متمدده بالسطح اباوع للنجوم واحجي وياها انتي همات ماعندج أحد همات تشتاقين لامج بس اكيد تكرهين ابوج نزلت دمعه امتدت أيدها الصغيرونه وببرائه مسحتها كعدت على حيلها نجمه اضحكي ولا يهمج
كعدت الصبح واني اتذكر شلون جنت احجي ويا القمر والنجوم من جنت صغيرة تنهدت بضيق كمت بسرعه عدلت فراشي وطلعت ملابس المدرسه اتجهت إلى غرفه حنين بت عمي سلطان
نجمه: حنين يله اكعدي راح الوكت
حنين : طفي الضوا وطلعي
نجمه: والدوام
حنين: مالي خلك وعندي موعد اليوم
نجمه: موعد!!
حنين: اي موعد شبيج عيني
نجمه : واذا شافج عمي ويا
كعدت وهي تأشر اكعد يمها
حنين: ما انتي حتكونين ويانا فا ماراح يعرف شي
نجمه: لا لا حنين هواي ساعدتج وطلعتج منها كافي هيج
حنين : واني شنو مسويه وبعدين انتي بت عمي وأقرب وحدة الي تعوفيني؟
نجمه: حنين انتي تورطيني بأشياء اكبر مني وبعدين أن صارت سالفه انتي تطلعين منها واني اضل حايرة
رجعت مددت وهي تمط جسمها
حنين: لا نجومه فدوة لكلبج بس هاي المرة عفيه
تنهدت واني اعرف لازم ورى هذا الدلع مصيبه جديدة
نجمه : الله يستر منج ومن مغامراتج
كامت وهي تبوس خدي فتحت الدولاب تختار شنو تلبس واني افكر بروحي إذا مرة وحدة شافوني اروح بيها للابد
مكروة وجابت بنت شنو مفروض يكون حالها ياربي كون وياي
دخلت مرت عمي الدلخ وهي تعوج بحلكها وتدردم
إكرام: خير حنين من الصبح هل الكشخه والعطر الي يسطر شنو تردين تتحارشين بالمدرسه
ضحكت عليها وهي مصدومه وتحاول تجذب
نجمه: صباح الخير عمه
إكرام: هلا
حنين : اليوم عدنا عيد ميلاد وحدة من صديقاتنا وكلهم يلبسون ويتعطرون بس اني وحد
إكرام: اي عيني وتروحين ايدج هيج فارغه مو من عوايدج
حنين: طلعت من الجنطه علبه وتأشر هاي الهديه
إكرام: شو خل اشوفها
حنين : تورطت عزا …. لا عوفيها مغلفه حرامات اخربها
اخذت ايدي وطلعنا ركض خاف تحجي شي بعد
نترت ايدي منها باوعت الي بمعنى شبيج
نجمه: امتحان العربي راح عليه بسببج
حنين: ضلي بس فالحه بالدراسه والله نجمه شاطرة والله مؤدبه خلي يفيدج هذا الكلام الي ما يوكل
نجمه: اني بكيفي اريد اتوظف من أكبر ما اريد اصير عاله على أحد وبس زواج وأطفال
حنين: غمتني بيايدها وراحت تأشر لتكسي
اخذنا تكسي ورحنا لمطعم كبير كلش حلو
كعدت وهي تطك بالعلج وتدور على حبيبها شوي دخل رجل غايه في الوسامه باوعت اله يخبل ضليت صافنه عليه انتبهت حنين دارت وجها تشوف رجعت تباوع الي تطك بالعلج وتضحك بصوت عالي
نجمه: حنين صوتج خزيتنا منا عالم
حنين: ههههههههه أوي عيني عوفج من صوتي عجبج شنو رائج تروحين تحجين ويا
نجمه: ياااااااا شحجي ويا منو كال مظروبه على عيني ومعجبه بي
حنين: عليه هاي الكلاوات نجومه
نجمه: حنين عوفج مني وشوفي هذا البليه السودة وين صار الوكت راح
حنين: اي والله الاثول تأخر كلش .
طلعت الموبايل واتصلت عليه وهي تموع روحها بالحجي سدته وباوعت الي
حنين: جاي بالطريق
بقيت اباوع اله ...انتبه لنظراتي عدل كعدته وهو يبتسم وأشر بموبايله عود انطي رقمي باوعت اله مرة ثانيه عابت طلع خفيف لعبت نفسي درت وجهي هواي اشخاص بس كفر للكشخه والثكل والأخلاق بس يبقى كفر خارجي
دخل حبيب حنين كامت بسرعه أخذته بالاحظان وهو يضحك اعتقد يضحك عليها
كمت اخذت جنطتي وكعدت على غير طاوله اباوع الها اعرف هي تضحك عليه مثله مثل الي قبله مجرد أداة لسحب الفلوس وسد الفراغ العاطفي تكسر خاطري مرات ومرات اخاف منها لان غريبه جدا يوم تحبني ويوم عليك العوض وأكثر المشاكل طايحه براسي من ورى تصرفاتها الغير مدروسه تنهدت امتحان العربي راح واكيد صفر اوووف عاد كون المدرسه تقبل تعيدة الي
بقيت اباوع على الرايح والجاي مليت من الكعدة وهي ولا هنا بعالم ثاني والله يا الله هي مرتاحه واني هنا كاظيتها صفنات
دخل عمو سلطان (ابو حنين الدلخ) باوع اله راح للرسبشن شعدة هنا خرب حظي كمت لحنين بسرعه
نجمه:ولج الحكي ابوج هنا اليوم والله يكسرني ويعدمني العافيه كله من سوالفج التعبانه
حنين: شيسوي هنا
نجمه؛ حكج انتي كاعدة ومرتاحه واني راح انبسط من ورى الدلخ
حنين: نجمممممممه عيب تحجين على بابا
نجمه: دكومي عيني وكت عيب لو تعرفين العيب ما خليتنا مثل الحراميه دتحركي لزكتي بمكانج
حنين : يله باي حبيبي
نجمه: ياااااا ولج دمشي
مشينا بسرعه صعد عمو سلطان للطابق الثاني نمشي بسرعه مهزومين قبل لا يشوفنا اخذنا تكسي وتجهنا للبيت
