#أفاعي 🐍 6 (حقيقية)
#ibrahim_qurji
منصف:اممم ... تدلع يا حاجة ...
خيرية:و ع شن بتدلع ان شاء الله
منصف:حامل يا حاجة حامل
علياء:اءء .......
مجد:فتح عيونه بصدمه 😨 ....
عمر:طاح منه كووب العصير بصدمه ... لا هك هلبا خلاص عاد ياسركم ... سكتت هلبا
مجد:وقف بخووف ... و بهدووء اسكتت يا عمر اسكت مش وقتها
خيرية:شن في يا عمر ... خيرك وقفت
مجد:لا عمر صايرله موضووع بس ... هذا باش قال هك ... المهم مبارك يا عمي و حتى انتي مرت عمي ... و خدي عمر من ايده و طلع
علياء:مزال مش متأكدة عمتي ممكن لا
منصف:شن اللي لا ... نسيتي شن اللي صارلك قبل شووي ... دوخة و استفرغتي و كل هذا تقولي مش متأكده
خيرية:عادي يعني نمشوا نتأكدوا ... ووقفت
كلهم:الف مبروك ان شاء الله ☺❤
______________
عمر:نزل ايدك من عليا 😡
مجد:انت فاهم الموضووع كله غلط في غلط يا عمر
عمر:تي كل شي واضح يا مجد ... شن اللي غلط
مجد:تنهد ... اي صح كل شي شفته صح يا عمر ... بس مش لدرجة انها تحمل مني ...
عمر:امالا شن ترا ... احكي ... و بدي يدف فيه ... احكي احكي
مجد:اهدأ بس و اركب السيارة ... و اني رح نحكيلك كل شي ...
.
.
.
وداد:خيره عمر شن صارله ... و علاش دار درت فعل زي هذي ... بعد ما قالت علياء انها حامل
وفاء:اي رسمي ... زعما ادير في حاجات من وراء خالي ... لا و علاش خداه مجد و طلع بيه
وداد:اي رسمي ... يالله بنمووت من الفضوول يا رب
وفاء:حتى اني ... اكيد في حاجة يعلم بيها عمر و قبل بيحكي ... بس مجد سكته
وداد:اسمعي ... شن رأيك تتقربي من عمر و تخليه يحكيلك
وفاء:و كيف ان شاء الله
وداد:افتحيلي ودانك كويس للي بنقوله لك فاهمة و لا 😐
وفاء:هزت رأسها ... به 🤦♀️
______________
مصعب:هيا الزفت خيركم عطلتوا
سما:نزلت لابسة عباية و دايره وشاح عادي جدا ... بس مبين جمالها بدرجة لا توصف 🤤 ... هي اني واتية
اسراء و لمياء :هي حتى احني واتيات 😊
مصعب:اسراء لمياء هي من التالي ... و اني سما من القدام
اسراء:لا حبيبي اني من القدام
سما:عادي اركبي هي ... و بعدين ما نحبش المكان القدامي ... هك يجيبلي الشؤؤم
اسراء:بعدي امالا ... و ركبت اءء قصدي صحيتي 😊
مصعب:استغفر الله العظيم و خلاص 🤦♂️
_______________🔥رواياتي🔥______________
___________🔥ibrahim qurji🔥___________
ع البحر
عمر:هي نسمع فيك ... تكلم
مجد:خدي نفس عميق ... القصة و ما فيها بدت من 3 شهور من رجوع عمي مختار من السفر ... وقتها عمي منصف كان مأمني ع عيلته و بكل شي وقتها حسيت بشي غريب يصير معاي بعد ما نشوفلها ... صح كانت صغيره بس مش عارف شن اللي صارلي
عمر:بس انت متزوج يا مجد و عندك عيله ... و بعدين انت هك درت زنا ... و انت عارف شن عقاب الزنا و لا
مجد:اي نعرف يا عمر ... بس ما قدرتش نسيطر ع رووحي يا عمر ... حبيتها و ما قدرتش ننساها
عمر:حبيتها حبيتها ... كيف تحبها و هي اصلا مش ملكك ... و بعدين منال شن رح تكون ردت فعلها لو سمعت باللي درته انت ... عارف شن تكون و لا رح تسيبك و تحرمك من صغارك اللي من لحمك و دمك ... و علياء شن اللي رح اديره حتى هي
مجد:اصلا علاقتنا اني و منال ملخبطة ... و فكرنا حتى في الطلاق
عمر:حط ايديه ع رأسه ... لا يا رب مش مصدق اللي نسمع فيه ... تطلق اللي حلالك و تمشي وراء الحرام ... اظني هك هلبا يا مجد ... اوعى يا مجد قبل ما يعلموا بيك بووي و عمامي ... تصير مشكله و احني في غنا عنها ... عارف شن يديرلك عمي منصف ... يقتلك بدوون رحمه يا مجد ... و اني كأخ ما نبيش نخسرك ... فكر في المووضووع و انهي علاقتك بيها قبل ما تزيد تنكشف ... اني بنروح و انت زيد فكر ... ما تلقى كان مصلحتك في اللي قلته ... و مشي 😔💔
_______________
أنت تقرأ
أفاعي 🐍
حركة (أكشن)#إعلان_روايتي_الجديدة ❤🔥 أول رواية ليا مش رح نقول عليها و لا تلميح لانها حقيقة و لازم نحط النقاط ع الحروف في المواضيع اللي تخصها الرواية سمعتها لما قالت ما نبيش نتزوجه و نجي ع ضره و كان بإمكاني نوقف اللي قاعد يصير ... بس ما قدرتش عليهم لانهم أفا...
