مابين_الحرب والحب

مابين الحرب والحب(الحلقه الثالثه)❤️

#مابين_الحرب والحب

#الحلقه الثالثه

الكاتبه مسك المصراتي❤️

ركبت ساجده للسطح وهو سوره عالي جابت كرسي
وركبت ع السطح
.
.
.
.
.
.
.
.
.
عند حوريه
حوريه :وين مشت اختك ياشمس
شمس وهي فمها معبي وتاكل:وين نندري اني كيف نايضه
حوريه:غر بالشويه راك تنخنقي بالماكله واني نايضه ندورها اكيد ف السطح تحب تقعمز غادي
وركبت حوريه ونصدمت
حوريه:هييي نهاري الاحرف شن اديري انزلي
ساجده وهي تبكي:مش تبو تزوجوني لولد اختك الكلب بالسيف اهو نفككم مني مدامني حمل تقيل عليكم
حوريه تبكي ع بنتها:انزلي يابنيتي تربحي انزلي نتفاهمو هكي مايصيرش كل شي يجي بالتفاهم
ساجده:معاش عندي ثقه ف كلامك نهائي وعدتيني ان لو مانبيش بالسيف تعطوني وخلفتي وعدك ليا
حوريه:انزلي ونقول لبوك والشور عنده كان قال لا ماتاخديشي
ساجده كانت عارفه ان بوها مستحيل يجبرها نزلت :تمام
.
.
.
.
.
.
الساعه 4:30م
تغدا عمكم ناجي وكيف داروله قهوه ويهدرزو وكيف حوريه تبي تفتح الموضوع
حوريه:امس جت طيبه هي والصغار تهدرز وباتت هني مايدروش عليك بايت بعيد قعدو خاطرهم ف الهدرزه معاك يانويجي☺️
ناجي:ياريت قلتيلي راه حاولت نبكر ف المرواحه ع الاقل لحقت عليهم فطرنا مع بعض اليوم
حوريه:معليشي مره تانيه هالمره شورها مش مواتيه
ناجي:اي وخيره
حوريه:شن بنقولك ياناجي راهو طيبه طالبه ايد ساجده ل ولدها
ناجي:ومني منهم؟
حوريه:ايمن
ناجي:اه هو ولد ماشالله عليه الحق لاكن نشوفو راي ساجده قبل ونادا ع ساجده
ناجي:سجوو ياسجو تعالي نبيك
جت ساجده تجري:نعم بابي
ناجي:ينعم عليك ياقلب بوك انتي سمعتي بموضوع ولد خالتك ولا
ساجده نزلت راسها :اي يابابا سمعت
ناجي:وشن رايك انتي
حمقت حوريه حست انه بياخد برايها تكلمت بعصبيه:شن تاخد ف رايها قاعده فرخه الشور شورك
ساجده:مدامني فرخه علاش بتعطيني لولد اختك امالا
ناجي تكنطا :اسكتيي ياحوريه اني ندوي مع ساجده ومستحيل نعطيها كانها مش راضيه بنتي مش لاقيها ف الشارع اني
ساجده تبكي:يابابا من حد سمعت بالموضوع تبي تعطيني بالسيف ليه واني مانبيشي نكرهه
ناجي سخفاته بنته قالها:تعالي هني اشر ع مكان جنبه مشت ساجده بحداه خدي يدها ويطبطب عليها ويحكي :يابابا صدقيني سوا توا ولابعد وقت مستحيل نعطيك لراجل ولانحط ايدي ف ايد نسيب الا وانتي راضيه يابنيتي ❤️
ساجده حضنت بوها:ربي يخليك لينا يابابا ومانفقدك ف يوم من الايام🥺❤️❤️
ناجي مسحلها دموعها :امين توا نوضي اغسلي وجهك وتو رواحكم بنمشو لحوش لحناك عمتك جايه غادي
حوريه:امالا خلي انوض نحدد حوايج الولاد وانتي بري قولي لخواتك يوتو رواحهم
ساجده مشت خشت ع خواتها يتفرجو
ساجده:شمسسس نوضي البسي بنمشو لحوش حنينه
شمس:جدياتت😍😍
شمس:من في غادي
ساجده:بابا قالي عميمه جايه غادي
خشت عليهم حوريه:نهاركم معقوله اني حددت حوايج خوتكم ولبستهم وانتو قعدين واقفين تهدرزو اني والله مادخلي نلبس واللي مش لابسه تقعد وطلعت
ساجده وشمس مشو يجرو لدارهم يلبسو
.
.
.
.
.
.
.
.
.
.
.
.
.
وصلو حوش ناجي لحوش الحاجه جازيه
خشت ساجده تسلم ع حناها:حنينه 🫂كيف حالك
جازيه تبوس فيها:الحمدالله يابنيتي بعد ماشفت حفيذاتي😍🔥
ومشت ساجده تسلم ع الباقي
طبعا كانو دايرين عيد ميلاد لولد عمتهم مفاجأه
نحكيلكم شن دايرين
(طاوله طويله وفيها رز وبوريك وطاجين وتورطا وحلويات ومشروب وهكي )
والدار مزينينها طالعه تجنن مع الاضواء❤️✨
.
.
.
.
.
.
.
.
.
.
.
.
.
نمشو لمكان تاني اللي ماحكيناش عليه ف الحلقات اللي فاتو
حوش احلام اخت جازيه مرا طيوبه وبنات العيله كلهم يحبوها ❤️❤️
عندها 5اولاد وبنيه
الكبير رائد يقرا سنه تانيه جامعه طب
التاني فيصل اولى جامعه نفس عمر ساجده
الثالث رافع يقرا ثالثه ثانوي
والصغيرين الزوز توأم عاصم وعصام م2015❤️
والبنيه اساور تقرا تانيه اعدادي ❤️
.
.
.
.
.
.
.
.
.
.
.
.
.
عمتكم احلام مرضت وقاللها الدكتور لازم تسافري واديري عمليه وهاداكا الوقت رائد عمره 16العام
طبعا جهزت روحها احلام واتصلت ب اختها جازيه وتبكي ع حالها
جازيه :اهلين حلومه كيف حالك وحال الوليدات وحال بنيتك❤️
احلام:الحمدالله كلهم بخير وصوتها باكي
جازيه:شن فيه ياوخيتي فجعتيني صوتك مش عاجبني وبدت ترعش خدي ناجي التليفون من امه
ناجي:الو يااحلام
احلام:اهلين نويجي شن اخبارك