الشفق الاحمر .

البارت الثاني 🤍

Part2✅:
بقو اهل شفق بحيرة چبيرة وين ينطون وجههم من بعد ماگللهم الدكتور هيچ ؟
شصار بحالهم؟ 
وهمة ممدبرين عيشتهم يدبرون عملية تكلف ؟
صَار ابو شَفق يلم من الربع لل خَمسة في سبيل يدبّر عَملية بنيته
كُل الي بباله انو حيگدر يجمع تكاليف العمليه ،
بس للاسف العمليه تكلف اضعاف مَاهو  جامع .
ام شَفق چانت تاخذ هلشفق وتفتر بيها المؤسسات عسا ولعل هم ينطوها وتدبر مبلغ
كل  يوم ابوها يطلع للشغل وامها تاخذها وتفتر بيها ،
كل هذا وشفق صافنه شديصير ليش بس اني اطلع وي ماما ،
چان كل هم الشفق بكل يوم تطلع بي وي امها بالسياره  تنتظر المغرب يصير وتشوف الشمس من تغيب وتشوف اسمها بهلوقت كلش تحب هلشي
مچانت تدري ب الي ينتظرها شنو وهي تنتظر شنو ..
نجحت هلشفق للصف الثاني ابتدائي وصار عمرها 8 سَنوات وفرحانة بنجاحها وكلهم فرحولها ..
چانت ظروف اهلهة مو هينة همة گوه يدبرون اللگمة
ومنا علاجها الي يكلف ومنا عمليتها الي ماخذة عقولهم ، بعد اهل ويردون بنيتهم ..
مَره چانت هلشفق تِلعب بالعرصة(قطعة أرض فارغة)" ماعرف شتسمونها " چانت بنص بيتهم فجأة حست شي وجعها برجلها دنگت جاي تشوف رجلها وچان تشوف دم اخذ رجلها كلها ضلت تصرخ وماتعرف شسالفه ، اجه اخوها الچبير شالها وگام يصرخ وياها يگول لامها راح تموت انوسه راح تموت " چانو يدلعونها انوسه" 
لگفها اخوها وامها للمستوصف وگلوبهم نار وهلشفق تفرفح ، دخلو للممرض شاف رجلها طلعت گزازه شاگه رجلها كُلها طلعوها ولفوها وضربوها ابره "تگزُز "
ورجعوها للبيت ، والشفق من تعب البواچي غفت ومتدري بالدُنيا ..
مَرت ايام وهلشفق طابت من رجلها ،
بقت امها كالعاده  تاخذ هلشفق المريضه وتفتر بيها المؤسسات والجمعيات الخيريه هلبت يساعدون ،
وبنفس الوقت
چانت ام شفق تلتهي وتگضي وكت يم صديقتها تصير مرة شيخ تدرس حَوزه  ف مَرة من المرات ام الشفق سولفت لمرة الشيخ هيج وهيج
مرة الشيخ انكسر گلبها عليها وسولفت لزوجها الشيخ الي هو هم چان يدرس طلاب حوزه ،
راح هلشيخ وسولف لطلابه ع هلشفق
ثاني يوم اجو الطلاب وجايبين 5 ملايين وياهم ..
جامعينهن منهم وجايبينن للشيخ وگلوله انقذ هلطفله ومانريد تردوهن النه بس خلي تعيش وتتذكرنه
،( امنيتي التقي بيهم كلش )..
مرة الشيخ انطت الفلوس لأم شفق وحجتلها كلشي
ام شفق من الفرحه ماتعرف شتسولف دمعتها على خدها
صارت هيج ورب العالمين لطف بحالهم ، چا لو همه يبقون يجمعون ماجابو هلگد مَبلغ  بس الله رحيم بعباده ومايتركهم بشده  ..
اخذو اوراقها وتقاريرها لدكتور مصطفى ببغداد تحديداً دزانه عليه الدكتور طارق الشمري الي بالنجف ، كَل ظن اهل شفق انو يسوون العمليه ببغداد بعدما راحو لبغداد واخذو الشفق لمستشفى ابن النفيس لدكتور طارق :
الاهل: دكتور هاي تقارير بنتنا واحنه دزنه عليك الدكتور طارق الشمري وگال بس انت تكدر تسوي عمليه هيج
الدكتور مصطفى : تعالي بابا شفوقه شوو وصار يگرص بخديداتها ويلعب وياها ،( وشفق صافنه شديصير هذا شبي مخبل  واحنه وين ..
چان بال الشفق ببنيه دخلت للمستشفى شعرها طويل ولابسه تيشيرت اخضر وتنوره قصيره استغربت هلوضع شلون هيج مطلعه شعرها وهيج لبسها ضل بالها يمها )
الدكتور مصطفى : اني لو عندي الاجهزة الزينه الي فقط تلكونها بأيران چان اليوم قبل باجر اسويلها عمليه بس للاسف هسه ماكدر لان فاشله بالعراق بدون اجهزة ايران ، اعتذر منكم ..
ضلو الاهل صافنين شلون بينه وبنيتنه جاي تروح من ايدنه وين ننطي وجهنه وشنعرف بأيران اذا اخذناها وهل ياترى تكلف ايران اكثر؟

لاتنسون النَجمه يا نجوم گلبي ♥️
شَاركوا القصة ♥️.
احبكم كُلش ♥️.
دُمتم بخير .