كتاب الحظ

(4) متعوس ومتعوسة

لا تخدعك المظاهر فهدوء القبور لا يعني أن
الجميع فى الجنة

∆×∆×∆×∆×∆

بعدما تركت مليكة هشام ظل هشام يفكر بها و بملامحها وبطريقتها الجريئة والمرحة وقال لنفسه:
_أكيد البنت دي حياتها كويسة ومش شايلة هم الدنيا مش متعوسة زيى،اكيد اهلها موجودين وحالتها المادية كويسة هتشيل هم الدنيا ليه
انما انا اللى خلاص بقيت عالحديدة ومن غير اهل ولا ليا حتى أصحاب هعيش منين طيب!
وتقولي عملت فى نفسك كدة ليه امال هعمل ايه يعني اعيش شحات ما هي هتعرف الغلب اللى انا فيه منين،اكيد ربنا هيسامحني،
انا مكنش عندي حل تاني غير كدة ،كل متع الدنيا اتحرمت منها وبقيت عالحميد المجيد ،اللى زيي اتعود عالرفاهية هيعيش ازاي؟!
دبرها من عندك يا رب.

وفي مكان اخر كانت مليكة تجلس فى غرفة مريم خائفة مما يمكن ان يحدث لها وخصوصا أنها على علم بأن أخو مريم إنسان منعدم التربية والاخلاق ويريد ان يؤذيها بأي طريقة لذلك هي لاتزورها بمنزلها ابدا

فبادرت قائلة بتوتر لصديقتها:
ـ بقولك ايه يا مريم ما تكلمي الحج أبوكي يشوفلي اي مكان اقعد فيه لحد ما اشتغل وهردله الفلوس من اول مرتب بدل القلق دة انا اعصابي تعبانة حتى مش لاحقة ازعل على اهلي المصايب نازلة فوق دماغى مش عارفة افكر

نظرت لها مريم بشفقة وحيرة وقالت بسخرية:
_طب طالما انتي فيكي دة كلة فيكي حيل تهجمي عالراجل العيان اللى كان فى المستشفى

أردفت مليكة عندما تذكرت ذلك الشاب :
ـ عيان اه أمال مش عيان تلاقيه بعيونه العسلي دي دلوعة بابا وماما، وبابي زعله ولا حبيبته جرحت مشاعره فانتحر ، رجالة اخر زمن، شوفي انا في ايه وبقول يا رب انما دة تلاقيه مش شايل هم مسؤلية ولا هم حتى عقاب ربنا، تلاقيه ولا يعرف ربنا اصلا دة تلاقيه مش متعوس زيي والدنيا جاية عليه الدنيا بتيجى على اللى زيي انا

ضحكت عليها مريم وقالت:
_ارحمي نفسك وارحمي الراجل شوية انتي ايه اللي عرفك هو عمل كدة فى نفسه ليه، متحكميش عالناس من منظرهم يا مليكة ما انتي اللي يشوفك وانتي بتتكلمي ولا شايلة هم للدنيا يقول ان معندكيش مشاكل ولا مصايب ،كل واحد عنده اللى معكنن عليه عيشته يا مليكة ،طب ما انتي عندك احنا اهو كويسين بس ربنا بالينا بواحد بيكفر لأبويا ذنوبه بسبب البلاوي اللى بيعملها فينا

مليكة: اسكتي متفكرنيش بأخوكي انا قاعدة على اعصابي خايفة ليطب علينا ويدايقني ويبصلي بصاته اللى بتحرق دمي

ـ متخافيش انا هوصي بابا يخليه يبعد عنك لو جه وانتي موجودة، ومتشيليش هم المكان انا هكلم بابا الصبح واللى فيه الخير يقدمه ربنا متقلقيش وسيبي حمولك على الله.

🖤يا رب الفصل يكون عجبكم ومتنسوش تعملولى فوت وتقولولى رأيكم🖤