ندوب لا تزال

البـارت الـتاسع

#ندوب_لا_تزال
#الكـاتبـه_زيـنـب_الإبـراهـيـمـي
البــارت الــتاسـع

صلو ؏ الحبيب محمد ♥️
ـلا تنسون المتابعة والتصويت ♥️

_هزت راسـها متفهمة موقفي كـالـت عدنـا شغـل هواية لآزٍمٍ نكمل نصهن رديت
_هـسـة نكملهن راح ابـدي بيهن

وفعـلا بديت بالقطع واشتغلت بيهن رغم جنت كُــلش جوعانة وتعبانه صارت بال 11 بقت ٱڅڑ قطعة بأيدي وهي دتشتغل وبقت كم قطعة خليناهن ؏ـلى باجـر
بديت اشتغل بيها تقريبا كملتها اجني بنات ؏ـلى المحل يريدن يخيطن قطعهن كالت خاله سعدية

_روحي اخذي قياساتهن ما كلت شي رحت اةاريد اخذ قياساتهن هنّ ثلاث بنات

نازكات جانن ممختارات الفصال محتارات
بقيت اشوفهن فصالات حلوة وبناتية علما قنعتهن شلعن كلبي حسيت بدوخة خفيفة بَـس اتجاهلتها

راحن البنات ورجعت ؏ـلى شغـلـي اشتغلت لحدما حسيت راح اوكـع انتبهت علية خالة
كالت
_تعبتي الًيَوُمًِ الشـغل كثير الساعة 12 روحـي للـببيت وباجر نكمل أنــي عم اريد اطلع

_ماشي هزيت راسي وكمت تعدلت اخخخ ظهري مكسر م‌ـــِْن الكعدة وحانيه ظهري
لملمت المحل وطلعت قبلها

_خالة راح اطلع تحتاجين شي
_ـلا عـينـي تسلمين ـلا تنسين فلوسج خليتهم ؏ـلى المكينة يم البكرات
_اخذتهن خالة مع السلامة

_مع السلامة عـينـي
طلعت م‌ـــِْن المحل ضربت بخشمي ريحة الاكل اشتهيت لفة
باوعت محمـد واكف يم السيارة ينتظرني بالسايد الثاني

ويم السيارة محل لفات صار كل تركيزي ؏ـلى المحل

صرت امشي سريع ردت اعبر وما فكـرت ممكن اندعم او شي جان كل بالي يم الاكل وبطني

مشيت وصلت تقريبا نص الشارع سمعت دكك الهورن ثولني الصوت باوعت السيارة اجت سريعة اني منا ما ماكلة ومنا هبطت بَـس باوعت للسيارة اتقربت وكعت دايخة ويا وكعتي الافكار كلها اجت ان راح اموت واندعم

كلها هاي صارت بثواني الهورن والتفكير والاغماء بَـس سمعت واحد يصيح ـلاااا ما ركزت ؏ـلى الصوت منو
م‌ـــِْن وكعت ما دريت بالدنيا

الا لمن

كعدت أنــي بالسيارة راسي بحظن محمـد م‌ـــِْن شافني فتحت عيـــونـي رفع راسي وحظنه بأيديّ الاثنين كال

_رفيف رفيف تسمعيني
_امم اس اسمعك أنــي ما مــتت مو
_ـلا ـلا ما متي بيج شي يوجعج شي اخذج للمستشفى

_ـلا ما يوجعني شي بَـس شوية راسي يوجعني لَيــِـش مو اندعمت شو مابية شي وبعدني عايشة