مابين_الحرب والحب

مابين الحرب والحب (المقدمه)❤️

#الإعلان او المقدمه.

#الكاتبه مسك المصراتي❤️

.
.
.
.
.
.
تعالو نعرفكم ع شخصيات الروايه❤️
حوش جازيه عندها 3اولاد وبنت وراجلها متوفي ليه سنين
.
.
الولد الكبير ناجي من مواليد السبيعات وزوجته حوريه والزوز من نفس العمر ❤️❤️
عنده 3بنات و2ولاد .
.
.
الكبيره ساجده اولى جامعه ونوعها هاديه ومش متع مشاكل بس لما تولع حي عليك حي🙂😂
.
.
البنت التانيه شمس تقرا تاني ثانوي وطبعا اعصاب غر جربو قولو معاها كلمه🤣
.
.
البنت التالته بيسان اولى اعدادي وهاديه وكيوتت ع الاخر واكتر وحده تحبها امها 😂♥️
.
.
.
.
الولد التاني ناصر مواليد الثمانينات هو وزوجته امنه وعندهم 3ولاد اطفال❤️
.
.
.
الولد الثالث منتصر مواليد التسيعنات ومرته ارجوان اكبر منها بسنه وعندهم 2صغار ومتزوجين عن حب❤️❤️
.
.
البنت عبير مواليد السبعينات وعندها 2صغار بنتها ميسون تقرا ثاني ثانوي نديدت بنت خالها شمس
وولدها محمود خاش تالته اعدادي وماشالله قالبها ع راسه 🥲😂😂

.
.
.
روايتي ح تحكي ع بنت تنغصب ع ولد خالتها وفيها قصه بنت ح تحب قريبها اللي دخلوه ل دماغها من كتر ماقعدو يقولولها انتي تبيه وفعلا نرسخ ف دماغها
وفيها الولد اللي ح يحب البنت بطريقه مختلفه وحتى العقل مايستوعب وماتعرفوش هل هو يحبها ولا يكرها

سنه الـ 2019:
.
.
.
وقتها كانت ساجده عمرها 15سنه وكانت الدنيا الليل كيف طالعه من الدوش وخشت للصالون تجفف شعرها وهي تغني وتستشور خشت عليها اختها شمس:
ساجده:خير بلاك تهدي هدان حتى الردع يخشو بإحترام🥲💔
شمس:ماهو لما يجيك خبر صادم تنسي حتى الاحترام وبعدين علاش بنحترمك يعني 🙂
ساجده:حقيره وربي لما نحرش فيك ماما ع قلة الاحترام اختك اكبر منك مش نديدتك اني وبعدين شن هو الخبر اللي يخليك تخشي تهدي عليا هكي😒
شمس:تعرفي ان خالتي طيبه كلمت ماما عليك وقتلها ايمن يبيك 🙃
ساجده:نصدمت وتجمعو الدموع فـ عيونها شن تقولي انتي🥺
شمس:اقسم بالله اني سمعتهم يتكلمو ف التليفون حتى بري اسالي ماما
ساجده خلت الاستشوار وناضت وحاسه قلبها بيطلع من مكانه لان كانت تكره ايمن ولد خالتها وماتحباش نهائي وتفكر بينها وبين نفسها وهي ماشيه ل امها(هادا اللي كنت نقول من هي اللي بتتحمله بيرموني ليه واكيد ماما بتوافق لانه ولد اختها😩💔)
وخشت ساجده لدار امها ولقت امها شاده التليفون ووقتها تاكدت ساجذه ان كلام اختها صح💔
تكلمت ساجده بخوف وصوتها مخنوق :ماما جديات خالتي طيبه كلماتك عليا ؟💔
ام ساجده :اي وخيره وليد خالتك ماشالله عليه وبعدين وين تلقي خالتك تجي عزوزتك تحن عليك كان اني جنبك ♥️
ساجده:ياماما مش هكي خالتي نحبها ونموت فيها لاكن ولدها لايطاق واني مانحباش😩💔
ام ساجده:جربي تقابلي معاه وكلميه وكان مارتحتيش اني مش ح نخليك تاخديه انتي جربي خودي بخاطري ووعد مني كان ماعجبكش نرفضوه
ساجده:قعدت تفكر كيف ان مش حابه الموضوع وان ماتبيش ترفض امها🥺💔
ام ساجده:ها ياسجو وين سرحتي
ساجده:ماما اني بناخد برايك للكن لو مش ما ارتحتش بعدين ح نرفض راه 👌🏻
ام ساجده:تمام انتي جربي بس والدنيا نصيبات البنت يخطبوها 1000وتنكتب لواحد
ساجده :تمام خلي انوض نكمل شعري خليتوني نجري ماندري ف جرت الخرا هادا🙂
ام ساجده:عيب ولد خالتك شن تقولي عليه هكي
ساجده:بالله عليك ماما وانتي ميته فيه فرحتي اللي طلع يبيني ويخطب😒
.
.
.
.
.
.
.
.
.
.
.
.
.
.
.
.
.
بعد اسبوع بالتحديد👌🏻
ف الليل الساعه11:30م
اتصلت الخاله طيبه بـ ام ساجده
طيبه:السلام عليكم كيف حالك وحال العيله
حوريه:وعليكم السلام الحمدالله كويسين كلهم كيف حالكم انتم
طيبه:بخير الحمدالله شن حال الاولاد غادي ماسالتيش عليهم؟
(طبعا الخاله طيبه تسكن بعيد عليهم اما حوريه وخوتها ف نفس النطاق يعني )
حوريه:لاكلمتهم اول امس حالهم باهي غر اليوم ماحصلتش رصيد بش نكلمهم تو غدوه نعبي ونكلمهم
طيبه:باهي المهم حالهم باهي
طيبه:ياوخيتي شن بنقولك مش قتلك نبي نجي عندك ايامات نشبحك ونشبح الاولاد تاني ايمن قالي هي مشيه مشيه خلي نمشي نقعمز مع البنت وتتعرف عليا ونتعرف عليها اكتر شن قولك؟
حوريه:من البنت اه ساجده وخيره يجي طول اصلا ناجي ماشي بعيد وبايت يرجع تاني يوم ع الاقل مايحصلوش حشمه ويتعرفو ع بعض
طيبه:تمينا امالا وانشالله نصيبهم من بعض ياوخيتي وين نلقى بنيت اختي وبنيتي تعرفيني قداش نحبهم البنات اقسم بالله كانهم بناتي
حوريه:وخيره مش خويلتهم اكيد زي بنتك ساره
طيبه:كيف عاد هي امالا مانعطلش عليك وغدوه الصبح نكونو عندك ياغاليه♥️
حوريه:الحوش حوشكم ❤️❤️
سكرت طيبه الخط....
.
.
.
.
.
#يتبع
هاادا الاعلان او المقدمه ♥️
وفيه هلبا قصص ح تصير وح تعرفوها فـ الحلقات الجايه من روايه#مابين الحرب والحب❤️.