حملة برعاية الحب.

الفصل السادس عشر..

نكمل روايتنا(حملة برعاية الحب)بقلم سلسبيل كوبك..
الفصل ال16..
أخر ما توقفنا له في الفصل ال15..
________________________
استيقظت بيان بفزع أثر صوت رحيم المقلق فقد شعر بها و هي تغرز بأظافرها في جسده.
رحيم:أنتِ بخير؟
لم تستوعب بعد بيان فنظرت له بخوف و أرجعت رأسها للخلف تحاول أن تخفف ذلك الشعور المميت.
رفعت يدها نحو قلبها فمازالت تشعر بألم به، أحاطها رحيم بيده و استجوبها.
رحيم:حلمتِ بإيه؟
بيان(بخفوت):مالك و ملاك.
تنهد رحيم بحزن و قبّل جبهتها و جذبها لأحضانه لتنام و لكنها لاحظت تلك الجروح بصدره فاستغربت.
بيان:ايه ده!
رحيم(بابتسامة خفيفة):كنتِ بتلعبي شوية في الحلم فطلعوا على الحقيقة.
أحرجت بيان من رحيم و أغمضت عيناها سريعا حتى غفت.
_في تمام الساعة الحادية عشر مساءا،
كان رحيم في المرحاض حتى استمعت بيان لصوت طرق على المنزل فتقدمت و فتحته وجدت أمامها شاب غريب لا تعرفه.
-مش ده بيت رحيم برضو؟
بيان:أيوه مين حضرتك؟
-أجري نادي سيدك.
بيان:سيدي!! أنت مين أصلا؟
-بتتطاولي عليا يا بت.
بيان:لا ب.
رحيم(بحدة):دياب احترم نفسك.
دياب:هتزعقلي عشان حتة خدامة.
بيان(بصدمة):خدامة!!! ده منظر خدامة!
رحيم(بحدة):دياب دِ بيان مراتي يا ريت تحترمها أنت في بيتها زي ما هو بيتي اتفضل.
رحيم:ادخلِ يا بيان.
نظرت بيان لـ دياب بغيظ و تركته و غادرت.
دياب:مراتك! ده اللي هو ازاي؟
دياب:هو أنت مش كنت رافض فكرة الجواز!!
رحيم:أنا متجوز من تسع سنين.
دياب:يا عم تتجوز تتطلق انا مالي، عايز أعرف إيه المصلحة؟
رحيم:لما الباقي ينور.
دياب:يعني المصلحة هتتقسم على كتير.
رحيم:متخافش نصيبك محفوظ و بزيادة.
دياب:إن كان كدة ماشي، بس لو في غدر من ناحية أي حد انا ساعتها مش هتكلم.
أخرج مسدسه من خلف ظهره و وضعه على الترابيزة أمامه و أشار عليه.
دياب:مسدسي هيتكلم.
رحيم(بسخرية):معاك ترخيص؟
دياب:ا.
قاطعه طرق الباب فنهض رحيم و فتح الباب وجد كلا من مينا و حسام.
احتضن رحيم مينا و سمح لهم بالدلوف و جلسوا بجانب دياب و استغرب الجميع وجوده.
حسام(بهمس):هو مش كان في السجن؟
دياب:و خرجت الحمدلله عندك مانع يا سي حسام!
حسام:أنا وجهتلك كلام!
مينا:خلاص منك ليه احنا مش جايين نتخانق.
دياب:ما تسكته يا مينا.
حسام:هو أنا كنت وجهتله كلام يا مينا.
نظر مينا لرحيم الذي ينظر لهم بصمت كعادته و جلس و وضع قدم فوق الأخرى.
رحيم:يا ريت فقرة تالتة ابتدائي تخلص.
دياب:يا ريت تنجز تقول عايزني في ايه.
رحيم:لسة.
بعد فترة بسيطة،،
أتى نادل حارس أبيه و جلس بجانبهم، فعم الصمت عليهم حتى قطعته بيان و هي تنادي رحيم.
دياب:هي ناقصة!
تقدم رحيم منها و جذب صينية المشروبات لكي يقدمها لأصدقائه.
بيان:هو في حاجة يا رحيم؟
رحيم:لا ادخلِ ارتاحي أو نامي.
بيان:احم هو ده ليه علاقة بمالك و ملاك؟
رحيم:بيان معايا ضيوف مش فاضي.
تركها رحيم و ذهب لأصدقائه.
دياب:كنت تتأخر شوية كمان.
حسام:و أنت مالك يا بجح.
مينا:ما تسكتوا حبة منك ليه هو في ايه؟
رحيم:أولا دِ مراتي ياريت كل واحد تفكيره يحدفه شمال يسكت، ثانيا طول ما أنتوا الاتنين كدة هتطير منكوا المصلحة.
مينا:ألف مبروك على جوازك يا باشا.
نادل(بعدم فهم):حضرتك اتجوزت على بيان هانم!
رحيم:لا يا نادل، انا متجوز من تسع سنين يا مينا و كان عندي مالك و ملاك.
دياب:كان!
رحيم:اه و ماتوا يا دياب.
دياب:اهم ارتاحوا من أب زيك.
ابتسم رحيم له و بدأ يتحدث و هو يعلم بتلك الواقفة تحاول أن تسمع شيء.
رحيم:محتاجكم في موضوع مهم.
رحيم:في بنك في روسيا موجود فيه أكبر خزنة موجود فيها 100مليار دولار.
دياب(بصدمة):مية ايه!!
نادل(بعدم فهم):و مطلوب مننا ايه يا فندم؟
رحيم:نسرق الخزنة.
نهض دياب و وقف خلف رحيم.
دياب:و هو ابن سيادة الوزير هيقوم معانا بالمهمة دِ معقول!!!!!!!
كان يشعر مينا بأن هناك أمرا ما غير ذلك.
مينا:موافق.
حسام:احنا بس يا رحيم و لو احنا بس مين هيقدر يفتح خزنة موجودة في روسيا و ازاي هنقدر نسرقها ازاي بس.
رحيم:زي ما جمعتكم هقدر اجيبه.
حسام:مين هو؟
رحيم:هتعرفوا لما تقابلوه.
رحيم:أنا مش عايز رد منكوا دلوقتي هسيبكم تفكروا عشان كدة مذكرتش اسم البنك، يعني لو الغدر بيجري في دم حد هنا يبقى يقعد يلف على البنوك لأن معلومة زي دِ مش هتطلع لأي شخص يا دياب فاهمني طبعا.
نظر له دياب بغضب و لملم أشيائه و غادر سريعا.
مينا:بس دِ مش أخلاقك يا رحيم.
نادل:و زيدان باشا؟
حسام:أنت عاقل يا رحيم؟
رحيم:احنا فعلا هنسرق البنك.
رحيم:لكن السبب الحقيقي غير.
رحيم:تم اختطاف مجموعة كبيرة من الأطفال من معظم مدارس مصر و في أشخاص مسؤولة ساعدت المافيا الروسية على كدة و تم نقل الأولاد لروسيا و الله و أعلم إيه اللي بيحصل هناك.
رحيم:أنا من كام شهر دفنت ولادي بسبب حادثة و لكن اللي عرفت أنه في أمل أنهم يبقوا عايشين و اللي اتدفنوا مش ولادي.
رحيم:أنا رايح لروسيا و هنفذ الخطة دِ عشان أرجع كل الأولاد المفقودين.
مينا:طب و سيادة الوزير؟
رحيم:رافض الموضوع تماما حتى إني موقوف عن العمل.
مينا:و لكن صعب و مستحيل يا رحيم.
رحيم:أنا اتعلمت مفيش حاجة اسمها مستحيل و لا صعب يا مينا المستحيل ممكن و الصعب سهل إن شاء الله.
رحيم:فاهمني يا مينا، المستحيل ممكن.
نهض حسام و نظر للبقية ثم لرحيم.
حسام:أنا معاك يا رحيم و مش محتاج إني أفكر كلمني أول ما تحتاجني.
غادر حسام سريعا من منزل رحيم لمنزله.
نادل:عن أذنك يا باشا
غادر نادل و هو قلق فموافقته تعني خطورة على حياته، تقدم مينا من رحيم و احتضنه.
مينا:هنرجعهم يا صاحبي أنت بتقول ايه بس، قال ماتوا قال و كمان يا غبي كان نفسي ابقى عم مقولتش ليا ليه.
رحيم:كنت فاكر صفحة و اتقفلت يا مينا.
مينا:غبي طول عمرك.
مينا:بس بقولك ايه مراتك حلوة.
رحيم(بحدة):بره ياض بره.
ضحك مينا و غادر بعد أن ودع رحيم، تقدم رحيم من غرفته وجد بيان تجلس على السرير ممسكة بكتاب فاستند على الحائط.
رحيم:و المفروض أصدق أنك مكنتيش واقفة بقالك نص ساعة بتتصنتي.
بيان:بتقول حاجة يا حبيبي!
رحيم:عاملة فيها دور البريئة!
رحيم:بريئة بريئة، لما نيجي نشوف البريئة دِ هتعمل ايه.
بيان:هتعمل ايه يا مجنون!
__________________________
في مكان أخر،،
عاد لحسام إلى فيلته الكئيبة نظر للأرجاء فلا أحد ينتظر عودته بلهفة و لا أحد يطمئن عليه، اشتاق لأمه و لكنها توفت و كان قبلها أبيه الذي توفى و ترك له أملاكه و أمه لرعايتهم بعد أن توفت أمه قرر أن يتزوج بإحدى فتيات من ذي عائلة مرموقة، اكتشف بعد زواجه بفترة بخيانتها له..
_
-حبيبي عشان خاطري نعمل التحاليل أنت مش عايز بيبي مني و لا إيه؟
حسام:داليا قولتلك أنا مش مستعجل على الخلفة دلوقتي فمفيش داعي يا حبيبتي.
داليا:طب و لو قولتلك عشان خاطر دولي حبيبتك.
حسام:إن شاء الله يا دولي عن أذنك.
داليا:هتسبني و تنام؟
حسام:اه أنا تعبان.
تركها حسام و صعد لغرفته حتى ينام و هو يفكر في ذلك الموضوع ماذا سيفعل به.
بعد فترة،،
حسام:داليا أنا كنت عايز أبلغك بحاجة.
داليا:أنا هقولك الأول عندي ليك خبر جميل أوي.
حسام(بابتسامه):قولي.
داليا(بفرحة):أنا حامل.
لم تستطع تفسير تعابير وجهه و لكن يبدو عليه الصدمة فاحتضنته بفرح.
حسام:حامل متأكدة؟
داليا:اه يا حبيبي، هيبقى عندنا بيبي صغير.
حسام:تمام يا حبيبتي.
داليا:ايه اللي في ايدك ده؟
حسام:شوية ورق متشغليش بالك، بس فكريني نروح نطمن على البيبي اللي في بطنك يا حبيبتي تمام.
داليا:حاضر.
تركها حسام و صعد لغرفته و أخرج تلك التحاليل التي تثبت بأن فرصة انجابه صفر لا يمكنه الإنجاب، شعر بصداع يجتاحه لا يعلم كيف يتصرف و لكنه يجب أن يصبر على ذلك الأمر، بدأ الشك يتسلل إلى قلبه.
_
صعد حسام لغرفته الكئيبة و ألقى بجسده على السرير فهو عازم على مساعدة رحيم لاسترجاع أبنائه هو وحيد ليس له أحد مهتم لأمره لذلك يمكنه الاطمئنان.
_________________________
-في مكان أخر،،
ذهب دياب لإحدى المنازل و طرق على بابها.
-سي دياب.
دياب:حد عندك يا سهر؟
سهر:لا اتفضل.
دلف دياب إلى منزل تلك المدعوة سهر، بعد فترة كان يضع رأسه على رجلها و يتحدث.
دياب:مش عارف أوافق و لا أرفض.
سهر:توافق على إيه يا باشا؟
دياب(بتنهيدة):عرض رحيم.
سهر:رحيم مين؟
دياب(بحدة):مش لازم تعرفي اسكتي.
سهر:أوامرك يا باشا.
دياب:إيه اللي فكر رحيم بيا، مش كفاية اللي حصل زمان.
سهر:ما تنهي حيرتك دِ يا باشا.
دياب:أنهيها بإيه؟
سهر:واجهه و اسأله.
تنهد دياب و أغمض عيناه حتى غفى.
____________________________
-في الصباح الباكر،،
استيقظت بيان على غير العادة و لم تجد بجانبها رحيم فنهضت و دلفت للمرحاض و غادرت الغرفة تبحث عنه.
وجدته يفعل تمارينه اليومية فجلست أمامه.
بيان:صباح الخير.
رحيم:صباح النور، نص ساعة و قومي البسي عشان هننزل.
بيان:هنروح فين؟
رحيم:هنخرج.
بيان:هـ إيه!!!!!؟!
رحيم:هنخرج.
بيان:أنا و أنت!!!! لوحدنا؟!
رحيم:اه في إيه؟
بيان:ممكن تقرصني؟
رحيم:بيان جنانك و النبي مش ناقصه قومي يلا.
بيان:أنت شكلك سخن.
تقدمت بيان من رحيم و شعرت بحرارة جسده.
بيان:مش قولتلك سخن.
رحيم:عنك ما جيتي يا بيان عن أذنك.
كاد أن يدلف لغرفته و لكنها قاطعته.
بيان:ثواني و أكون جاهزة.
دلف رحيم للمرحاض بينما بيان أبدلت ثيابها و خرجت لتنتظره و نظرت لغرف أبناءها فحزنت بشدة و سيطر عليها القلق فتقدم رحيم منها و لاحظ ما تمر به فجذبها و غادر سريعا.
رحيم:مش الدكتور يحيى عزل.
بيان:طيب كويس الحمدلله.
قاد رحيم سيارته نحو النيل و توقف أمامه.
رحيم:مش ناوية تروحي شغلك؟
بيان:كان عندي شغف لكنه راح يا رحيم.
رحيم:ما هو مش هبقى أنا و أنتِ عاطلين.
بيان:هو إيه موقف والدك؟
رحيم:تفتكري مين مضى على قرار وقوفي عن العمل غيره!!
حزنت بيان على ما وصل له رحيم فشغله بمثابة روحه لا يمكنه التخلي عنها.
بيان:هتتعدل صدقني.
كان ينظر رحيم تارة من زجاج سيارته و تارة لبيان حتى لاحظت بيان ذلك.
بيان:هو في حاجة؟
رحيم:لا تحبي تفطري؟
بيان:كمان شوية.
بيان:هنفضل في العربية؟
رحيم:بلاش بره خلينا هنا شوية.
بيان(بعدم اقتناع):ماشي.
فجأة هبط رحيم من سيارته و ذهب نحو شخص ما سريعا.
رحيم:مش عارف إيه لازمة المشاوير.
التفت له شخص مقنع و بجانبه حقيبة حاسب آلي و سريعا ما التقط حقيبته و غادر بعيدا عن رحيم الذي جرى خلفه و لكنه لم يتمكن من اللحاق به فعاد سريعا لسيارته و نظر لبيان التي خرجت من السيارة لترى ماذا حدث.
رحيم:بيان روحي بأي تاكسي.
أخرج عدة ورقات مالية و أعطاها لها و قاد سيارته و غادر سريعا، بينما بيان ظلت بمكانها لم تستوعب ما حدث.
كان يجري و هو ينظر خلفه لمح رحيم يقود اتجاهه و قبل أن يتحرك توقف رحيم بسيارته أمامه و هبط سريعا جذبه من ثيابه..
رحيم:أنا لو بقبض على مجرم عصابات كنت جبته أسرع..
-أنا بريء يا باشا.
رحيم:قدامي.
جذبه رحيم نحو سيارته و قاد لمكان يمكنه التحدث معه في ذلك الموضوع الذي يريده.
-خير يا باشا مروحناش المبنى؟
رحيم:أنا مش بقبض عليك أنا عايز منك شغل.
تنهد الأخر بعمق و نظر لـ رحيم.
-مش كنت تقول من بدري بدل الجري ده كله.
-أصل اللي قريته عنك مش قليل الصراحة.
رحيم:ده مش موضوعنا.
رحيم:عايزك في عملية كبيرة و فيها فلوس و طبعا أنت ماسك في أي حاجة فيها فلوس.
-هو احنا لينا غيرها يا باشا.
رحيم:ليك يا حبيبي بس مش دلوقتي، العملية بره مصر و طبعا هتأخد وقت على ما تتعرف على نظام بره و لكننا هنسافر يوم الخميس اللي جاي.
-خميس ايه يا باشا اللي هو كمان يومين.
رحيم:بالظبط.
-فلوس كتير؟
رحيم:فلوس كتير.
-يعني ده مش كمين من الحكومة؟
رحيم:متقلقش.
-بس أنا قرأت أنه سجلك نضيف ايه اللي خلاك تقوم بالعملية دِ؟
رحيم:لما تكبر و تحس بأمك اللي مجرجرها وراك من قسم لقسم بسبب مصايبك هبقى أقولك.
رحيم:أنزل.
هبط ذلك المجهول و غادر، بينما رحيم ذهب ليقابل عمر.
ذهب الشخص الذي قابله رحيم نحو منزله في مكان عشوائي يحتله الفقر، دلف لمنزله وجد أمه تعد الغداء على أمل أن يأتي ابنها.
-أما.
-شحاته!!!!
احتضنته سريعا و بقوة و هي تشعر بالفرحة العارمة فهذا ابنها التي تحبه و بشدة.
شحاته:وحشتيني يا بطة.
-هانت عليك أمك يا شحاته؟!
شحاته:أنا بعمل ده كله عشاني أنا و أنتِ يا بطة صدقيني هأخدك من المكان ده قريب بس ادعي ليا، هطلع شغل و أوعدك بعدها هرجع و أخدك أعيشك ملكة أسف يا أما سامحيني أنا أسف.
-مسمحاك يا حبيبي ربنا يجعلك في كل خطوة سلامة ربنا يراضي قلبك و يبعد عنك ولاد الحرام يا حبيبي.
شحاته:ربنا يخليكِ ليا أنتِ الخير و البركة.
قبّل يدها و قضى معها اليوم بأكمله.
___________________________
-في الصباح الباكر،،
كان رحيم قد نام من كثرة العمل في منزل عمر، و استيقظ على طرق باب المنزل.
رحيم:عمر يا عمر.
عمر:حاضر يا فندم.
تقدم عمر و فتح الباب وجدها سلمى فسمح لها بالدلوف.
سلمى:هفضل ادور عليك كتير؟
رحيم:عايزة إيه يا سلمى؟
سلمى:عايز أقولك أنك هتطلع المهمة دِ و أنا معاك.
رحيم:هو انا طالع اتفسح، مش هأخدك معايا يا سلمى.
انسحب عمر فهو لا يحب طريقة سلمى أحيانا يشعر بأنها متطفلة على حياة رحيم بكثرة.
تقدمت سلمى من رحيم و هي تحاول أن تجعله يوافق على مجيئها.
رحيم:لا يعني لا يا سلمى.
سلمى:انا مش طفلة يا رحيم و اهي مهمة زي أي مهمة.
رحيم:لا يا سلمى يعني لا مش هروح و أنا شايل مسؤوليتك و مسؤولية إني أرجعك لبلدك سليمة.
سلمى:يا سيدي هعملك إقرار أنت مش مسؤول عن أي شيء يصيبني بس أرجوك اسمحلي أكون معاك.
تقدمت سلمى من رحيم و تعلقت بذراعه، استمعا كلاهما لطرق الباب و ذهب عمر سريعا و فتحه.
دلفت بيان و وقعت عيناها على سلمى التي بجانب رحيم، فنظر لها رحيم و نظر أرضا.
رحيم:مش وقتك خالص يا بيان.
بيان:خير أتمنى تكون عرفت تنام و ترتاح هنا يا رحيم باشا.
عمر:أنا أسف يا رحيم باشا و لكنها اتصلت بيا تسألني عليك و كذلك سلمى.
سلمى:وفيها إيه؟
بيان:أنا منتظراك تحت يا رحيم يا ريت بسرعة عشان نمشي.
رحيم:روحي أنتِ البيت و أنا ورايا شغل.
نظرت له بيان و استوعبت ما تفوه به و لا إراديا ألقت بتلك التحفة التي كانت بجانبها أرضا، صُدِم عمر و نظر لتلك التحفة أرضا فقد كانت غالية عليه.
بينما رحيم نظر لها بغيظ، و سلمى أقسمت بداخلها بأنها فتاة مجنونة.
بيان:أعتذر عمر.
مرت عدة دقائق و كانت بيان استطاعت أن تحطم عدد كبير من التحف و الأشياء التي يمكن تحطيمها.
عمر(بدموع):حرام عليكِ ليه كدة؟
نهض رحيم سريعا و تقدم من بيان التي نظرت له ببرود عكس تلك النيران التي تحيطها من الداخل.
رحيم(بهمس):مش شايفة زودتيها شوية!!
بيان:أنا مش شايفة غير خيانتك يا رحيم لقلبي.
تركته بيان و غادرت استقلت أوبر التي أتت به لهنا و جعلته ينتظرها.
-هتروحي فين يا أستاذة؟
بيان:اطلع على --------..
-اربطي حزام الأمان.
لم تعيره اهتمام و انطلق السائق بسرعة كبيرة حتى اصطدم بسيارة نقل، فاصطدمت رأس بيان بقوة و قلبها أصبح في وضع غير مستقر.
.
.
.
_يتبع:::::::::::::::::::::
_____________________________
التفاعل صفر ليه!!!!!