الشفق الاحمر .

البارت الرابع 🤍

Part4 ✅

چان كلش طريق طويل بحيث  شفق خلصتها نوم ..
وصلوا ونزلوا الحدود  : عَباره عن صحراء وترابه تعمي العُيون ، والكيات موجوده وناس هَواي هناك ضَلت الشفق تتصفن
- منو ذوله واحنا وين؟
شفق : ماما وين احنا تعبت خلي نرجع لبيتنه اريد اروح للدوام واشتاقيت لأخواني شنو نسوي هنا شعدنه هنا تراب مردني حبابه خل نرجع
الام : اوكفيلي ياأمي اوكفيلي هسه نروح لبيت حلوو بس اسكتي وكافي تلغين
شفق سكتت بس ضلت ببالها هواي تساؤلات ، ضلت تباوع ع الحدود شي نص ساعه ماكو فارغه بس سياج ورمل وسيارات .
شوي وجرتها امها وصعدو الكَيه وقبطت وحركت السياره وانطلقو
ضلت شفق هم تتصفن ع الطريق : وين راح نروح ليش اني خايفه شبيه ؟ هسه صديقاتي داومن وست زينب صلحت الهن دفاتر ورسمتلهن وردات واني ماكو .. اوووف ماما الله يذبج بالنار لان ماخليتيني اداوم .. ضلت بهلتفكير لمن غفت من التعب والحراره
گعدت الدنيا ليل نزلو الناس واهلها نزلو ونزلو الشفق هم
گعدو ع رصيف بي حديقه صغيره " استراحه "
اكلو وشربوا والشفق صافنه بودها تسأل امها ع كلشي بس امها متجاوبها ساكته وهي كاتلها الفضول ..
چانت الشفق  لابسه تراك اخضر وشعرها القصير وگاعده ع الرصيف ..
شوي وسمعت السايق يصيح :يلا اصعدوا راح نكمل الطريق
توجهت الرُكاب للسياره وصعدوا واهَل شفق كذالك ..
ضلت الشفق تباوع للطريق والرُكاب الي نصهم ناموا والي كاعدين وهي هم غَطت بنومتها العَميقه ..
..وصلو محطه القطار ..
شفق باستغراب  : هاي شنو !! الله قطارات وسكة حديد مثل االي اشوفه بالتلفزيون  وركضت ع امها من الفرحهه ..
الام بعدما حست ع صياح شفق التفتت عليها لگتها
شفق : تضحك وفرحانه وتصيحلها ماما شنو هاي جبتيني لهاي حلوه احبها اني شايفتها بالتلفزيون احبج ماما احبج وضلت تحضن بيها ..

الام وتشوف بنتها فرحانه هيج ضلت تفكر ك أي ام انو شلون اذا ماتت شلون بيه وانسى هاي ضحكتها مستحيل مسحت دمعتها بطرف ربطتها وسكتت ..

صعدو القطار وشفق ضلت تگمز ماكعدت ابد واخذولهم مكان وكعدو بي ..
چان مكان يم مجموعه شباب كبار يكرزون حب وهلسوالف ،
راحت الشفق يمهم واهلها ميدرون ..
شفق : عمو منين هذا الحب شلون مسوي شلون مكرزينه " چان حب الشمس العادي بس بدون قشور هيچ چيس كامل بس كرزات بدون قشور مادري اذا وصلتكم " ها عمو منو مكرزه هيج وحاطه بالچيس اريد منه ..وضلت تلغي براسهم
ضحك الرجال ومد ايدها الصغيره وخلاها بأيده الچبيره وفرق هوايي
الرجال: اول شي كليلي شسمج  يالثرثاره وانطيج حب هواي
شفق : اسمييي شفق اي شفق مو شفيق هذني صديقاتي هيج يصيحني بالدوام واحنه نداوم بمدرسه الخالصه وعمو اني نجحت و....
الرجال : لج عمو كافي ماريد قصة حياتچ ههههه هاچ هذا الحب وگولي لبابا اكو نهاية القطار محل يشتريلج منه خووش ؟
شفق وهي تحسب الحبايات : خوش عموو خووش وراحت لاهلها ..

حچت لأهلها وضلو صافنين شلون هيچ ترحين بلى خطفوچ ومن هلحجي ، بس الشفق ممبالها هيج جرت ابوها وكلتله

الشفق :اشترييلي من هذا يكول عموو
الاب : تدللين بنيتي تعاي واخذها من ايدهت الي غطت جوه ايد ابوها من ضعفها وصغرها .. وراح اشترالها واجت

شفق : كلت لازم انطي لعمو عيب هو انطاني وهو خطيه شويون بقاله ويريد ياكل ، راحت ل
للرجال وكلتله
: هلوو عموو انطييني ايدك
الرجال: هلو شفييق هاچ شنو تطيني فلووس  ههههه
شفق وهي مغندبه  : شفق مو شفيق عموو ، وهاك هذني حبايات رديتهن الك وبااي  وزعلت  وماراحتله بعد ..
..صار الليل وهمه بالقطار ..
الام بدلت لشفق ولبَستها  تيشيرت وَرديي
الشفق ضلت تلعب وي ابوها وامها تصور بيهم لَمن غطت بالنوم ..
ضلو الام والاب بحيرتهم ..وبتفكيرهم الدائم ببنيتهم .
شلون لو سوولها عمليه؟
شلون لو ماتت؟
شلون لو الفلوس ماكفت ؟
شلون لو ماتتحمل البنج؟
شلون لو مايحتاجلها عمليه وتطيب ..يااارب ، وصارو يدعون عسا ولعل دعائهم مُستجاب ..
گعدت الشفق الصبح ع صوت الرُكاب وهمه يحجون وينزلون .
نزلو كلهم من القطار وباوعت للحدايق الي بالمكان الي نزلت بي حَبتهن كلش ركضت ع الوردت وگعدت هي واخوها وصورو بيهن صور وهيچ
من بعدها اخذو تَكسي گُبل لفندق والمُترجم هَناك تلگاهم ..
دَخلو الفندق وكالعاده شَفق مشايفه هيچ بس بالتلفزيون ضلت صافنه
شفق : ياربي اني اكيد احلم راح اصير مثل اميرات باربيي هذا فندق حلوو الله هاي چربايه بس الييي وهاي حمام وهاي مرايه الله وذبت روحها ع الچربايه وضلت تفكره وتلعب فوك الچربايه  وتگمز
اجو الاهل تعبانين كلشي ماسوو ذبو الغراض من التعب وكعدو بالگاع مَع انو اكو قنفات بس راحتهم بتعويدهم ع الگاع ..
الام : ابو جعفر عيني شناكل واحنه مماكلين طريق كله فدوه لعينك ماتروح تشوفلنه شي ناكله كلها جوعانه
الاب : اي هاي هيه صار هسه اروح اجيب
شفق گمزت : بابا اروووح وياك حبااب ولزمت ايده
الاب وافق واخذها ويا
وهناك چان تشوف ..

يُتبع بالبارت القَادم♥️ ..