ندوب لا تزال

الحـادي عشــر

البــارت الحـادي عشــر
#ندوب_لا_تزال
#الكاتبة_زيـنـب_الإبـراهــيمـي

صلو ؏ م̷ـــِْن بكى شوقاً لرؤيتنا♥️
ـلا تنسون المتابعة والتصويت وعلقو بين الفقرات

أنا مُعجبٌ بِالطريقَة التي تتحولينَ فيها بِسهولةٍ من إمراة إلى طفلة ومن طفلة إلى إمراة الأمرُ كَمثل قوسٍ لامس أوتار كمانٍ وخلقَ لحناً سماوياً ..

...........................................................

راحت رقية وبقى بالي يمهـا لَيــِـش هــيج جان لازمها م̷ـــِْن ايدها عصبي وهي خايفة
التفكير شغلني
مر الًيَوُمًِ رجع مـؤتمن بالليـل سلم وفات ؏ـلى غرفته

رحت ورا
_صحته مـؤتمن
جاوبني
_هَــاا
_شبيك ويا رقية
_شبية
_لتغشم نفسك رقية وجهاا اصفر جانت وانت لازمها م̷ـــِْن ايدها لَيــِـش هــيج جـنـت لازمها

_ميخصج روحـي لشغلـج لتعصبيني
باوعتله معصب طلعت من الغرفة وسديت الباب

هفف هم رجع عصب بَـس زيــن صاير يتفاهم جان ما يتحاجى

مرت الايـام بين شغلي بالمحل وشغلي بالبيت الي صاروا يجون زبائن م̷ـــِْن طرف ام محمد بَـس ما يجوني للبيت عَــلمود مؤتمن ما يعرف يجون لبيت ام محمد وام محمد دز علية اخذ قياساتهم
واشوفهم شَـنوو يريدون يا فصال اكتبه بدفتر
ملاحظات زغير

صارت مسؤوليتي اكثـر بَـس كلما اباوع للمراية يتبخر كل تعبي اباوع لنفسي بأفتخار وين وصلت

تعتبت واجتهدت كافحت واتحملت كل التعنيف الي تعرضتڵـهٍ صبرت وواجهت نفسي واشتغلت عليها
افتخر بكوني بنت بداية 16 صنعت ‏​‏​منـِْهــِْا الايام

بنت قوية اعتمدت على نفسـها بديت شوية شوية وهسة كبر شغلي وصار عِنــديّ شغلي الخاص

باوعت للمراية بتحدي اتحدى نفسي والايام اكافح كـلـشـي واوصل ما دام ربي وياي ما راح اتعب يوكف دائما وياية

تحديت نفسي ما اضعف بيوم واواجه الكـل وما اخاف اتعيـر بأحـد
نزلت دمعـتي بفـرح وسرعان ما مسحتها ما سمحت لنفسي اشوف دموعي

وعدت نفسي اُصًلًيےّ والتزم بصلاتي لان الحمدلله بدت تترتب حـيـاتـي من لعد الفوضى الجنت عايشة بيها

مرت الايام و فـعـلاً التزمت بصلاتي بعد ما طلبت مـِْن ام محمد تعلمني
رحتلهم دكيت الباب اجاني صوت رقية منو

_أنــي رفيف فتحي الباب

_همزين جيتي وشفناج صار يومين ما اجيت ما مريتي علية وكلتي وينها حقيرة