مابين_الحرب والحب

مابين الحرب والحب(الحلقه الخامسه)❤️

#مابين_الحرب والحب

#الحلقه_الخامسه

الكاتبه مسك المصراتي❤️

الساعه12:30م
بين هدرزه وجو حلو مع العيله ومنسجمين ويهدرزو جي اتصال ل حوريه قالت حوريه لساجده:سجو نوضي جيبي تليفوني ف الصالون خليته شكله يشرين ناضت ساجده بتجيبه نصدمت بالاتصال
حوريه:هيا هاتي التليفون ياسجو مني يتصل هو
رفعاته ساجده ل امها وقالت:خودي شوفي بروحك
خدت حوريه التليفون لقاته ايمن
حوريه:خيرك ماتقوليش انه ايمن ترعشي فيا علاش
حوريه ردت ع المكالمه:الو كيف حالك
ايمن:اهلين خالتي الحمدالله وانتم
حوريه:الحمدالله عند عمتي جازيه اليوم متلقطين كلنا كيف حالك طيبه
ايمن:الحمدالله وشن انتو بايتين غادي
حوريه:اي ياوليدي
ايمن:باهي امالا لما تروحي كلميني ع المسنجر
حوريه:تمام ورد بالك من روحك وتصبح ع خير ♥️
ايمن :وانتي من اهله
ناجي:هادا ايمن؟
حوريه:اي هو
حوريه تبي تغير الموضوع :الساعه كم سفرتك ياحلومه
احلام:مفروض نطلعو من هني الساعه8
حوريه:خلاص امالا اني عندي حصه بنلحق عليها توا نحطوك ع طريقنا وقولي لـ راجلك يجي غادي طول
احلام:اي صحيتو هكي اريح خير من يحصل مشوارين
ناجي:والله مافكرت فيها طلعت حوريه اذكي مني ف هادي😂😂😂

شويه ورقدو كلهم غطت ساجده الكل ودارت دوره ع حناها غطتها ومشت طفت اضواء الحوش وكيف خشت ل دارها خش وراها رائد
ساجده:نعم شن تبي حتى انت نغطيك بش ترقد ولاكيف🙂💔
رائد:اي تعرفي محتاج حنان منك 😒
رائد:بما ان كلهم رقدو ماجانيش نوم قلت نكسد معاك 🙂❤️
ساجده:وعلاش تكسد معاي ان شالله عندك اله اسمها تليفون كسد عليها🙃💔
رائد:مش ديما التليفون وبالتريس بتهدرزي ولابدرهي الكبد توا🙂
ساجده:اممممم خليني نفكر
ساجده:هو بما ان الزوز مكسدين بنهدرزو لاكن اخر مره واول مره🌝
رائد:ع اساس اني اللي مستاحش الهدرزه معاك توا غر من العازه😉
ساجده:به هي ضم فمك هي وانت ستناست
رائد:باهي خلاص وانتي ولعتي 😒
ساجده:اي خش قعمز ع السرير التاني اني نمشي نجيب قهوتي ونجي
رائد:باهي مافيش بالك تبي تشرب حتى بالكدب🙃💔
ساجده:انت تحبها توا؟

محلاظه:ساجده عشقها شي اسمه قهوه وهادي وراثه من عيلتها🤎

رائد:مش بالحب هي عادي مرات نشربها🙂
ساجده:مكتر دوتك ماه قول جيبيلي معاك وخلاص
ومشت تجيب ف قهوه
رائد لقي تليفون ساجده ع الكمدينو خداه قعد يجرب ف الرمز لين اخيرا كتب تاريخ ميلادها وفتح التليفون لقاها مهدرزه مع ولد زميلها رغم ان الهدرزه عاديه بش هو وجهه تغير ومسح البرامج اللي كان خاش عليهم ورد كل شي لمكانه
خشت ساجده بالقهوه وقالت:تفضل سيد رائد بالك تبي نشربك حتى🙂
رائد ماردش من لاول يصارع ف نفسه بس قال بينه وبين نفسه لازم نتعامل معاها عادي بش نفهم نيتها تجاهه ورد عليها:مانقولش لا
ساجده:حسيت جوك تغير صار معاك شي؟
رائد قعد يألف ف قصه من راسه :تبي الحق صاحبي حكالي قصه وماعرفش يتصرف
ساجده :دقيقه خلي نحط السفره ونجي نفهم القصه حطتها وجت قعمزت
ساجده:اي وشن هي القصه هادي
رائد:قصته انه مره لقي تليفون قريبته تهدرز مع ولد صفها والهدرزه عاديه بش ماعرفش نيتها تجاهه شني؟
ساجده:باهي صاحبك يحبها ولاشن؟
رائد:لا هما يكرهو بعض بس تضايق من الموضوع
ساجده:اني من رايي ان البنات صح مرات يهدرزو مع زملائهم بس ك زملاء بس ومافيش بنت تفكر ف ولد صفها الا قليل النادر ماتصير الحاجه هادي
رائد:اي فهمتك ح نقوله اللي قلتيه وخلاص
ساجده:تمام اي انت شن ناوي تخش ادبي ولاعلمي؟
رائد:علمي اكيد
ساجده:اي انتو الولاد هكي حتى كان راسه زي السطل مهم يخش علمي
رائد:واضحه بش يقولو عليا حمار خاش ادبي🙂💔
ساجده:امممم ع اساس انت توا شاطر وبعدين همك ف اللي يمشي معاك ولاهمك ف شن يقولو عليك انت😒
رائد:سكري الموضوع هدرزي حاجه تانيه🥲
ساجده:لا اني خلاص بنرقد نايضه بكري
رائد:تمام حتى اني بنمشي نرقد باي
ساجده:باييي بالهلبا 🤣
.
.
.
.
.
.
.
.
.
.
.
.
.
.
الساعه7:30ص
في حوش الحاجه جازيه العيله مقعمزين يفطرو ويهدرزو
ساجده:عمتي احلام قصدك جديات بتخلي الداره رائد يقعد معاي ف نفس الحوش🥲
احلام تضحك ع ساجده وكلامها:اي ياخي حتى لما نروح بنخلي يقعد ديما هني
ساجده:لا ردي بالك اديريها تربحي🤦🏻‍♀️
احلام:ياحليلي امتى بتكبرو انتم نحسابوكم كبرتو ودرتو عقل
ساجده:عمتي حلومه مهما كبرنا لهيب الحقد ح يقعد بينا🙃
رائد:ع اساس اني اللي مقطع روحي بش تبدا علاقتي معاك عاديه
جازيه:هيا خلاص عاد ريحونا صبح مش وقت تتناقرو فيه
رائد:معاك حق خالتي سامحينا
جازيه:السماح ياولدي
ناجي:هيا امالا نوضو وقت راهو تبيلك بش نوصلو المطار
ناضت احلام ودعت اختها وصغارها ومشت مع ناجي وحوريه
خشت ساجده لمت سفرة الفطور وغسلت الماعين وتتكلم من الكوجينه: حنينه تبي نسخنلك شاهي؟
جازيه:ياريت جيبيهولي ف داري
ساجده:تمام شويه بس نكمل تسييق الكوجينه بس
خش رائد بيشرب اميه شافاته ساجده قالت:تعرف نلقى رجلين ف الارضيه انت بتسيقها مره تانيه
رائد ببرود:وانتي شن وضيفتك يعني😒؟
ساجده:توا لما نشد نعجنك طريحه تعرف وظيفتي بعدين🌝💔
رائد:شكلك متعوده تعطي ف طرايح انتي اللي تشوفيه تبدي كان تلقي تعجنيه طريحه🥲💔
ساجده:خليك مسالم مايوصل فيك شي يابيلو😉
رائد:بزعلها اميه ع الارضيه وهرب
ساجده:وربي كان مانتقمتش منك يافرخ رائد مانبداش اسمي ساجده فرخ بلا ربايه
رائد يتكلم وهو ف الدار:ياسر انتي متربيه
كملت ساجده ورفعت الشاهي لحناها حطاته جنبها
جازيه:صحيتي سجو
ساجده:سلمك
ساجده:كان بترجعي ترقدي عادي الوقت قاعد بكري
جازيه:توا اهو نغير ف القنوات نتفرج لين ياخدني النوم وردي بالك من الصغار راهم يطلعو برا ديريلهم رسوم تو يتفرجو لين يرقدو
ساجده:تمام
ومشت للدار اللي فيها التلفزيون غيرت الرسوم للصغار وقالت ل رائد:نوض انت ف داري واني وياهم نقعدو هني
رائد:تمام احسن تفكيت من ازعاجك
ساجده غطت الصغار مرات ينعسهم النوم ورقدت بحداهم لين خداهم النوم

عمك رائد يتفرج ع حاجات ساجده ويستكشف ويتفرج ع الدار مش خاطر عليه النوم بكل
.
.
.
.
.
.
.
.
.
.
.
.
.
ساجده نعست بحدا الصغار بعدين حست حوايجها مبلولات وهي راقده ناضت بتغير كيف خاشه للدار لقت رائد يتفرج ع الاكسسورات والحاجات متاعها
ساجده:شن ادير انت مصح وجهك وخلاص
رائد دس اللي كان ف ايده طول ف جيبه من غير ماتشوفه ساجده وقال:عادي نتفرج شن فيها
ساجده:مرات تخنب حاجه ترفعها لحبيبتك😒🙂
رائد:ماعنديش حبيبه اصلا ريحي عظامك😎
ساجده:واضح اصلا لان ماترضى بيك الا المهبوله🤦🏻‍♀️
ساجده:وهيا اطلع بنبدل حوايجي
رائد:فيها تبديل شكلني بنقعد😍😂
ساجده:اقلب وجهك بلا خفه وقلة ادب وخليك مسالم زي ماقتلك خير مايصير شي لايعجبك ولايعجبني
رائد:نبصرو وانتي بصلتك محروقه توا جديات اني بنشبحلك انتي حتى سوداني مايرضاش بيك😂💔
ساجده وجعتها الكلمه صح يكرهو بعض بس مش لهدرجه وقالت:اقلب وجهك من داري به
طلع رائد من الحوش حس روحه قالق اصلا قعد يتمشي ف الشارع ودار سماعات وفتح اغاني
.
.
.
.
.
.
.
.
.
.
.
.
.
رائد وهو مستمتع وفاتح اغاني جاه اتصال من رقم غريب رد صوت بنت بتبكي ومش مفهوم كلامها؟

رائد:مني معاي؟😥😳
البنت:😭😭😭💔💔
.
.
.
.
.
.
#يتبع
شن تتوقعو يكون ايمن بيقول ل لخالته حوريه وهل ومن تكون البنت اللي اتصلت بـ رائد هادا كله ح نعرفوه ف الحلقه الجايه من روايه#مابين الحرب والحب❤️.