حبيت الموضوع في الترشيح يكون مختلف شوية .. مش هاكتب اسم الرواية او اسم العمل كعنوان ولكن هاكتب نوع العمل نفسه.. بيندرج تحت نوع ايه..
اجتماعي مثلًا - سياسي - ديني - رعب - اساطير أو خرافات - تاريخي - نفسي - فانتازيا - رومانسي - أو درامي!!
- قصة العمل:
النهاردة هنتكلم على مجموعة قصصية، مش محتاجة تستنيها ولا تتابعيها ولا تنسي الأحداث.. الاستمتاع نفسه هيكون بالقصة نفسها وحاجة نكسر بيها رِتم الروايات التقليدية اللي فيها احداث وابطال وتأخير في مواعيد الفصول!
أحيانًا بيكون فيها لمحات دينية، بيكون فيها تساؤلات بيطرحها عقلنا من غير ما نحس، وطبعًا فيها نوع من أنواع الرعب.. وساعات بتكون قضايا شائكة وحتى نهايتها بنحس انها مش مفهومة وبتخلينا نسيب علامات استفهام كتيرة في آخرها..
أماكن مسكونة ده اسم العمل..
- لهجة السرد والحوار:
السرد نفسه عامي (مصري) بأسلوب شيق جدًا.. وكل قصة لوحدها.. واحلى حاجة في العمل انه بيكون مدعوم بصور وبحث طويل جدًا علشان تقدر توصل للقارئ كمية معلومات كتيرة بأسلوب سلس ومش ممل ولذيذ..
كمان بيتخلله بعض الكوميديا وده خلاني ارشحه علشان نفصل من الضغوط شوية..
اغلب كتابتها عن التاريخ بأسلوب سردها الكوميدي اللذيذ العامي اللي بيوصلك كده على طول بطريقة حماسية وبيخليك متحمس تكمل القصة.. وعندها مخزون كبير من المعلومات الدينية والأحداث التاريخية وطريقة سلسة في صوغ الأحداث وسردها شيق جدًا.. ومفيش مط ولا تطويل وبتوصل للمفيد على طول من غير ما تضيع القصة والحكاية..
اعمالها الأخرى
- لمحات تاريخية
- ريا وسكينة
- نساء من القرآن الكريم
- شخصيات مُضيئة
- طغاة من التاريخ
- قصص القرآن
- السيرة النبوية
- قصص قصيرة متنوعة
دي صورة حساب الكاتبة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
- عدد الفصول المنشورة:
لغاية الآن قامت بنشر 17 قصة مختلفة (بتاريخ 4 - نوفمبر - 2021) في عمل واحد على الواتباد ولسه بتنشر فيه ودي صورة العمل
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
- أجزاء الرواية:
هو جزء واحد ولغاية دلوقتي برضو هي لسه بتكملها ومأعلنتش عن أجزاء أخرى..
- غلاف العمل ومصممه:
- جنة محمد
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
يارب الترشيح بتاع النهاردة يكون عجبكم ونفصل بيه شوية من جو الروايات المعتادة
