أفاعي 🐍

الحلقة 7 🔥

#أفاعي 🐍 7 (حقيقية)

#ibrahim_qurji

سما:احكي يا مصعب قطعتلي قلبي شن في
مصعب:منذر منذر يا سما
سما:اي خيره ... احكي
مصعب:منذر تمام حاله به و فتح عيونه و يبي يشووفك
سما:ارتبط لسانها ... و نزلت دمعتها اءء به هي نمشوا شن نستنوا
خيرية:استنوني بنمشي معاكم
سما:هي يا حناي ... و خليني نبعت رسالة لورد ... اكيد ما عنداش العلم
مصعب:غير هيا يا سما بس ... و ابعتيها له حتى بعدين ...
سما:خدت عبايتها و طلعت
_______________

وفاء:اهلا
عمر:يدخن ... اهلا
وفاء:كيفك ... ليا فترة حسيتك متغير ... في حاجة
عمر:لا ما في شي ... بس ضغط العمل بس
وفاء:ممكن سؤال ... بس ما تفهمنيش غلط ... لاني بسلامتي فضولية 😅
عمر:اصلا جيتك توا في من وراها حاجة ... ف تكلمي 😒
وفاء:حسيتك انت و مجد ما تتكلمووش ... في حاجة صايره بينكم
عمر:بإستغراب ... الاي هو 🙄
وفاء:كان نعلم اني ره ما سألتكش
عمر:امالا خلي فضوولك يقتلك ... احني خووت نزعلوا و نتراضو
وفاء:حسيت مجد يكلم في وحده ثانية ع منال مسكينة ... و هي ما عندهاش علم 😔
عمر:عندك حاجة بتقوليها به ... ما عندكش فوتيني من الاخير عندي مواويل في بالي مش فاضيلك
وفاء:اءء اسفه ... ووقفت سامحني لاني ازعجتك ... و جت بتمشي
عمر:مسكها من ايدها ... اني اللي اسف لاني عيطت عليك ... بس و الله في موضووع شاغل بالي هالايام هذي ... نبي نحاول نحله بأي طريقة
وفاء:طبطبت ع كتفه ... كلنا عندنا مشاكل يا عمر ... و امتى ما تبي تحكي كلمني عادي
عمر:تمام 😊
_____________

ميس:فتحت الباب بقوة ... هاك خودي
سلمى:اءء شن هذي
ميس:تستعبطي و لا شن انتي ... شن تشبحي فيه
سلمى:فتحت العلبة ... فيها دبلة بسيطه حلوة ... سكتت اءء اسفة يا ميس بس ما كنتش نتوقع توصل لهنايا ... و انتي من اللي عطاهولك
ميس:شن اسفه هذي متاعك ... هذا الخاتم اللي كان مفروض يلتبس في صبعي اني ... بس انتي طلعتي لفعة من تحت تبن ... حفرتي حفرتي ووصلتي لحبيبي ... ما تخافيش اسامه جابه و عطاها ليا اني باش نوصله لك ... و انتي كلمي خووتك و قوليلهم و هو بيكلم ورد و مصعب ... و رح يتم كل شي ... بس حابه نقولك حسبي الله و نعم الوكيل فيك و ان شاء الله ما تتهني فيه انتي و فرخ الحرام اللي في بطنك
سلمى:بلعت الكلام اللي حساته زي السيف ... عندك الحق في كل اللي قلتيه يا ميس و طلعت بكسره خاطر 😔💔
_______________🔥رواياتي🔥______________
___________🔥ibrahim qurji🔥___________

سما:معادش قدرت تتمالك دموعها ... الحمد لله ع سلامتك يا وخيي
منذر:بصوت تاعب ... الله يسلمك يا وخيتي
مصعب:الحمد لله ع سلامتك ... شد روحك يا غالي باش ترجعلنا
منذر:فات عليه شريط يووم الحريق فتح عيونه بصدمه ... اءء الله يسلمك
خيرية:ربي خلاكم الاثنين في رقبتي و ان شاء الله نكون قد الحمل
منذر:اءء شن تقولي حنااي ... شن في
سما:نزلت دمعتها ... انت تو كون كويس و اني تو نحكيلك
منذر:بصعوبة ... وين امي و بووي ما فيش حد جي  و زارني ... وينهم نبي نشوفهم
سما:طلعت و العبره خانقتها ... و لحقها مصعب 💔
.
.
.
سما:تبكي ... يسأل فيا ع ماما و بابا ... شن بنقوله يا رب نقوله اليووم الاربعين متاعهم و لا شن 😭 و حطت ايدها ع وجهها
مصعب:حضنها ... خلاص يا سما اهدي ... ما نحبش نشووف دموعك ... و ان شاء الله منذر رح يستوعب كل اللي صار معاكم ... و بعدين هذا قضاء و قدر
سما:يا رب اوقف معاي في محنتي
مصعب:ما تخافيش يا سما ... ربي معاك و احني كلنا معاك ... و ان شاء الله ما يكون غير الخير
_____________