الشفق الاحمر .

البارت الثامن

Part8✅
شفق: ماحسيت بشي وبعدني اشوفهم يشتغلون بس ماكدر اصرخ احس لساني مربوط الخوف بداخلي كلش چبير واني اشوف المكان واشوف الممرضين واشوف الدكتور واشوف الاجهزه شي كلش مرعب ع طفله عمرها 7 سنوات ..
اشوفهم واحد يجي واحد يرجع نزعوني كلشي وبقوني بس بالقانيله وخلولي وصله زرگه بيها مكان ممزوگ ، يعني ع شكل دائره هلمكان خلو ع جهة رجلي من فوك " اذا تعرفون مكان القسطره وين يصير لان ماكدر بعد اشرح اكثر من هيج .." اريد احجي اريد اصرخ ششوون اريد امي اريد ابووي بس ايدي مربوطه ورجليه مربوطه وي السديه وبس همه يتهاوشون ، نزلت دمعت وحسيت بيها دخلت بأذاني وصحت ياارب اريد اموت ..
وبهاي الاثناء اشوفهم جابو 6 ابر بصينيه وصارو يضربون بيه يدچون بيه اشوفهم والله بس م احس بشي ابد فليت ايدي من الربط بس ماسويت شي بقيت هيچ كلت حتى اذا وجعوني اشرد بقيت مسويه نفسي مربطه گدامهم وهمه ميدرون اني فليته ، اخير شي شفتهم چابوا سيم مدري واير هيج شي طويل رفيع كلش هم دخلو بمكان الابر ! اني هلمنظر مستحيل يروح من بالي منظر كلش رعبني كلش تعبني دمرنيييي خذيت سنين وسنين اني احلم  بي ..
بقوا يشتغلون مادري شگد من الوقت بس اشوفهم يهوشون واني دموعي ماسكتت تعبت كلش حلكي نشف صرت بس اصيح اريد ماي ماي عطشانه مايسمعوني ومايفهموني ..
اخير شي شفتهم جابو مثل هاي الطاسه الي بتوم وجيري نفس هاي النايلون الي يخلون بي دم وهيج " مادري اذا وصلتكم الفكره ،
بس چان ثگيله وبارده خلوها ع مكان القسطره وحسيت بيها طلعوني واني من هلمكان واشوف امي تركض منا ومنا بس تريد توصلني وابوي وراها ودموعها على خدها .
شفق : ماما زرفوني والله حطولي هواي ابر وسيم ماما شسوو بيه والله ضليت ابجي واصيح اريد امي مايسمعوني ، ماما اريد ماي ماي عطشانه
ام شفق : ادري يحبيبتي هسه نشتكي عليهم ولا يهمج يروح امچ انتي اوووف الحمدلله الك يارب لج يمه يبس گلبي عليج ..
دخلوني بجناح فارغ بس ممرضات وامي دخلو يمي واشوفهم وخرو الوصله كلها دم !
روحي انسلتت سلت شنو هذا الدم خفت والله كلش خفت
تجرأت وباوعت للسديه واشوفها كلها دم !
منظر مستحييييل يروح من بالي .. اني وگاعده يگصبون بيه ..
ضلت دموعي تجري وماكدر احجي احس روحي تعبت مابيه بعد ..
نضفوني ورتبو الفراش وامي اجت لبستني ملابس ونوموني 
شفق : من حلات روحي بسرعه غفيت من التعب ..
گعدت ع وجع مكان القسطره وجع مينوصف احس شي يبز بيه بكل مكان ..
ضليت اصرخ وابجي .
اجت امي وجهه اصفر والممرضين وراها
ضربوني مدري شنو بالكانوله وشربوني ماي ، شوي خفت الألم ورجعت خليت راسي ودمعتي طاحت ع المخده واباوع لأمي شلون تتشاقه وياي وتريد تنسيني كل الي شفته بس من گد مامتأثره وروحي رايحه وتعب جسمي والمنظر الي بعيوني  الي ميروح مگدرت اسمعها شتگول وشتحجي وياي ،
شفق : ذبيت اللوم ع اهلي لو ما همه جا ماشفت هيج جا ماطلع دم مني هواي درت وجهي عن امي وضليت ابجي حسيت بيها طلعت ضليت ابجي بسكووت لمن غفيت ..
ثاني يوم ..
شفق : گعدت ع سوالف يم راسي وشوي جسمي خف التعب بي واكدر احرك روحي بس ألم التبزز بمكان القسطره لسه يوجعني  واحس بي..
ام شفق : حسيت ببنيتي تعبانه انه ماشفتها وگلبي خلصان عليها شحالها وهمه يگولون بنج موضعي يعني شافت كلشي يروح اميمتچ ، من دارت وجهه عني گلبي انعصر طفله بعدهي وحست بالتعب اووف يااربي چا تمتحني ببزري  مسحت دمعتي وطلعت عنها ورحت اكمل دموعي يم ابو شفق الي هو ضال چلد وعضم على بنيته  ..
ام شفق : ثاني يوم كتبولها خروج وگال الدكتور خلصو شغلكم وتعالولي للمكتب نحجي ، رحت لشفق لكيتها نايمه اوف يماما بيه ولابيچ ..
مسحت وجهه بماي ونزعتها فانيلتها ولبستها جديده ونزعتها البجامه وردت البسها جديده جان تصرخ ..
شفق : ماما حبابه يوجعني لاتحركيني عليج الله والله يوجعني وضلت دموعها تجري
ام شفق : عفتها مانزعتها وهي تفرفح عدلتلها كلشي ورحنه يم الدكتور ..
الدكتور : اهلاً وسهلاً تفضلوا تفضلوا
اهل شفق والمترجم :  گعدو كلهم وصارو يستمعون للمترجم وللدكتور وووجوهم صفره عسا ولعل يبشرهم ويگللهم متحتاج عمليه!
الدكتور حسب ترجمه: من كل ولازم هاي الايام تجري العَمليه لان الفتحه جاي تتضخم لان على الرغم من انو عمرها وگلبها لازم بگد چف ايدها ! الگلب صاير بگد چف ايدي اني .. ف كلش چاي يأثر عليها واتمنى بأسرع وقت تنقذون بنتكم ..
ام شفق وابو شفق : من سمعو هلكلام وجهم بهت لونه وملامحهم صارت وي التراب والحزن غطه عيونهم چانو متأملين الخير لچن الله يريد يمتحنهم اكثر ويختبر صبر گلبهم على بنيتهم ..
ياترى شراح يسوون ؟
راح يتركوها تموت لأن احتمال الفلوس متكفي !
أو ماكو دكتور يسوي العمليه !
لو ينقذون بنيتهم ..
كل هلتفاصيل نُعرفها بالبارت القادم ، دُمتم بخير 🤍