مابين_الحرب والحب

مابين الحرب والحب(الحلقه الثانيه)❤️

#مابين_الحرب والحب

#الحلقه_الثانيه

الكاتبه مسك المصراتي❤️

الساعه10:00ص
ناضو كلهم ووتو الفطور قالت طيبه لساجده بري نوضي ايمن قوليله تعالا افطر
ساجده بين وبين نفسها(شن هالحصله وين مايبو حاجه يبعتوني) ومشت تنوض فيه
ساجده حطت يدها ع كتفه:ايمن ايمن نوض هيا بنفطرو
ايمن نايض لاكن يدير ف روحه راقد جبدها جت فوقه ساجده:ا ا خخ يرك شن ادير
وناض يقمزها ح ركبته وقال:ساجده نبي نوضحلك شي مش معنى اني نقرب منك معناها نلعب بيك لا اني ولد خالتك ومانرضاش نلعب بيك لاكن الانسان عنده مشاعر ويحس واني معاك نحس مشاعري كلهم ينبضو🥺وباسها ع خدها❤️
ساجده ضرباته كف ومشت وقفت ف الباب وقالت:بعد حركتك هادي كان تقعد اخر واحد ماناخدك فاااهم 😥ومشت تجري ف الحمام تغسل ف وجهها شافت روحها ف المرايا خدودها حمر قالت بينها وبين نفسها(خيره خدودي حمر توا تشوفني ماما حي عليا😥)
طلعت وخشت لدار امها وذارت كريمة اساس بش تغطي خدودها😂😂😂😂🥲
وبعدها طلعت تفطر وتهدرز عادي
.
.
.
.
.
.
.
.
.
.
.
.
الساعه12:30م
الخاله طيبه موتيه روحها بش تروح وقالت ا اختها حوريه
طيبه:ياوخيتي بش تكلمي ناجي لما يروح وتردو علينا الولد قريب يطير
حوريه:حاضر غر يروح بس قبل بنقوللكم اقعدو لين يروح لاكن اهو البنيه معاكم ومسكينه فحكم راجل وكيف متزوجه يبيها جنبه
طيبه:اي ياوخيتي شن بندير هي والله قعدتكم مانمل منها لاكن ماجبتش ساره راه قعدت ومسكينه شدت تبي تمشي وهي تتوحم خفت تجي وحمه ف العيل
حوريه:عادي مادوريش شن بننقعطو حني سيرونا نتلاقو 🥰
خش ايمن:هيا يما وقت راه وعندي امتحان
(ماحكيناش ع الخاله طيبه ف الحلقه اللي فاتت😂
الخاله طيبه مواصفاته بشرتها لاهي سمره ولابيضه وعيونها ملونات خضر وعندها ولدين وبنت ايمن طويل وضعيف وعيونه ملونات اجنبي الولد😂🔥 م92يقرا هندسه
والتاني محمد م2002نديد ساجده ولاكن نقشه اسود وعيونه مش ملونات🤣
ساره بيضه وعيونها ملونات متزوجه م 2000)

نرجعو وين ماكنا
ايمن :هيا يما وقت عندي امتحان
طيبه:هي ياوليذي من بكري واتيه اني ياساره هيا خوك عنده امتحان
ساره:طالعه اهو
وطلعت حوريه تودع ف وخيتها ♥️
وروحو جت ساجده ل امها
ساجده :واخيرا روح داره الكبد باهي اللي فكر يروح وهو قريب يقطن هني🥲💔
حوريه:عيب اللي تقولي فيه راه هادا ولد خالتك زي وخيك
ساجده:بروحك قلتيها زي وخيي وانتو تبوه راجلي بالسيف
حوريه:تحشمي ع وجهك امك قدامك راه وبعدين وين تلقي زيه ايمن مهندس هك كبره شن مزاله غر هالامتحانات الاخيره بس وانتي تتشرطي مش عاجبك
ساجده:تحسابو الدنيا كلها مظاهر مايهمنيش هو مهندس ولادكتور الفكره اني مش متقبلاته افهمو وناضت لدارها
.
.
.
.
.
.
.
.
.
.
.
.
.
.
.
.
.
.
بعد تلاته ايام بالزبط ايمن طلب ان يهدرز مع ساجده وساجده قالت تهدرز معاه من ايميل امها😂🔥
وهو يهدرز فرحان عمك ايمن وفجاه قاللها
ايمن:سجو
ساجده:نعمم
ايمن:نحبك
ساجده:واني نكرهك تعرف مش متحملاتك نهائي
ايمن نصدم من الكلام وقاللها:متاكده ياساجده
ساجده:اي وبكل قواي العقليه نقولها نكرهككك
ايمن قالها: خلاص اعطي التليفون لخالتي وهي فرحت لتفكت منها عاد😂
ومشت تجري ل امها
ساجده:ماما هاك تليفونك
حوريه:ان شالله غر ماقلتيش حاجه للولد
ساجده:ماقتله شي اصلا الا كلمة نكرهك بس
حوريه:شننن هيييي خير بلوتك تبي تهبليني انتي تي حتى انسان تكرهيه ماتقوليهالاش هادي وتليفونك هاتيه معاش فيه ع الحشمه الي درتيهالي
مشت ساجده جاباته وهي كلها حقد ع ايمن وع امها كيف واقفه معاه ومشت رقدت وهي تبكي من الحال اللي نحطت فيه ...
.
.
.
.
.
.
.
،

  بعد امتحانات ساجده الاعداديه باسبوع ف وقت القايله جي ل حوريه اتصال مشت ساجده جاباته من البار متع وسط الحوش لقاته ايمن رفعاته ل امها
ساجده:هاك الخرا يتصل بيك
حوريه:قاعده مشعفتيش انتي؟
ساجده:حق شن دخلي اني ملحو
ومشت تتفرج ع مسلسلها❤️
ردت حوريه ع ايمن
حوريه:الو كيف حالك ايمونه
ايمن:اهلين الحمدالله شن اخبارك انتي والعيله
حوريه: الحمدالله بخير
وطلعت تتكلم ف وسط الحوش
ايمن:شن صار ياخالتي ف موضوعنا
حوريه:راهو قالت ماتبيش
ايمن:قوليلها مرات بعدين تندم وتبدا هي اللي تقول تعالا نتزوجو
حوريه:تو نحرش فيها بوها مش برايها هو
ايمن:تمام امالا وقوليلي شن يصير وتوا بنسكر فيه راجل جايني بعدين نحكو
حوريه:سلامتك ياوليذي ربي معاك
طلعت ساجده سمعت الكلام وقالت:معقوله ياماما ترميني ليه واني مش راضيه اني بنتك راه كان ناسيه
.
.
.
.
.
.
.
.
.
.
.
.
.
.
.
.
.
ركبت ساجده للسطح وهو سوره عالي جابت كرسي

ساجده:🥺💔💔

حوريه:😱😱😱
.
.
.
.
.
.
#يتبع
شن تتوقعو بيصير مع ساجده ؟🥰