مابين_الحرب والحب

مابين الحرب والحب(الحلقه الرابعه)❤️

#مابين_الحرب والحب

#الحلقه_الرابعه

الكاتبه مسك المصراتي💘

حوريه:قال عنده راجل يستنى فيه وتوا يجي يسهر هني
احلام :امالا باهي نشبحه ع الاقل الدنيا فيها كل شي
وناضو كلهم يتباكو
عبير تبكي:توا علاش تفاولي ع رويحتك ياحلومه وناضت حضنتها وتبكي
جازيه تبكي ع وخيتها:بادن الله خير اني املي فالله كبير وبادن الله تمشي وتجيننا بالسلامه والصغار ماتخمميش فيهم
احلام:ربي يخليكم ليا ومانفقدكم ياربي😭😭
جازيه بصوت عالي ع اختها:هياا خلاص عاد يااحلام فكك من البكي خليك انسانه قويه ومؤمنه بربي
عبير:هو علاش العمليه ياحلومه 🥺
احلام:قالولي عندك ورم ف الرحم😥
جازيه بخوف:ورم حميد ولاخبيث؟💔
احلام ببكي:خبيث😭💔💔💔
حوريه:ماتخافيش ياحلومه مدامه بينحولك الرحم بادن الله خير وخلي ايمانك بربي كبير
احلام:ان شالله ياربي
شوي سمعو الباب يخبط حوريه لساجده
حوريه:سجو نوضي افتحي الباب
ساجده:باهي اهو نايضه
ومشت تفتح لقاته بوها حضناته وقالت
ساجده:بابي ستاحشناك😍❤️
ناجي:غر علاش المجامله هما ساعتين غبتهم
ساجده:والله مانجامل يابابا هي حرام عليك😥🥺
ناجي:نبصر عليك ياحبيبت بابا شن جت عمتك احلام
ساجده:اي اهي الداخل
وخشو مع بعض سلم ناجي ع احلام وقعمز يهدرز
ناجي:شن صاير معاك ياحلومه
احلام:والله ياناجي شن بنقولك قالولي ورم خبيث💔
ناجي:الله واكبر 💔💔ان شالله بادن الله خير وتعدي ع العمليه ع خير
احلام :ان شالله
ناجي يحاول يغير الجو شويه:جيبو تورطا ل احلام
ساجده:توا انوض اهو
حوريه:لاياسجو انتي قاعده صغيرونه وين تعرفي تقسيم التورطات اهو نايضه بالمره نديرو شاهي
ناضت حوريه جابت التورطا والشاهي وخشت قعمزو يهدرزو وغيرو ل احلام جوها
ساجده:ماما اني بنوض نحط حاجاتي ف الدولاب مدامكم تهدرزو توا اكيد بتحكو مواضيع بروحكم واصلا بعدين مش ح نفضى لحوايجي لان بنساعد حنينه
حوريه:سلمها بنيتي العاقله نوضي خودي راحتك توا بنت حناك عاد😂
جازيه:اي امالا شن حبيبت قلب حنينه❤️
مشت ساجده باست حناها:اكيد اصلا معاش مروحتلهم 😎
ناجي:بعتينا هكي ف دقيقه هكي ☹️😂
ساجده طلعت تضحك:عادي مابعتكمش مع حد غريب😚😂
ومشت خشت للدار اللي خصصتها حناها ليها
تعالو نحكيلكم شن فيها الدار

(الدار فيها دولاب كبير ودرجاته كبار و2سراير لان لو حد جاي بيبات مع ساجده ومرايا فيها من الجنب درجات ومكتبه فيها تلفزيون وكتب من فوق❤️❤️)
.
.
.
.
.
.
.
.
.
.
.
.
.
خشت ساجده ترتب ف حوايجها وتغني 😂💘
ساجده:مالو حبيبي مالو قولولي ويش جرالو💃🏻
وهي تغني تلفتت بتاخد باقي الحاجات من الساكو تلقى رائد ف الباب ويسمع قالها:خيره حبيبك سيبك شكله🙃
ساجده:تصدق انك مريض نفسي 😒
رائد :والله؟
ساجده:اي مريض وختل عقليا
رائد:وكيف عرفتي انتي مثلا🙃
ساجده:لان اني نغني ف اغنيه شن عرفك انها ع حد يعني شن عمرك ماغنيت اغنيه هكي من غير شي ولاتحساب الناس كلها مريضه نفسيه زيك حقيير
رائد خش شدها من يدها بقوه:مش كان سكتتلك معناها تتمادي وردي بالك مزال تقوليه الكلام هادا عليا فاهمه
ساجده دفاته ع الدولاب :اطلع من داري ورد بالك مزال تدوي معاي حرف حتى كيف حالك مانبيكش تقولهالي فاهم؟
رائد طلع ويتكلم مع نفسه(زعما وجعتها لما شديتها من يدها بقوه؟🥲لاكن تستاهل قداش نكرها الفرخه هادي مستفزه وبارده🙂💔)خش قعمز مع امه وهما يهدرزو وباله مش معاهم
.
.
.
ساجده ف دارها قعمزت تبكي توا شن درتله اني بش يوجعلي يدي هكي قلت كلام الحق وقعدت تبكي خدت تليفونها واتصلت بصحبتها اسيل صحبتها من الطفوله ❤️
ساجده بصوت باكي:الو اسوله
اسيل:اهلين سجو شنجوك وشن مدايره
ساجده:ماشي الجو جيت لحوش حنينه وبنقعد هني عندها
اسيل:الله مليح خير من الكساد من فيه فحوش ف حناك ولابروحكم
ساجده:لاالعيله كلهم متلقطين هني وفيه حتى عمتي احلام وصغارها
اسيل:امممم واني نقول خيرك مضايقه اكيد من داره الكبد هاداكا
ساجده بصوت شبه باكي:اي الحقير تعاركت اني وياه وشدلي ايدي بقوه قعدت حمره
اسيل:محقره الكلب كان نشده نطلقه ميت وصلت بيه لهدرجه؟
ساجده:فوتيك منه توا اني بنرقد غدوه نهدرزو حبيبتي
اسيل:تصبحي ع خير ياقلبي بينا كلام غدوه❤️وردي بالك ع روحك من الكلب هاداكا❤️
ساجده:ان شالله حبيبتي باي😥
رائد كان ورا الباب ويسمع فيها وعرف انها وجعتها خبط ع الباب وقال:ساجده عادي نخش؟
ساجده بلانيه:تفضل
خش رائد وقال :اسف اني وجعتك لاكن كلامك عصبني بس ماكانتش نيتي نديرلك هكي 😥
ساجده :تمام عادي ماصار شي
رائد:باهي تعالي هدرزي معانا غادي ماتقعديش هني توا يحسو عليك
ساجده:اي صح كلامك شويه ندير ل ايدي كريم اساس بش تبانش ونجي
رائد:اسف مره تانيه💔
ساجده:خلاص رائد لوهله ح نحس انك طيب واننا مانكرهوش بعض😂💔
رائد ضحك ضحكه خفيفه:مش هكي بس الواحد لما يغلط يتاسف مش محبه فيك يعني🙂💔
ساجده:خلاص باه اقلب وجهك ولابتبات معاي🤣
رائد:كان تقعدي اخر وحده ف الكره الارضيه مستحيل اهيا وطلع🙃😂
ساجده ادير ف الكريم وتحكي مع نفسها(افف اسفه شفعله عندي شوي بس عادي مش معنى ان علاقتي بيه بتولي عاديه هو غلط وتاسف 🥲)
طلعت ساجده للدار اللي فيها العيله
ناجي:وين فقدناك
ساجده:والله قعدت نرتب ف الحوايج بعدها خداني نوم شويه غسلت وجهي وجيتكم
ناجي:عادي معليشي حتى كان كملتي نومك عادي تعب الامتحانات رجع عليك
ساجده:شكله هكي
احلام:شن مفكره تخشي ياسجو ثانوي ولاحاسوب
ساجده:بنخش ثانوي
احلام:ربي يوفقك حبيبتي❤️❤️
.
.
.
.
.
.
.
.
.
.
.
.
.
الساعه12:30م
بين هدرزه وجو حلو مع العيله ومنسجمين ويهدرزو جي اتصال ل حوريه قالت حوريه لساجده:سجو نوضي جيبي تليفوني ف الصالون خليته شكله يشرين ناضت ساجده بتجيبه نصدمت بالاتصال

حوريه:😍♥️
ساجده:😱😭😭
.
.
.
.
.
.
.
.
.
.
.
.
.
#تبع
شن تتوقعو زعما علاش ايمن اتصل ب خالته حوريه وهل الكلام هادا يفرح ساجده ولايزعلها ح نعرفو الحاجات هادي ف الحلقه الجايه من روايه#مابين الحرب والحب❤️.