك في وضع بشع شن تكون ردة فعلك
اسلام:كيف شن الوضع ترا
عمر:مع مرأة قصدي
اسلام:لو كان هو يحبها و هي تحبه عادي قصدي شن بيصير
عمر:به لو هو متزوج و هي متزوجة شن يصير ... زنا نقصد
اسلام:لا هك لازم تتدخل في اقرب وقت ... و بعدين قولي ... من الشخص هذا
عمر:لا شي لقيته ع النت ... و حبيت نسأل بس
اسلام:اممممم ... به اوقف امالا حناي باعتتنا ع حاجات نمشوا نجيبوهم 😒
_______________
ميس:تسكر في اللي ع الطاولة ... انتي كيف تخونيني يا سلمى ... و اني اللي سترت عليك
سلمى:و الله اني ما نبي و هوو اللي اتصل بيا
ميس:معادش تكذبي ... خلاص انتي من البداية مخططه للشي هذا ... غلطتي غلطتك مع واحد اخر و جيتي بتأخدي مني حبيبي
سلمى:افهميني بس يا ميس ... قتلك اني ما درت شي
ميس:فتحت الباب ... و زاد تعلى الصووت بينهم ... كذابة كذابة ... طعنتيني في ظهري يا خاينة و اني درت كل شي باس نستر عليك ... بس خلاص لازم ندير اللي المفرووض نديره
سلمى:لا بالله عليك ما اديريهاش يا ميس 😭 ... و مسكتها من ايدها
ميس:نحي نحي اطلقيني ... بعدي ... و نزلت
خيرية:شن في خير دعوتكم صووتكم عالي هك
ليلى:بنات من غير عصيم و لا ترباية ... شن تعلات الصووت هذي
ميس:الحقيرة هذي خدت مني حاجتي
حليمة:شن في يا بنتي ... خيركم متعاركات و انتن كنتن ديما مع بعض
سلمى:اءء يما و الله ما درت حاجة ... بس هيا فاهمة الموضووع غلط
ميس:شن هو الصح به تكلمي اعترفي ... احكي
وداد:فاتت بقوة و دهشة ... مراد مراد
حليمة:خيره شن في ولدي
وداد:مراد البرا واقف و رجع
انقلب الحووش عياط و استحماد و نسوا موضووع البنات المتعاركات 😂
______________
أنت تقرأ
أفاعي 🐍
Acción#إعلان_روايتي_الجديدة ❤🔥 أول رواية ليا مش رح نقول عليها و لا تلميح لانها حقيقة و لازم نحط النقاط ع الحروف في المواضيع اللي تخصها الرواية سمعتها لما قالت ما نبيش نتزوجه و نجي ع ضره و كان بإمكاني نوقف اللي قاعد يصير ... بس ما قدرتش عليهم لانهم أفا...
