[ နာကျင်မှုအားမဖော်ပြသောလူတစ်ယောက်။ ]
ခွပ် ~
"မင်းကိုယ်မင်းဘာထင်နေလဲ ဒီဂိုဏ်းရဲ့သခင်လို့လား ဟမ်"
သွေးထွက်သွားတဲ့နှုတ်ခမ်းထောင့်ကိုလက်ခုံဖြင့်သုတ်လို့ သူ့ရှေ့ကလူကိုပြန်ကြည့်သည်။
"မင်းဘယ်လိုပြန်ကြည့်တာလဲ"
အေးစက်သောအကြည့်တွေအား မခံစားနိုင်သည့်နှယ် ရှောင်းကျန့်ကိုအော်ဟစ်တော့သည်။ ကောင်းသည်ဆိုးသည် တစ်ခွန်းတစ်ပါဒမှမဆို ထိုလူကိုကျော်သွားလေသည်။
"တစ်ဖွဲ့တည်းသားချင်း သွေးကွဲစရာမလိုဘူး "
သူ့အဖေအပ်နှင်းထားသည့် စမ်းသပ်ချက်ထဲတွင် မိမိကိုလေးစားကာကြောက်ရွံ့စေရမည့်တာဝန်လည်း ပါရှိလေသည်။ သခင်ရဲ့အလေးပေးခြင်းခံရတဲ့အခါ မည်သူမဆိုမနာလိုဖြစ်ကြမှာ အမှန်ပါပဲ။
ရှောင်းကျန့်ရဲ့စကားအားကြားလိုက်ရသော သူတို့မှာအနည်းငယ်ချမ်းစိမ့်မှုကိုခံစားရပြီး ထိတ်လန့်သွားကြသည်။ ပစ္စည်းတစ်ခုအား
ယှဥ်ပြိုင်ကာလုဖို့စေလွှတ်ခြင်းခံရသည့် မိမိတို့အဖွဲ့ ဒါပေမဲ့အသက်ပြည့်ခါစကောင်လေးက သူတို့ရဲ့ခေါင်းဆောင်ဖြစ်နေတယ်။ဘယ်လိုမျိုးသည်းခံနိုင်ရမှာလဲ ပိန်ပါးတဲ့ကိုယ်လေးနဲ့ဖြူဖျော့နေတဲ့မျက်နှာ။ ဘယ်လိုလို့သူတို့ရဲ့ခေါင်းဆောင်အဖြစ်လက်ခံနိုင်ရမှာလဲ။
"အခုချိန်ငါ့ကိုမင်းတို့ရဲ့ခေါင်းဆောင်အဖြစ်မသတ်မှတ်ပဲ နေနေဦးမယ်ဆိုရင် မင်းတို့အသက်တွေကျန်ရှိနေဦးမယ်လို့ အာမမခံနိုင်ဘူး "
သူတို့ရှေ့ကကောင်လေးအားကြည့်တော့ သွေးထွက်နေသောညာလက်အား အဝတ်စနဲ့ခပ်တင်းတင်းချည်နေလို့ ရှေ့ကအဖွဲ့ကိုမျက်စပစ်ပြသည်။
"သခင်ခိုင်းတဲ့အတိုင်းအဲ့ပစ္စည်းကိုရအောင်လုရမှာပဲ မင်းတို့စိတ်ဝမ်းကွဲနေမယ်ဆိုရင် သူများရသွားလိမ့်မယ်"
တည်ကြည်တဲ့မျက်နှာထား လေးနက်တဲ့အကြည့်တွေ သေးငယ်ပေမဲ့အဆိပ်ပြင်းလှတဲ့မြွေပွေးတစ်ကောင်လို။
YOU ARE READING
Rebirth:Am I Not Dead Yet?(Book-2)
Random[ NOT TRANSLATION ] (ဘာသာပြန်မဟုတ်ပါ။) Am I dead? Why is I still alive? Why is this child telling me to adopt him? • YiZhan • [Own Creation] Starting Date: 14.6.2020 Ending Date : 6.10.2020 Rebirth of Daddy Villain. Book 2 For Xiao Zhan's Point Of...