الشفق الاحمر .

البارت السادس 🤍

Part6 ✅
...في اي ايران...
مشت ايامهم هيچ يطلعون يتونسون بالمنتزه الي يم الفندق..
لو يطلعون يزورون ..
لو يطلعون وي المترجم يدورون دكاتره ويراجعون التقارير عندهم ..
تقريبا بقَو خمس ايام ع هيچ وضع
، مَرة من الايام اخذهم المترجم ايضاً بالقطار لغير محافظه اعتقد مشهد أو اصفهان هيچ شي ..
لانو اكو دكتور ممتاز هناك ..ف  يردون يرحوله وصلو تقريبا الساعه 5 الفجر ..
يردولهم مكان ينامون بي أو يگضون ليله بي ، لگو حسينيه مدري شنو بس يعني يدفعون بيها
ام شفق : دخلت للحسينيه وبيدي شفق باوعت الحسينيه زحمه كلش بالاطفال والناس واغلبهم مُرضى گلبي لكشني اخذت بنتي وطلعت
ام شفق : لا ماقبل اخذولنه فندق ماكدر ابقى هنا
ابو شفق : شنو ليش شبيها يمعوده دبريها الدنيا فجر وتعبانين
ام شفق : ياعيني الحسينيه مليانه وكلها مرضى شنو تريد تموت بنتك هناا ...؟
اقتنع ابو شفق واخذ تكسي وصار يدورله ع فندق  الى ان لگو فندق يصير قريب ع السيدة مَعصومه عليها السلام ..
دخلو بي واخذولهم غرفه ، هو صح فندق مو شي بس ع اقل يگضون هليله بيها وهمه تعبانين ..
وصلو وذبو جنطهم ونامو من التعب ع وجووهمم ،
صَار الصبح كالعاده ام شفق وابو شفق طلعوا راحو يزورون السيده معصومه عليها السلام ..
من بعد مازارو طلعوا اكو مكان يصير وره المقام مال السيده معصومه عليها السلام شلون المنتزه ،راحوله
ابو شفق اخذ بيد شفق ومشه
اثناء الطريق ؛
شفق : شفت عجوز چبيره بالعمر بس عيونها حلوه ملونه چانت مخليه حاجات وخراخيش ما افتهمتهه وصلت يمها چان تصيحلي بكلمات ما افتهملها رحتلها ..
: اخذت ايدي ومدتها وانطتني ليرات حديد ، تعرفوهن بعد ، ليرة چبيره وليرة صغيره ، ضليت صافنه هذني فلووس ليش تطيني خاف بايگتهن ديلا بعد انطتنياهان خلروح ،
شفق : شكراً بيبي ، وركضتت ع ابوي الي سبقني بخطوات
شفق : بابا شووف هذني فلووس خلشتري بيهن حباب هذني انطتهن الي ذيج العجوزه .. الخ ، بدت تشرحله كلشي وبكامل التفاصيل
ابو شفق : ذني عطلانات مايشترون بيهن بابا ورجعيها الها عيب
شفق : شنو ارجعها هي اطتهن الييي مارجعها والله مااا حلوات حبيتهن

ابو شفق ، اخذ نفس عميق وسكت

:
ابوشفق خله شفق وامها واخوها يم نافورة مال ماي ، وراح يسأل ع دكاتره ، چان كاتبله المُترجم ع ورقه كلشي يحتاجه  لان جان عنده ظرف ومكدر يروح ويا المهم  ف مجرد انو ينطيها لواحد هو يفتهمه ويشرحله مكان المستشفى الي بيها هلدكتور الزين ،

چانت شفق تراقب ابوها لان حست ع الوضع انو مخربط وسوالف عمليه وهي مريضه !!

بدأت تربط الاحداث ، وبدأ الخوف يتخلخل جسدها وراحت فرحتها بالتصوير والنافورة ،

شافت ابوها يم رجال طوييل لابس فانيله خضره وبنطرون چنه من ذوله القديمين ،
شفق : رحت يم بابا ولزمت ايده باوعلي ورجع كمل شرح للرجال الي چان يحجي عربي !
شفق : يااه هذا شون يحجي هيج عربي شنو غير يحجي ايراني هذا من عدنه يعني شو مافتهمت ، سمعتهم يحجون ع سوالف عمليه وبابا يريد مكان المستشفى واشر عليه وكال هاي بنتي المريضه ، باوعلي الرجال بنظرات قهر مادري شنو بس ماحبيته ابد ردت ابجي من شفته لان حيدلي ع مكان المستشفى  ، وبدأ ذاك الرجال يشرحله وين مكانها ،
شفق : بقت ببالي كلمة ابوي "هاي بنتي المريضه" ضلت ترن براسي ، ليش شبيه! ليش يكلي مريضه اني مو مريضه اني شفق ..
رحت يم امي واني مهضوومه لدرجه واحد يكلي بززز ابچي ..
شفت من بعيد رجال شايب اجه باتجاهي چان مخلي عكازه ع وحده من رجليه وجاي يمشي باتجاهي !! ..